തുടർച്ചയായ എട്ടാം ദിവസവും ഓഹരി വിപണിയിൽ മിന്നും പ്രകടനം; ഐടി ഓഹരികൾ തിളങ്ങി

ശക്തമായ തുടക്കത്തിനുശേഷം ബെഞ്ച്മാർക്ക് സൂചികകൾ ഇൻട്രാഡേയുടെ ചില നേട്ടങ്ങൾ മായ്ച്ചുകളഞ്ഞെങ്കിലും തുടർച്ചയായി എട്ടാം ദിവസവും നേട്ടം നിലനിർത്തി. ഐടി, ഫാർമ ഓഹരികൾ മികച്ച പ്രകടനം കാഴ്ച്ച വച്ചു. സെൻസെക്സ് 84.31 പോയിൻറ് അഥവാ 0.21 ശതമാനം ഉയർന്ന് 40593.80 ൽ എത്തി. നിഫ്റ്റി 16.80 പോയിൻറ് അഥവാ 0.14 ശതമാനം ഉയർന്ന് 11931 ൽ എത്തി. ഏകദേശം 927 ഓഹരികൾ മുന്നേറി, 1713 ഓഹരികൾ ഇടിഞ്ഞു, 184 ഓഹരികൾ മാറ്റമില്ലാതെ തുടർന്നു.

തുടർച്ചയായ എട്ടാം ദിവസവും ഓഹരി വിപണിയിൽ മിന്നും പ്രകടനം; ഐടി ഓഹരികൾ തിളങ്ങി

ഐടിസി, ഇൻ‌ഫോസിസ്, യു‌പി‌എൽ, ഡോ. റെഡ്ഡീസ്, ഏഷ്യൻ പെയിന്റ്സ് എന്നിവ നിഫ്റ്റിയിൽ മികച്ച നേട്ടമുണ്ടാക്കി. ഭാരതി എയർടെൽ, ഗെയിൽ, ജെഎസ്ഡബ്ല്യു സ്റ്റീൽ, ടാറ്റ മോട്ടോഴ്സ്, എച്ച്ഡിഎഫ്സി ലൈഫ് എന്നിവയാണ് ഏറ്റവും കൂടുതൽ നഷ്ടം രേഖപ്പെടുത്തിയത്. ഐടി, ഫാർമ ഒഴികെയുള്ള മറ്റ് മേഖല സൂചികകൾ നഷ്ടത്തിൽ വ്യാപാരം അവസാനിപ്പിച്ചു. ബി‌എസ്‌ഇ മിഡ്‌ക്യാപ്, സ്‌മോൾ‌ക്യാപ് സൂചികകൾ‌ 0.4 ശതമാനം വീതം കുറഞ്ഞു. ഉപഭോക്തൃ ആവശ്യം ഉയർത്തുന്നതിനായി കേന്ദ്ര സർക്കാർ പ്രഖ്യാപിച്ച നടപടികളുടെ പശ്ചാത്തലത്തിലാണ് വിപണി ഇന്ന് നേട്ടത്തിൽ അവസാനിച്ചത്.

ആറാം ദിവസവും ഓഹരി വിപണിയിൽ നേട്ടം; വിപ്രോയ്ക്ക് ഏറ്റവും കൂടുതൽ നേട്ടം, ഓഹരി വില 7% ഉയർന്നു