Click it and Unblock the Notifications
മൂന്ന് ദിവസത്തെ തുടർച്ചയായ അവധിക്ക് ശേഷമാണ് അടുത്താഴ്ച ഓഹരി വിപണി തുറക്കുന്നത്. ഡിസംബർ 25 ന് ക്രിസ്തുമസിന്റെ അവധിയാണ് മൂന്ന് ദിവസത്തെ അവധിയിലേക്ക് വിപണിയെ നയിച്ചത്. ഡിസംബർ 26 മുതൽ 29 വരെ നീണ്ടു നിൽക്കുന്ന വ്യാപാര ആഴ്ചയിൽ ലാഭവിഹിതം, ഓഹരി വിഭജനം, ബോണസ് ഓഹരി എന്നിങ്ങനെ എല്ലാ കോർപ്പറേറ്റ് നടപടികളുമുണ്ട്. ഓരോ കോർപ്പറേറ്റ് നടപടികളുടെയും റെക്കോർഡ് തീയതിയും അറിയാം.
കോർപ്പറേറ്റ് നടപടികൾ
ഒരു കമ്പനിയുടെ ലാഭത്തിൽ നിന്നും നിന്നും ഓഹരി ഉടമകള്ക്ക് നല്കുന്ന പ്രതിയോഹരി വീതമാണ് ലാഭവിഹിതം അഥവാ ഡിവിഡന്റ്. പണമായി ലാഭവിഹിതം കൈമാറാൻ സാധിക്കാത്ത ഘട്ടത്തിൽ കമ്പനികൾ ഓഹരികളായി ലാഭവിഹിതം നൽകുന്നുണ്ട്. ഇതാണ് ബോണസ് ഇഷ്യു.
കമ്പനി അതിന്റെ മുഖവില കുറച്ചു കൊണ്ട് നിലവിലെ ഓഹരി ഉടമകള്ക്ക് അധിക ഓഹരികള് അനുവദിക്കുന്നതിനെയാണ് ഓഹരി വിഭജനം എന്ന് പറയുന്നത്. ഉയർന്ന് നിൽക്കുന്ന ഓഹരി വില കുറയ്ക്കാനും ലിക്വിഡിറ്റി പ്രശ്നം പരിഹരിക്കാനും ഓഹരി വിഭജനം ഉപയോഗിക്കാം.
റെക്കോർഡ് തീയതി
കോർപ്പറേറ്റ് നടപടികൾക്ക് യോഗ്യരായ ഓഹരി ഉടമകളെ കണ്ടെത്തുന്നതിനാണ് റെക്കോർഡ് തീയതി നിശ്ചയിക്കുന്നത്. ഈ തീയതിയിൽ പോർട്ടഫോളിയോയിൽ ഓഹരി കൈവശമുള്ളവർക്ക് ബോണസ് ഓഹരികളും ലാഭവിഹിതവും ലഭിക്കും. ഈ വാരം ഓഹരി വിഭജനം, ബോണസ് ഇഷ്യൂ, ലാഭവിഹിതം തുടങ്ങിയ കോർപ്പറേറ്റ് നടപടികളിലേക്ക് കടക്കുന്ന ഓഹരികളെ നോക്കാം.
ഓഹരി വിഭജനം
എച്ച്എംഎ അഗ്രോയാണ് ഓഹരി വിഭജനത്തിലേക്ക് കടക്കുന്നത.1:10 അനുപാതത്തിലാണ് ഓഹരികള് വിഭജിക്കുന്നത്.10 രൂപ മുഖവിലയുള്ള ഓഹരികള് 1 രൂപ വിലയുള്ള 10 ഓഹരികളായാണ് വിഭജിക്കുന്നത്. പോര്ട്ട്ഫോളിയോയില് എച്ച്എംഎ അഗ്രോയുടെ ഒരു ഓഹരി ഹോള്ഡ് ചെയ്യുന്നവര്ക്ക് 10 ഓഹരികളായി മാറുമെന്ന് ചുരുക്കം. ഓഹരി വിഭജനത്തിനുള്ള എക്സ് സ്പ്ലിറ്റ് തീയതി ഡിസംബര് 29 ആണ്.
ബോണസ് ഇഷ്യൂ
ആക്സിറ്റ കോട്ടണ് ഓഹരികള് 1:3 അനുപാതത്തിലാണ് ബോണസ് ഇഷ്യു നല്കുന്നത്. ആക്സിറ്റ കോട്ടണ്സിന്റെ മൂന്ന് ഓഹരികള് കൈവശം വെയ്ക്കുന്നവര്ക്ക് 1 ഓഹരി സൗജന്യമായി ലഭിക്കും. ഇതിനുള്ള എക്സ് ബോണസ് തീയതി ഡിസംബര് 22 ഉം റെക്കോര്ഡ് തീയതി ഡിസംബര് 25 മാണ്.
ലാഭവിഹിതം
ലാഭവിഹിതത്തിനായി റെക്കോര്ഡ് തീയതി കുറിച്ചത് രണ്ട് കമ്പനികളാണ്. ഡിവിഡന്റ് യീല്ഡില് മുന്നിലുള്ള വേദാന്ത ഡിസംബര് 27 ന് എക്സ് ഡിവിഡന്റ് ട്രേഡ് ചെയ്യും. 1 രൂപ മുഖവിലയുള്ള ഓഹരിക്ക് 1,100 ശതമാനം ലാഭവിഹിതമാണ് വേദാന്ത നല്കുന്നത്. പ്രതിയോഹരി 11 രൂപ ലഭിക്കും. 2020 തിന് ശേഷം വേദാന്ത നൽകുന്ന ഏറ്റവും കുറഞ്ഞ ലാഭവിഹിതമാണിത്. നിലവിൽ 39.08 ശതമാനം ഡിവിഡന്റ് യീല്ഡുള്ള ഓഹരിയാണ് വേദാന്ത.
ലാഭവിഹിതം നല്കുന്ന മറ്റൊരു ഓഹരിയാണ് കാന് ഫിന് ഹോംസ്. 2 രൂപ മുഖവിലയുള്ള ഓഹരിക്ക് 100 ശതമാനമാണ് കമ്പനി നല്കുന്ന ലാഭവിഹിതം. പ്രതിയോഹരകി 2രൂപ ലാഭവിഹിതം ലഭിക്കും. ഇതിനുള്ള റെക്കോര്ഡ് തീയതി ഡിസംബര് 29 ആണ്.
അറിയിപ്പ്
മുകളില് കൊടുത്തിരിക്കുന്ന ലേഖനം പഠനാവശ്യത്തിന് നല്കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള് സ്വീകരിക്കും മുൻപ് സാമ്പത്തിക വിദഗ്ധന്റെ നിര്ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്ക്ക് വിധേയമാണ്. സ്വന്തം റിസ്കില് മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില് സംഭവിക്കുന്ന ലാഭ നഷ്ടങ്ങള്ക്ക് ഗ്രേനിയം ഇന്ഫര്മേഷന് ടെക്നോളജീസും ലേഖകനും ഉത്തരവാദികളല്ല.
More From GoodReturns
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
ബെംഗളൂരുവിലും മുംബൈയിലും ഹോട്ടലുകൾ താൽക്കാലിക അടച്ചുപൂട്ടലിലേക്ക്; മലയാളികളടക്കം ആശങ്കയിൽ
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
ബെംഗളൂരു-കണ്ണൂര് എക്സ്പ്രസ് കോഴിക്കോട് വരെ നീട്ടി; മാര്ച്ച് 15 മുതല് സര്വീസ്, സമയക്രമം ഇതാ
ബെംഗളൂരു മലയാളികളുടെ ശ്രദ്ധയ്ക്ക്: പാചക വാതക ബുക്കിംഗില് കുതിച്ചുചാട്ടം, ഇക്കാര്യങ്ങള് അറിയണം
ഐടി ജോലി വീട്ടിലിരുന്ന് ചെയ്യാം, വർക്ക് ഫ്രം ഹോം തിരികെ കൊണ്ടുവരാൻ ആലോചിച്ച് കമ്പനികൾ, കാരണം ഇതാണ്
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു മലയാളികളുടെ ശ്രദ്ധയ്ക്ക്, പെരിന്തല്മണ്ണ-ബെംഗളൂരു കെഎസ്ആര്ടിസി സര്വീസ്, സമയവും റൂട്ടും ഇതാ
എണ്ണ വിതരണത്തിൽ തലപുകച്ച് ഏഷ്യൻ രാജ്യങ്ങൾ, കടുത്ത നിയന്ത്രണവുമായി പാകിസ്ഥാൻ, സ്കൂളുകൾ അടച്ചു
മേക്ക് ഇന് ഇന്ത്യയ്ക്ക് കരുത്തായി ബെംഗളൂരുവില് എയര്ബസ് ടെക്നോളജി സെന്റര്, യൂറോപ്പിന് പുറത്തെ വലിയ കേന്ദ്രം
Sign in with Google