ആദായ നികുതിയില്‍ നിന്ന് രക്ഷപ്പെടാന്‍ ബാങ്ക് എഫ്ഡികള്‍; മുന്‍നിര ബാങ്കുകളുടെ പലിശ നിരക്കുകള്‍ എത്ര?

കാലാവധി അഞ്ചു വര്‍ഷം

ടാക്‌സ് സേവിംഗ് ഫിക്‌സഡ് ഡിപ്പോസിറ്റുകളുടെ ലോക്ക്-ഇന്‍ കാലാവധി അഞ്ച് വര്‍ഷമാണ്. അതായത് അഞ്ചു വര്‍ഷം പൂര്‍ത്തിയാവുന്നതിന് മുമ്പ് ഇവ പിന്‍വലിക്കാനാവില്ല. 1961ലെ ഇന്‍കം ടാക്‌സ് ആക്ടിന്റെ 80സി വകുപ്പ് പ്രകാരം 1.5 ലക്ഷം വരെയുള്ള ഇത്തരം നിക്ഷേപങ്ങള്‍ക്ക് നികുതിയിളവുണ്ട്. അതേസമയം, ഈ നിക്ഷേപങ്ങളുടെ പലിശ ആദായ നികുതിയില്‍ ഉള്‍പ്പെടും. വിവിധ ബാങ്കുകള്‍ ഓഫര്‍ ചെയ്യുന്ന ടാക്‌സ് സേവിംഗ് എഫ്ഡികളെ കുറിച്ച് പരിശോധിക്കാം.

ആര്‍ബിഎല്‍ ബാങ്ക്

വെറും 100 രൂപയുണ്ടെങ്കില്‍ ആര്‍ബിഎല്‍ ബാങ്കില്‍ ആദായനികുതിയില്‍ ഇളവ് ലഭിക്കുന്നതിന് പരിഗണിക്കുന്ന ടാക്‌സ് സേവിംഗ് എഫ്ഡി ഓപ്പണ്‍ ചെയ്യാം. അഞ്ചു മുതല്‍ 10 വര്‍ഷം വരെ കാലാവധിക്കുള്ളില്‍ മെച്വറാകുന്ന ഇവയ്ക്ക് 736 ശതമാനം പലിശയാണ് ബാങ്ക് ഈടാക്കുന്നത്.

ഐഡിഎഫ്‌സി ഫസ്റ്റ് ബാങ്ക്

10,000 രൂപയാണ് ഐഡിഎഫ്‌സി ഫസ്റ്റ് ബാങ്കില്‍ ടാക്‌സ് സേവിംഗ് ഫിക്‌സഡ് ഡിപ്പോസിറ്റ് ഓപ്പണ്‍ ചെയ്യാന്‍ വേണ്ടത്. ഈ സ്ഥിരം നിക്ഷേപത്തിന് 7.75 ശതമാനമാണ് ബാങ്ക് ഓഫര്‍ ചെയ്യുന്ന പലിശ നിരക്ക്.

സ്റ്റേറ്റ് ബാങ്ക് ഓഫ് ഇന്ത്യ

അഞ്ചിനും 10നുമിടയില്‍ വര്‍ഷം മെച്വുറിറ്റി കാലാവധിയുള്ള എസ്ബിഐയുടെ ടാക്‌സ് സേവിംഗ് എഫ്ഡിക്ക് 6.85 ശതമാനം പലിശ നിരക്കാണ് കമ്പനി ഓഫര്‍ ചെയ്യുന്നത്. ഇതിലെ മിനിമം ഡിപ്പോസിറ്റ് 1000 രൂപയാണ്. ഒരു വര്‍ഷം 1.5 ലക്ഷം രൂപയില്‍ കൂടാന്‍ പാടില്ലെന്ന് നിബന്ധനയുണ്ട്.

ഐസിഐസിഐ

ഏഴ് ശതമാനം പലിശയാണ് ഐസിഐസിഐ ബാങ്ക് ആദായ നികുതി ഇളവ് ലഭിക്കുന്ന ഫിക്‌സഡ് ഡെപ്പോസിറ്റിന് നല്‍കുന്നത്. അഞ്ചിനും 10നും ഇടയില്‍ വര്‍ഷം മെച്വുറിറ്റി കാലാവധി ഉള്ളവയായിരിക്കണം നിക്ഷേപമെന്ന നിബന്ധനയുണ്ട്. ഐസിഐസിഐ ബാങ്കില്‍ ഇത്തരമൊരു നിക്ഷേപം തുടങ്ങാന്‍ ചുരുങ്ങിയത് 10,000 രൂപയെങ്കിലും വേണം.

എച്ച്ഡിഎഫ്‌സി ബാങ്ക്

അഞ്ചിനും 10നും ഇടയില്‍ വര്‍ഷം നിക്ഷേപ കാലാവധിയുള്ള എഫ്ഡിക്ക് എച്ച്ഡിഎഫ്‌സി ബാങ്ക് നല്‍കുന്ന പലിശ 6.5 ശതമാനമാണ്. വെറും 100 രൂപയുണ്ടെങ്കില്‍ ഇത്തരമൊരു അക്കൗണ്ട് എച്ച്ഡിഎഫ്‌സി ബാങ്കില്‍ തുടങ്ങാന്‍ സാധിക്കും.