ഓഹരി വിപണിയിൽ ഇന്ന് ഒരു ശതമാനം നേട്ടം, ഐടി ഓഹരികൾ ഇടിഞ്ഞു

മെറ്റൽ, ബാങ്ക്, ഓട്ടോ, ഫാർമ ഓഹരികളുടെ നേട്ടത്തിലൂടെ ഇന്ത്യൻ ഇക്വിറ്റി ബെഞ്ച്മാർക്ക് സൂചികകൾ വെള്ളിയാഴ്ച ഒരു ശതമാനം ഉയർന്ന്, നേട്ടം കൈവരിച്ചു. സെൻസെക്സ് 1.50 ശതമാനം അഥവാ 548.46 പോയിൻറ് ഉയർന്ന് 37,020.14 ൽ എത്തി. നിഫ്റ്റി 1.51 ശതമാനം അഥവാ 161.75 പോയിന്റ് ഉയർന്ന് 10,901.70 ൽ ക്ലോസ് ചെയ്തു. നിഫ്റ്റി സ്മാൾക്യാപ്പും നിഫ്റ്റി മിഡ്‌ക്യാപ്പും 1.32 ശതമാനവും 1.39 ശതമാനവും വീതം ഉയർന്നു.

റിലയൻസ് ഇൻഡസ്ട്രീസ്, എച്ച്ഡിഎഫ്സി ബാങ്ക്, ബജാജ് ഫിനാൻസ് തുടങ്ങിയവയുടെ നേട്ടം നിഫ്റ്റിയെ 10,900 ലെവലിനു മുകളിൽ എത്താൻ സഹായിച്ചു. നിഫ്റ്റി പ്രൈവറ്റ് ബാങ്ക്, നിഫ്റ്റി ഫിനാൻഷ്യൽ സർവീസസ്, നിഫ്റ്റി മെറ്റൽസ്, നിഫ്റ്റി ഓട്ടോ എന്നിവയുടെ നേതൃത്വത്തിലുള്ള മേഖലകളിൽ വാങ്ങലിന് സാക്ഷ്യം വഹിച്ചു. എന്നാൽ, നിഫ്റ്റി ഐടി സൂചിക നഷ്ടത്തിലാണ് അവസാനിച്ചത്.

ഓഹരി വിപണിയിൽ ഇന്ന് ഒരു ശതമാനം നേട്ടം, ഐടി ഓഹരികൾ ഇടിഞ്ഞു

ഓഹരികളിൽ‌ ബി‌പി‌സി‌എൽ, ഒ‌എൻ‌ജി‌സി, ഭാരതി ഇൻ‌ഫ്രാറ്റെൽ, ഗെയ്ൽ ഇന്ത്യ, റിലയൻസ് ഇൻഡസ്ട്രീസ് എന്നിവ നിഫ്റ്റിയിൽ നേട്ടമുണ്ടാക്കിയപ്പോൾ ഹിൻഡാൽ‌കോ ഇൻഡസ്ട്രീസ്, ബ്രിട്ടാനിയ ഇൻഡസ്ട്രീസ്, നെസ്‌ലെ ഇന്ത്യ, ടി‌സി‌എസ്, ഡോ. റെഡ്ഡീസ് എന്നിവയ്ക്ക് ഏറ്റവും കൂടുതൽ നഷ്ടം നേരിട്ടു.

പ്രതീക്ഷിച്ച ഒന്നാം പാദ വരുമാനത്തേക്കാൾ മികച്ചതായി കമ്പനി റിപ്പോർട്ട് ചെയ്തതിനുശേഷവും ബ്രിട്ടാനിയ ഇൻഡസ്ട്രീസിന്റെ ഓഹരികൾ ഒരു ശതമാനം കുറഞ്ഞു. കമ്പനിയുടെ അറ്റാദായം 117 ശതമാനം ഉയർന്ന് 542.6 കോടി രൂപയായി. കഴിഞ്ഞ വർഷം ഇതേ കാലയളവിൽ ഇത് 248.64 രൂപയായിരുന്നു. ഈ കാലയളവിൽ കമ്പനിയുടെ വരുമാനം  2,700.35 കോടി രൂപയിൽ നിന്ന് 26.7 ശതമാനം ഉയർന്ന് 3,420.7 കോടി രൂപയായി. 

നിഫ്റ്റി 10,800ന് മുകളിൽ, സെൻസെക്സിൽ നേട്ടം; ബാങ്ക് ഓഹരികൾക്ക് കനത്ത ഇടിവ്