ഓഹരി വിപണിയിൽ ഇന്ന് കുതിപ്പ്; എച്ച്ഡിഎഫ്സി ഓഹരികൾക്ക് മുന്നേറ്റം

എച്ച്ഡി‌എഫ്‌സി ഓഹരികളുടെ മുന്നേറ്റത്തിൽ ഓഹരി വിപണിയിൽ ഇന്ന് കുതിപ്പ്. സെൻ‌സെക്സ് 360 പോയിൻറ് അഥവാ 0.97 ശതമാനം ഉയർന്ന് 37,380 ലെവലിൽ എത്തി. നിഫ്റ്റി 50 സൂചിക 11,000 പോയിന്റ് മറികടന്ന് 11,013.90 ലെവലിലെത്തി. രാവിലെ 9:30 നാണ് 11,005 ലെവലിൽ 100 ​​പോയിൻറ് അഥവാ 0.95 ശതമാനം വർദ്ധനവ് രേഖപ്പെടുത്തിയത്.

എച്ച്ഡിഎഫ്സി ബാങ്കിന്റെ ജൂൺ ത്രൈമാസ ഫലം വന്നതിന് ശേഷം വ്യക്തിഗത ഓഹരികളിൽ എച്ച്ഡിഎഫ്സി ബാങ്ക് മൂന്ന് ശതമാനം ഉയർന്ന് 1,132 രൂപയിലെത്തി. ഇതുകൂടാതെ, മാതൃ കമ്പനിയായ എച്ച്ഡിഎഫ്സി സെൻസെക്സിൽ 1.5 ശതമാനം നേട്ടം കൈവരിച്ചു. കൂടാതെ, വോഡഫോൺ ഐഡിയ ആറ് ശതമാനം ഉയർന്ന് 9.4 രൂപയായി. വാരാന്ത്യത്തിൽ 1,000 കോടി രൂപ സർക്കാരിന് നൽകിയതിനെ തുടർന്നാണ് വൊഡാഫോൺ ഐഡിയ ഓഹരി മൂല്യം ഉയർന്നത്.

ഓഹരി വിപണിയിൽ ഇന്ന് കുതിപ്പ്; എച്ച്ഡിഎഫ്സി ഓഹരികൾക്ക് മുന്നേറ്റം

സൺ ഫാർമ, എം ആൻഡ് എം, മാരുതി സുസുക്കി എന്നിവയാണ് ഇന്ന് സെൻസെക്‌സിൽ ഏറ്റവും കുറവ് രേഖപ്പെടുത്തിയിരിക്കുന്നത്. മേഖലാസൂചികളിൽ നിഫ്റ്റി പ്രൈവറ്റ് സെക്ടർ ബാങ്ക് സൂചികയാണ് എൻ‌എസ്‌ഇയിൽ ഇന്ന് ഏറ്റവും മികച്ച പ്രകടനം കാഴ്ചവച്ചത്. ആദ്യകാല ഇടപാടുകളിൽ നിഫ്റ്റി ഫാർമ സൂചിക 0.23 ശതമാനം ഇടിഞ്ഞു.

ബിഎസ്ഇ മിഡ്കാപ്പ് സൂചിക 55 പോയിൻറ് അഥവാ 0.41 ശതമാനം ഉയർന്ന് 13,585.83 ലെവലിൽ എത്തി. ബിഎസ്ഇ സ്മോൾകാപ്പ് സൂചിക 75 പോയിൻറ് അഥവാ 0.59 ശതമാനം ഉയർന്ന് 12,857.82 ലെവലിൽ എത്തി.

ഓഹരി വിപണിയിൽ തുടക്കം നേരിയ നേട്ടത്തിൽ; ഇന്ന് പ്രതീക്ഷ നൽകുന്ന ഓഹരികൾ ഏതൊക്കെ?