നിഫ്റ്റി ബാങ്ക് ഓഹരികൾ ഇന്ന് കുതിച്ചുയരാൻ കാരണമെന്ത്?

സെൻസെക്സും നിഫ്റ്റിയും ബാങ്കിംഗ് ഓഹരികളിൽ നിന്നുള്ള പിന്തുണയോടെ ഇന്ന് 3 ശതമാനം ഉയർന്നു. ഐസിഐസിഐ ബാങ്ക് ഒൻപത് ശതമാനം നേട്ടം കൈവരിച്ചപ്പോൾ. ആക്സിസ് ബാങ്ക് 11 ശതമാനം ഉയർന്നു. എൽ ആൻഡ് ടി ഫിനാൻസ് പോലുള്ള ഹൌസിംഗ് ഫിനാൻസ് കമ്പനികൾ പോലും ഇന്ന് വ്യാപാരത്തിൽ കുതിച്ചു. മേഖലാ സൂചികകളിൽ നിഫ്റ്റി ബാങ്ക് സൂചികയാണ് ഇന്ന് ഏറ്റവും കൂടുതൽ നേട്ടമുണ്ടാക്കിയത്. ഇന്നത്തെ നേട്ടത്തിന്റെ കാരണമെന്തെന്ന് പരിശോധിക്കാം.

ആക്സിസ് ബാങ്കിന്റെയും ഐസിഐസിഐ ബാങ്കിന്റെയും ഓഹരികൾ ഇന്ന് മികച്ച നേട്ടങ്ങൾ കൈവരിച്ചു. നിഫ്റ്റി ബാങ്ക് സൂചിക 7 ശതമാനം ഉയർന്നു. ഈ വർഷം ഇതുവരെ 44 ശതമാനത്തിലധികം നഷ്ടം നേരിട്ട നിഫ്റ്റി ബാങ്ക് ഓഹരികളാണ് ഇന്ന് 7.3 ശതമാനം നേട്ടം കൈവരിച്ചത്. സ്വകാര്യ ഇക്വിറ്റി ഗ്രൂപ്പായ കാർലൈൽ ബാങ്കിലെ എട്ട് ശതമാനം ഓഹരികൾക്കായി ഒരു ബില്യൺ ഡോളർ നിക്ഷേപിക്കുമെന്ന റിപ്പോർട്ടിനെ തുടർന്ന് ആക്സിസ് ബാങ്ക് ഓഹരികൾ 14 ശതമാനത്തിലധികം ഉയർന്നതാണ് ഇന്ന് നിഫ്റ്റി ബാങ്ക് ഓഹരികൾക്ക് പിന്തുണ നൽകിയത്.

നിഫ്റ്റി ബാങ്ക് ഓഹരികൾ ഇന്ന് കുതിച്ചുയരാൻ കാരണമെന്ത്?

എന്നാൽ ആക്സിസ് ബാങ്കും കാർലൈനും ഇക്കാര്യത്തെക്കുറിച്ച് പ്രതികരിക്കാൻ വിസമ്മതിച്ചതായി ഇക്കണോമിക് ടൈംസ് റിപ്പോർട്ട് ചെയ്തു. ഇന്ന് മികച്ച നേട്ടം കൈവരിച്ച അഞ്ച് ഓഹരികളിൽ മൂന്നും ബാങ്ക് ഓഹരികളാണ്. ആക്സിസ് ബാങ്ക്, ഐസിഐസിഐ ബാങ്ക്, വിപ്രോ, ഗ്രാസിം, ബജാജ് ഫിനാൻസ് എന്നിവയാണ് നിഫ്റ്റി 50 സൂചികയിൽ ഇന്ന് ഏറ്റവും കൂടുതൽ നേട്ടമുണ്ടാക്കിയ അഞ്ച് ഓഹരികൾ. ബാങ്ക് ഓഹരികളുടെ പിന്തുണയോടെ നിഫ്റ്റി 9300 ലെവലിനു മുകളിലും സെൻസെക്സും 31,000ന് മുകളിലുമാണ് ക്ലോസ് ചെയ്തത്.

സെൻസെക്സ് 995.92 പോയിൻറ് അഥവാ 3.25 ശതമാനം ഉയർന്ന് 31605.22 ൽ വ്യാപാരം അവസാനിപ്പിച്ചപ്പോൾ നിഫ്റ്റി 285.90 പോയിൻറ് അഥവാ 3.17 ശതമാനം ഉയർന്ന് 9314.95 ൽ ക്ലോസ് ചെയ്തു. ഏകദേശം 1363 ഓഹരികൾ ഇന്ന് മുന്നേറി, 939 ഓഹരികൾ ഇടിവ് രേഖപ്പെടുത്തി. 163 ഓഹരികൾ മാറ്റമില്ലാതെ തുടർന്നു.

ഓഹരി വിപണിയിൽ ഇന്ന് നേട്ടത്തിന്റെ ദിനം