8 ദിവസങ്ങളിലായി 18% ഉയർന്നു; യെസ് ബാങ്ക് ഓഹരിക്ക് മുന്നിലുള്ള വഴിയെന്ത്; 20 രൂപ ഭേദിക്കുമോ?

ആ​ഗോള ആശങ്കകൾക്കിടയിൽ വിപണി രണ്ട് ദിവസമായി ദിശകിട്ടാതെ അലയുകയായിരുന്ന വിപണിയെ വ്യാഴാഴ്ച നെ​ഗറ്റീവ് വികാരം പിടികൂടിയതായി കാണാം. യുഎസ് ഫെഡറൽ റിസർവ് ചെയർമാൻ ജെറോ പവലിന്റെ പ്രസ്താവന വിപണിക്ക് കൂടുതൽ ആഘാതം നൽകും.

അതേസമയം മിഡ്കാപ്, സ്മോൾ കാപ് വിഭാ​ഗത്തിൽ ചില ഓഹരികൾ മികച്ച പ്രകടനം നടത്തുന്നുണ്ട്. കഴിഞ്ഞ ദിവസങ്ങളിലായി മിഡ്കാപ്, സ്മോൾകാപ് സൂചികകളിലെ മികച്ച പ്രകടനത്തിനും ഇതാണ് കാരണം. ബാങ്കിം​ഗ് ഓഹരിയായ യെസ് ബാങ്ക് ഈ നേട്ടത്തിന്റെ ഭാ​ഗമാണ്.

വ്യാഴാഴ്ചയും നേട്ടത്തിൽ ക്ലോസ് ചെയ്ത യെസ് ബാങ്ക് ഓഹരികൾ തുടർച്ചയായ എട്ടാം സെഷനിലും ഉയർന്ന നിലയിൽ തുടർന്നു. വ്യാഴാഴ്ച 4.45 ശതമാനം ഉയർന്ന് 18.77 രൂപയിലേക്ക് ഓഹരിയെത്തിയിരുന്നു. ഇൻട്രാഡേയിലെ ഉയർന്ന നിലവാരമായിരുന്നു ഇത്. 2.30 ശതമാനം നേട്ടത്തിൽ 18.30 രൂപയിലാണ് വെള്ളിയാഴ്ച ഓഹരി ക്ലോസ് ചെയ്തത്. എട്ട് വ്യാപാര ദിനങ്ങളിൽ 17.75 ശതമാനം വർധനവാണ് യെസ് ബാങ്ക് ഓഹരികളിലുണ്ടായത്. വരും ദിവസങ്ങളിൽ ഓഹരിയുടെ ഭാവി എന്താണ് എന്ന് പരിശോധിക്കാം.

മൂവിം​ഗ് ശരാശരിക്ക് മുകളിൽ

യെസ് ബാങ്ക് ഓഹരികൾ 5-ദിവസം, 10-, 20-, 30-, 50-, 100-, 150-, 200-ദിവസത്തെ സിമ്പിൾ മൂവിംഗ് ആവറേജുകളേക്കാൾ (എസ്എംഎ) ഉയർന്നാണ് വ്യാപാരം നടക്കുന്നത്. പൊതുവേ ഓഹരി 50, 200 ദിവസങ്ങളിലെ മൂവിങ് ആവറേജിന് മുകളിലാണ് സ്റ്റോക്ക് വ്യാപാരം നടത്തുന്നതെങ്കില്‍ മുകളിലേക്കായിരുക്കും അടിയന്തര ട്രെന്‍ഡ്. ഇനി 50, 200 ദിവസങ്ങളിലെ മൂവിങ് ആവറേജുകള്‍ക്ക് താഴെയാണ് സ്റ്റോക്കിന്റെ കിടപ്പെങ്കില്‍ ബെയറിഷ് ട്രെന്‍ഡ് പ്രതീക്ഷിക്കാം.

അതേസമയം, ഓഹരിയുടെ 14 ദിവസത്തെ റിലേറ്റീവ് സ്ട്രെങ്ത് സൂചിക (ആർഎസ്ഐ) 72.53 ആണ്. ആർഎസ്ഐ 30-ന് താഴെയുള്ള പരിധിയെ ഓവർസോൾഡായും 70-ന് മുകളിലുള്ള മൂല്യം ഓവർ ബോട്ടായുമാണ് കണക്കാക്കുന്നത്. ഓഹരിയുടെ ഒരു വർഷത്തെ ബീറ്റ 1.12 ആണ്. ഇത് ഓഹരിയുടെ ഉയർന്ന അസ്ഥിരതയെ സൂചിപ്പിക്കുന്നു.

20 രൂപ ഭേദിക്കുമോ

നിലവിലെ ലെവവുകൾ പരി​ഗണിച്ചുള്ള വിദ​ഗ്ധരുടെ നിരീക്ഷണങ്ങൾ പ്രകാരം യെസ് ബാങ്ക് ഓഹരികൾ റസിസ്റ്റന്റ് ലെവലിന് അരികിലാണ്. ആനന്ദ് രതി ഷെയേഴ്‌സ് ആന്റ് സ്റ്റോക്ക് ബ്രോക്കേഴ്‌സിലെ ടെക്‌നിക്കൽ റിസർച്ച് അനലിസ്റ്റ് ജിഗർ എസ് പട്ടേലിന്റെ നിരീക്ഷണത്തിൽ ഓഹരിക്ക് 19 രൂപയ്ക്ക് സമീപം വൻ പ്രതിരോധം ഉണ്ടാകും. ഏകദേശം 16 രൂപയാണ് ഓഹരിയുടെ സപ്പോർട്ട്.

യെസ് ബാങ്ക് ഓഹരിക്ക് 19 രൂപ ഭേദിക്കാനായാൽ വരും ആഴ്ചകളിൽ 21-22 രൂപ നിലവാരത്തിലേക്ക് ഓഹരി കുതിക്കാമെന്നും അദ്ദേഹം വിശദമാക്കുന്നു. 19 രൂപ നിലവാരത്തിലെ പ്രതിരോധം ഭേദിച്ചാൽ ഓഹരി പോസ്റ്റീവ് പ്രവണത നിലനിർത്തുകയും 22.50 രൂപയ്ക്കും 24.80 രൂപയ്ക്കും ഇടയിലുള്ള അടുത്ത ഉയർന്ന ലക്ഷ്യങ്ങളിലേക്ക് കുതിക്കുമെന്നും പ്രഭുദാസ് ലില്ലാധറിലെ ടെക്‌നിക്കൽ റിസർച്ച് അനലിസ്റ്റ് ഷിജു കൂത്തുപാലക്കൽ പറഞ്ഞു.

ഓഹരി പ്രകടനം

എട്ട് ദിവസമായി ഓഹരി മുന്നേറ്റമാണെങ്കിലും 2023 ൽ 10.92 ശതമാനം ഇടിവാണ് ഓഹരിയിലുണ്ടായത്. ഒരു വർഷത്തിനിടെ 10.88 ശതമാനം റിട്ടേൺ ഓഹരി നൽകി. 24.75 രൂപയാണ് 52 ആഴ്ചയിലെ ഉയർന്ന വില. 14.40 രൂപയാണ് 52 ആഴ്ച താഴ്ന്ന വില.

അറിയിപ്പ്

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.