ആധാർ കാർഡുണ്ടെങ്കിൽ മിനിറ്റുകൾക്കുള്ളിൽ നിങ്ങൾക്ക് 2 ലക്ഷം രൂപ കിട്ടും, എങ്ങനെ?

കാര്യമായ നിക്ഷേപങ്ങളില്ലേ? പെട്ടെന്നൊരു സാമ്പത്തിക പ്രതിസന്ധി വന്നാൽ എന്തു ചെയ്യും? അതിനാണ് പേഴ്സണൽ ലോൺ സൗകര്യം നിലവിലുള്ളത്. അതെ, സാമ്പത്തിക പ്രതിസന്ധികളിൽ പെട്ടെന്ന് ആശ്രയിക്കാവുന്ന ഒരു മികച്ച വായ്പാ മാർ​ഗമാണ് പേഴ്സണൽ ലോൺ. നിങ്ങളുടെ ആവശ്യവും ക്രെഡിറ്റ് സ്കോറും തിരിച്ചടവ് കഴിവും പരിശോധിച്ചാണ് വിവിധ സ്ഥാപനങ്ങൾ പേഴ്സണൽ ലോൺ അം​ഗീകരിക്കുന്നത്. ബാങ്കുകൾക്ക് പുറമേ നിരവധി സ്വകാര്യ സ്ഥാപനങ്ങളും മൊബൈൽ ആപ്പുകളും ഇൻസ്റ്റന്റ് പേഴ്സണൽ ലോൺ സൗകര്യങ്ങൾ നൽകുന്നുണ്ട്.

അടിയന്തിര ഫണ്ടുകൾക്കായി ഉപയോ​ഗിക്കാവുന്ന ഈ പേഴ്സണൽ ലോണിന് അപേക്ഷിക്കാൻ മറ്റ് ലോണുകളെ അപേക്ഷിച്ച് ഒരുപാട് രേഖകളുടെ ആവശ്യകതയില്ല. ഇന്ത്യയിലെ ഏറ്റവും സുപ്രധാന രേഖയാണ് ആധാർ കാർഡ്. സാമ്പത്തിക ഇടപാടുകൾക്കും ആധാർ കാർഡ് പ്രധാനമാണ്. പെട്ടെന്ന് 2 ലക്ഷം രൂപ ആവശ്യമുണ്ടോ? എങ്കിൽ ഇതിനായി ടെൻഷൻ വേണ്ട, ആധാർ കാർഡുണ്ടെങ്കിൽ ഈ തുക എളുപ്പത്തിൽ കിട്ടും. കൂടുതൽ രേഖകൾ പോലുമില്ലാതെ നിങ്ങൾക്ക് ഈ സേവനം പ്രയോജനപ്പെടുത്താം. വിശദമായി അറിയാം.

ആധാർ കാർഡിലൂടെ ലഭിക്കുന്ന വായ്പയുടെ നേട്ടങ്ങൾ അറിയാം....

ലളിതമായ രേഖകൾ: സാധാരണ വായ്പകളിൽ നിന്ന് ഏറെ വ്യത്യസ്തമാണ് ആധാർ കാർഡ് വായ്പകൾ. ഇവിടെ അനാവശ്യമായി രേഖകളൊന്നും ആവശ്യമില്ല. ഐഡൻ്റിറ്റിയും മേൽവിലാസവും തെളിയിക്കുന്നതിന് വായ്പ നൽകുന്നവർ ആധാർ കാർഡ് മാത്രമാണ് സ്വീകരിക്കുന്നത്. ഇത് അനാവശ്യമായി നിരവധി രേഖകൾ സമർപ്പിക്കുന്നത് ഒഴിവാക്കുന്നു.

ഡിജിറ്റൽ പ്രോസസ്സ്: ഈ ലോണുകൾ ഓൺലൈൻ വഴിയാണ് ലഭിക്കുന്നത്. അതിനാൽ നിങ്ങൾക്ക് പെട്ടെന്ന് ലോൺ തുക പാസാവുന്നു.

ലോൺ പെട്ടെന്ന് ലഭിക്കും: പരിമിതമായ സാമ്പത്തിക രേഖയുള്ളവർക്കും ആധാർ കാർഡിൽ വായ്പ ലഭിക്കും. നിങ്ങൾക്ക് സ്ഥിരമായ വരുമാന സ്രോതസ്സ് ഇല്ലെങ്കിലും, ഇപ്പോഴും ലോണിന് അപേക്ഷിക്കാനും നിങ്ങളുടെ സാമ്പത്തിക പ്രശ്നങ്ങൾ പരിഹരിക്കാനും സാധിക്കും.

പ്രോസസ്സിംഗ് വേ​ഗത്തിൽ: ഓൺലൈനായി വായ്പയ്ക്ക് അപേക്ഷിക്കുന്നതിനാൽ ഈ ലോണുകൾ വേഗത്തിൽ തന്നെ അംഗീകാരിക്കും. ഇത് നിങ്ങളുടെ സമയം ലാഭിക്കുന്നു.

ഈട് ആവശ്യമില്ല: ആധാർ കാർഡ് വഴി ലഭിക്കുന്ന വായ്പകൾ സുരക്ഷിതമല്ല. അതായത് വായ്പ ലഭിക്കുന്ന ഈടായി ഒന്നും പണയം വെക്കേണ്ടതില്ല.

2 ലക്ഷം വായ്പ ആർക്കെല്ലാം?

• പ്രായം: നിങ്ങൾക്ക് 21-നും 60 വയസ്സിനും ഇടയിൽ പ്രായമുണ്ടായിരിക്കണം. ചില സന്ദർഭങ്ങളിൽ 65 വയസ്സ് വരെ അംഗീകരിച്ചേക്കാം.

• വരുമാനം: കുറഞ്ഞത് 15,000 രൂപയ്ക്കും 25,000 രൂപയ്ക്കും ഇടയിൽ പ്രതിമാസ വരുമാനം ആവശ്യമാണ്. സ്വയം തൊഴിൽ ചെയ്യുന്നവർക്കും ഈ വായ്പ ലഭ്യമാണ്.

• ക്രെഡിറ്റ് സ്കോർ: മികച്ച ക്രെഡിറ്റ് സ്കോർ (650-700 അല്ലെങ്കിൽ അതിലധികമോ പരിധിയിൽ) ആവശ്യമാണ്. ഇത് കുറഞ്ഞ പലിശനിരക്ക് ലഭിക്കാനുമുള്ള സാധ്യത വർദ്ധിപ്പിക്കുന്നു.

• തൊഴിൽ: പ്രതിമാസ വരുമാനമുള്ള ജീവനക്കാരനോ സ്വയം തൊഴിൽ ചെയ്യുന്ന വ്യക്തിയോ ആയിരിക്കണം.

• ആധാർ കാർഡ്: ആക്ടീവായ ഒരു ആധാർ കാർഡ് വേണം. അത് നിങ്ങളുടെ മൊബൈൽ നമ്പറുമായി ലിങ്ക് ചെയ്തിരിക്കണം.

500 രൂപ നിക്ഷേപിച്ചാൽ 25 ലക്ഷമായി വളരും; പോസ്റ്റ് ഓഫീസിന്റെ ഈ വമ്പൻ സ്കീമിൽ നിക്ഷേപിക്കാം

ആധാർ കാർഡ് വായ്പയ്ക്ക് ആവശ്യമായ രേഖകൾ

• പാൻ കാർഡ്

• കഴിഞ്ഞ 3-6 മാസത്തെ ബാങ്ക് അക്കൗണ്ട് സ്റ്റേറ്റ്‌മെൻ്റുകൾ

• ശമ്പളമുള്ള വ്യക്തികളുടെ സാലറി സ്ലിപ്പ്

• ഐ.ടി.ആർ റിട്ടേൺ (സ്വയം തൊഴിൽ ചെയ്യുന്നവർക്ക്)

ആധാർ കാർഡ് വായ്പയ്ക്ക് എങ്ങനെ അപേക്ഷിക്കാം?

ഓൺലൈൻ അപേക്ഷ: വെബ്സൈറ്റ് വഴിയോ അവരുടെ മൊബൈൽ ആപ്പ് വഴിയോ അപേക്ഷിക്കാം.

രേഖകൾ അപ്‌ലോഡ് ചെയ്യുക: നിങ്ങളുടെ ആധാർ കാർഡ്, പാൻ കാർഡ്, സാലറി സ്ലിപ്പുകൾ എന്നിവ അപ്‌ലോഡ് ചെയ്യുക.

ലോൺ അം​ഗീകരിക്കും: രേഖകൾ സമർപ്പിച്ചതിന് ശേഷം, ലോൺ അംഗീകരിക്കപ്പെടും. 24 മുതൽ 48 മണിക്കൂറിനുള്ളിൽ ഇത് അം​ഗീകരിക്കും.

പലിശനിരക്കുകളെ കുറിച്ച് വ്യക്തമായി മനസിലാക്കുക. താരതമ്യേന കുറഞ്ഞ പലിശ നിരക്കാണോ എന്ന് നോക്കാം. വായ്പയ്ക്ക് അപേക്ഷിക്കുന്നതിനു മുന്നേ ഇ.എം.ഐ വഴി ഈടാക്കാൻ സാധ്യതയുള്ള പ്രോസസ്സിംഗ് ഫീസും മറ്റ് ചാർജുകളും പരിശോധിക്കുക. ഇത്തരത്തിലുള്ള അപകടങ്ങളെ കുറിച്ച് മനസിലാക്കിയ ശേഷം ബോധപൂർവം കടം വാങ്ങുക.