15,000 രൂപ അടിസ്ഥാന ശമ്പളത്തിൽ 60,52,650 രൂപ വരെ പെൻഷൻ നേടാം

എംപ്ലോയീസ് പ്രൊവിഡന്റ് ഫണ്ട്‌ ഓർഗനൈസേഷൻ (ഇ.പി.എഫ്.ഒ) നടത്തുന്ന ഒരു സാമൂഹിക സുരക്ഷാ പദ്ധതിയാണ് എംപ്ലോയീസ് പെൻഷൻ സ്കീം (ഇ.പി.എസ്). സംഘടിത മേഖലയിൽ ജോലി ചെയ്യുന്ന ജീവനക്കാർ 58 വയസിൽ വിരമിക്കുമ്പോൾ പെൻഷൻ നൽകുന്നതാണ് ഈ സംവിധാനം. നിലവിലുള്ള ഇ.പി.എഫ് അംഗങ്ങൾക്കും പുതിയ അംഗങ്ങൾക്കും ഈ പദ്ധതിയിൽ നിക്ഷേപിക്കാൻ സാധിക്കും. അങ്ങനെ ഭാവി ഭദ്രമാക്കാം. ആളുകൾക്ക് മികച്ചതും ഉറപ്പായതുമായ റിട്ടേൺസ് അവരുടെ വിരമിക്കൽ കാലത്ത് സ്വന്തമാക്കാനുള്ള അവസരമാണ് എംപ്ലോയീസ് പ്രൊവിഡന്റ് ഫണ്ട് വാഗ്ദാനം ചെയ്യുന്നത്.

എൻ.പി.എസ് നികുതി ആനുകൂല്യങ്ങൾ; ശമ്പളമുള്ള വ്യക്തികൾക്ക് എത്രത്തോളം ലാഭിക്കാൻ സാധിക്കും?

എങ്കിലും, ഇ.പി.എസിന് കീഴിൽ പെൻഷൻ സൗകര്യം ലഭിക്കുന്നതിന്, കുറഞ്ഞത് 10 വർഷത്തേക്കെങ്കിലും നിക്ഷേപിക്കേണ്ടത് അത്യാവശ്യമാണ്. വിരമിച്ചതിന് ശേഷം നിങ്ങൾക്ക് എത്ര പെൻഷൻ ലഭിക്കുമെന്ന് കണക്കാക്കാൻ സഹായിക്കുന്ന ഒരു ഫോർമുലയാണ് ശരാശരി ശമ്പളം × പെൻഷനബിൾ സർവീസ്/70 എന്നത്. ഇതിൽ ശരാശരി ശമ്പളം എന്നാൽ അടിസ്ഥാന ശമ്പളം + ഡി.എ എന്നാണ്. കഴിഞ്ഞ 12 മാസത്തെ അടിസ്ഥാനമാക്കിയാണ് ഇത് കണക്കാക്കുന്നത്.

ഒരു തൊഴിലുടമ ജീവനക്കാരന്റെ ശമ്പളത്തിന്റെ 3.67 ശതമാനം ഇ.പി.എഫിലേക്കും 8.33 ശതമാനം ഇ.പി.എസിലേക്കും നിക്ഷേപിക്കുന്നു. 2024-25 സാമ്പത്തിക വർഷത്തിലെ പലിശ നിരക്ക് 8.25 ശതമാനമാണ്. ഉദാഹരണമായി, 2024 ഏപ്രിലിൽ ഒരു വ്യക്തി ഒരു കമ്പനിയിൽ ചേർന്നുവെന്നും അയാളുടെ അടിസ്ഥാന ശമ്പളം 15,000 രൂപയാണെന്നും കരുതുക. ഏപ്രിലിലെ മൊത്തം ഇ.പി.എഫ് വിഹിതം 2350 രൂപയായിരിക്കും. ഇ.പി.എഫ് ഏപ്രിൽ മാസത്തിൽ പലിശ നൽകില്ല. മെയ് മാസത്തിൽ മൊത്തം ഇ.പി.എഫ് വിഹിതം 4700 രൂപയായിരിക്കും (2350+2350). ഇതിന്റെ പലിശ 32.31 രൂപയായിരിക്കും. ജീവനക്കാരൻ വിരമിക്കുന്നത് വരെ ഈ കണക്കുകൂട്ടൽ തുടരുന്നതാണ്.

സാമ്പത്തിക സ്വാതന്ത്ര്യം നേടാൻ നിർബന്ധമായും അറിഞ്ഞിരിക്കേണ്ട ഏഴ് കാര്യങ്ങൾ

15,000 രൂപ അടിസ്ഥാന ശമ്പളത്തിൽ നിങ്ങളുടെ പെൻഷൻ തുക പരിശോധിക്കുമ്പോൾ, ഇ.പി.എഫിലേക്കുള്ള നിങ്ങളുടെ നിക്ഷേപം അടിസ്ഥാന ശമ്പളത്തിന്റെ 12 ശതമാനമായിരിക്കും എന്നത് ശ്രദ്ധിക്കുക. 25 വയസിലാണ് നിങ്ങൾ നിക്ഷേപം ആരംഭിക്കുന്നതെങ്കിൽ, നിങ്ങളുടെ മൊത്തം നിക്ഷേപ തുക 10,15,416 രൂപയായിരിക്കും. പലിശയിനത്തിൽ നിങ്ങൾക്ക് ലഭിക്കുക 50,37,234 രൂപയായിരിക്കും. അപ്പോൾ നിങ്ങൾക്ക് ആകെ 60,52,650 രൂപ ലഭിക്കും. നിലവിലെ 8.25 ശതമാനം പലിശയുടെ അടിസ്ഥാനത്തിലാണ് ഈ കണക്കുകൂട്ടൽ.