52 ആഴ്ച താഴ്ന്ന വിലയിലെത്തിയ 14 ക്വാളിറ്റി സ്റ്റോക്കുകൾ; വില കുറവിൽ ഇപ്പോൾ വാങ്ങാം; നോക്കുന്നോ

കഴിഞ്ഞ വാരത്തിൽ സെൻസെക്സും നിഫ്റ്റിയും നല്ലൊരു വീണ്ടെടുക്കൽ നടത്തി. ഇതിന്റെ തുടർച്ചയുടെ ​ഗതി നിർണയിക്കുന്നത് റിസർവ് ബാങ്കിന്റെ പണനയ അവലോകന യോ​ഗമാണ്. ഈ വാരത്തിൽ നടക്കുന്ന യോ​ഗത്തിൽ ആർബിഐ റിപ്പോ നിരക്കിൽ 25 അടിസ്ഥാന നിരക്ക് വർധനവ് നടത്തുമെന്നാണ് വിപണിയുടെ കണക്കുകൂട്ടൽ. പുതിയ മുന്നേറ്റത്തിൽ ഓഹരികൾ വാങ്ങാനിരിക്കുന്നവർക്ക് കഴിഞ്ഞ മാസങ്ങളിലായി വിപണി ഇടിവിനൊപ്പം താഴേക്ക് പതിച്ച ഗുണനിലവാരമുള്ള നിരവധി ഓഹരികളുണ്ട്.

52 ആഴ്ചയിലെ ഏറ്റവും താഴ്ന്ന നിലയിലെത്തിയ ​ഗുണനിലവാരമുള്ള ഓഹരികൾ വാങ്ങിയിട്ടാൽ വിപണിയുടെ തിരിച്ചുവരവിൽ നേട്ടം ഉറപ്പാണ്. ഇത്തരത്തിലുള്ള ചില സ്മോൾ കാപ്, മിഡ് കാപ് ഓഹരികളെ പരിശോധിക്കാം. ഇത്തരം നിക്ഷേപങ്ങൾ നടത്തുമ്പോൾ ശ്രദ്ധിക്കേണ്ട കാര്യങ്ങളും അറിയാം.

52 ആഴ്ച താഴ്ന്ന ഓഹരികൾ ശ്രദ്ധിക്കാം

ഓഹരി വില 52 ആഴ്‌ചയിലെ ഏറ്റവും താഴ്ന്ന നിലയിലേക്ക് എത്തിയതിനാൽ മാത്രം അതൊരു നിക്ഷേപ തന്ത്രമായി പരി​ഗണിക്കരുത്. നിക്ഷേപിക്കുന്നതിന് മുൻപ് ഓഹരികളുടെ അടിസ്ഥാനകാര്യങ്ങൾ പഠിക്കേണ്ടതുണ്ട്. ഓഹരികളിൽ ഓരോന്നിനും 52 ആഴ്‌ചയിലെ ഏറ്റവും താഴ്ന്ന നിലയിലേക്ക് കൂപ്പുകുത്തുന്നതിന് വ്യത്യസ്ത കാരണങ്ങളുണ്ടാകാം.

പ്രധാനമായും സാമ്പത്തിക പ്രകടനവുമായി ബന്ധപ്പെട്ടിരിക്കുന്നു. ഓരോ ഓഹരികളും നിക്ഷേപത്തിനായി പരി​ഗണിക്കുമ്പോൾ ഇടിവിനുള്ള കാരണം മനസിലാക്കണം. ഡിവിഡന്റ് യീൽഡ്, പിഇ അനുപാതം, ബിസിനസിലെ ഘടനാപരമായ മാറ്റങ്ങൾ, പണമൊഴുക്ക്, ഡെബ്റ്റ് ഇക്വിറ്റി അനുപാതം മുതലായ അടിസ്ഥാന കാര്യങ്ങൾ നോക്കണം.

വിപണി തകരുന്നതിനനുസരിച്ച് ഓഹരികളും ഇടിഞ്ഞേക്കാം. വിപണിയുടെ വികാരങ്ങളെ ആശ്രയിച്ചാണ് വലിയൊരു ഭാഗം ഓഹരികളുടെയും പ്രകടനം. ഇതിനാൽ നിക്ഷേപിക്കുന്നതിന് മുൻപായി ഓഹരികളുടെ അടിസ്ഥാനകാര്യങ്ങൾ പഠിക്കുകയോ പ്രൊഫഷണൽ സഹായം തേടുകയോ ചെയ്യണം. 

52 ആഴ്ച താഴ്ന്ന വിലയിലെത്തിയ ഓഹരികൾ

ആൽഫ ജിയോ- ഓഹരി വില- 211.50 രൂപ. 52 ആഴ്ച താഴ്ന്ന വില- 198.25 രൂപ, ഉയർന്ന വില- 369.70 രൂപ

അമൃതഞ്ജൻ- ഓഹരി വില- 602 രൂപ. 52 ആഴ്ച താഴ്ന്ന വില- 554.05 രൂപ, ഉയർന്ന വില- 954.60 രൂപ

ക്ലീൻ സയൻസ്- ഓഹരി വില- 1,313.40 രൂപ. 52 ആഴ്ച താഴ്ന്ന വില- 1,227.10 രൂപ, ഉയർന്ന വില- 2,078.85 രൂപ 

ഹൈടെക് കോർപ്പറേഷൻ- ഓഹരി വില- 167.60 രൂപ. 52 ആഴ്ച താഴ്ന്ന വില- 151.35 രൂപ, ഉയർന്ന വില- 338 രൂപ

ജോൺസൺ കൺട്രോൾസ്- ഓഹരി വില- 1,068.80 രൂപ. 52 ആഴ്ച താഴ്ന്ന വില- 1,005 രൂപ, ഉയർന്ന വില- 2,217 രൂപ

കിറ്റെക്‌സ് ഗാർമെന്റ്‌സ്- ഓഹരി വില- 141 രൂപ. 52 ആഴ്ച താഴ്ന്ന വില- 136 രൂപ, ഉയർന്ന വില- 309 രൂപ

ലക്‌സ് ഇൻഡസ്‌ട്രീസ്- ഓഹരി വില- 1,214 രൂപ. 52 ആഴ്ച താഴ്ന്ന വില- 1,111 രൂപ, ഉയർന്ന വില- 2,570 രൂപ

മെട്രോപോളിസ് ഹെൽത്ത്‌കെയർ- ഓഹരി വില- 1,250.80 രൂപ. 52 ആഴ്ച താഴ്ന്ന വില- 1,171.35 രൂപ, ഉയർന്ന വില- 2,570.60 രൂപ

പഞ്ചാബ് കെമിക്കൽ- ഓഹരി വില- 824.85 രൂപ. 52 ആഴ്ച താഴ്ന്ന വില- 820 രൂപ, ഉയർന്ന വില- 1,597.95 രൂപ

രാംകോ സിസ്റ്റം- ഓഹരി വില- 197.30 രൂപ. 52 ആഴ്ച താഴ്ന്ന വില- 188.60 രൂപ, ഉയർന്ന വില- 365 രൂപ 

എസ്‌ഐഎസ് ലിമിറ്റഡ്- ഓഹരി വില- 342 രൂപ. 52 ആഴ്ച താഴ്ന്ന വില- 318.95 രൂപ, ഉയർന്ന വില- 528 രൂപ

സൺടെക്ക് റിയാലിറ്റി- ഓഹരി വില- 293.75 രൂപ. 52 ആഴ്ച താഴ്ന്ന വില- 271 രൂപ, ഉയർന്ന വില- 539 രൂപ

ടൈഡ്‌വാട്ടർ ഓയിൽ- ഓഹരി വില- 853.55 രൂപ. 52 ആഴ്ച താഴ്ന്ന വില- 805.15 രൂപ, ഉയർന്ന വില- 1,314 രൂപ

തമിഴ്നാട് മർക്ക​ന്റെെൽ ബാങ്ക്- ഓഹരി വില- 406.80 രൂപ. 52 ആഴ്ച താഴ്ന്ന വില- 399 രൂപ, ഉയർന്ന വില- 548 രൂപ

അറിയിപ്പ്

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക.

ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭ-നഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.