Click it and Unblock the Notifications
റിട്ടയർമെന്റ് ജീവിതം മുന്നിൽ കണ്ടുതന്നെ പലരും നിക്ഷേപ പദ്ധതികൾ തുടങ്ങാറുണ്ട്. ചിലരാകട്ടെ പെൻഷനെയാണ് ആശ്രയിക്കുന്നത്. ഇത്തരക്കാർക്ക് മാസം 1 ലക്ഷം വരെ പെൻഷൻ നേടാൻ സഹായിക്കുന്നൊരു സ്കീമുണ്ട്. നാഷണൽ പെൻഷൻ സിസ്റ്റം (എൻപിഎസ്) സ്കീമിലൂടെ റിട്ടയർമെന്റ് ജീവിതം സുരക്ഷിതമാക്കാൻ സാധിക്കും.
ചുമ്മ സേവ് ചെയ്യാനല്ല! സേവിംഗ്സ് അക്കൗണ്ട് ഫലപ്രദമായി ഉപയോഗിക്കാൻ ഇക്കാര്യങ്ങൾ അറിഞ്ഞിരിക്കാം
റിട്ടയർമെന്റ് വരുമാനം വർധിപ്പിക്കുന്നതിനും നികുതി ലാഭിക്കുന്നതിനുമുള്ള നല്ലൊരു മാർഗമാണ് എൻപിഎസ്. റിട്ടയർമെന്റിനുശേഷം ഒരു വ്യക്തിക്ക് സാമ്പത്തികമായി സുരക്ഷിതമാകാൻ എൻപിഎസ് പദ്ധതി സഹായിക്കും. എൻപിഎസ് സ്കീമിലൂടെ പ്രതിമാസം 1 ലക്ഷം രൂപ പെൻഷൻ നേടാൻ സാധിക്കുന്നതെങ്ങനെയെന്ന് നോക്കാം.
ഒരു വ്യക്തി 21-ാം വയസ്സിൽ എൻപിഎസിൽ പ്രതിമാസം 8,700 രൂപ നിക്ഷേപിക്കാൻ തുടങ്ങുകയും അടുത്ത 39 വർഷത്തേക്ക് നിക്ഷേപിക്കുകയും ചെയ്താൽ, 60 വയസ്സ് ആകുമ്പോഴേക്കും അയാൾ/അവൾക്ക് പ്രതിമാസം 1,00,000 രൂപയിൽ കൂടുതൽ പെൻഷൻ ലഭിക്കും. പദ്ധതിയുടെ കാലാവധി പൂർത്തിയാകുമ്പോഴുള്ള മൊത്തം നിക്ഷേപ തുക 5,01,19,582 രൂപയാണ്. മൊത്തം തുകയിൽനിന്ന് 60 ശതമാനം (റിട്ടയർമെന്റ് പ്രായത്തിൽ പിൻവലിക്കാവുന്ന പരമാവധി പരിധിയാണ് 60 ശതമാനം എന്നത്) പിൻവലിക്കുകയാണെങ്കിൽ നിങ്ങൾക്ക് 40 ശതമാനം വാർഷിക തുക ലഭിക്കും.
മാസശമ്പളം 20,000 ആണോ? നിങ്ങൾക്കും കോടീശ്വരനാകാം, ഈ നിക്ഷേപ രീതിയിലൂടെ
പ്രതിമാസം 1 ലക്ഷം പെൻഷൻ ലഭിക്കുന്നതെങ്ങനെ?
നിങ്ങളുടെ നിക്ഷേപം ആന്വിറ്റി പ്ലാനിൽ സർക്കാർ വാർഷിക നിക്ഷേപം നടത്തുന്നു. ഒരു വാർഷികത്തിൽ നിങ്ങൾക്ക് ആറ് ശതമാനം റിട്ടേൺ ലഭിക്കുകയാണെങ്കിൽ, നിക്ഷേപിച്ച തുക 30,07,1749 രൂപയായിരിക്കും. അങ്ങനെയെങ്കിൽ പ്രതീക്ഷിക്കുന്ന പ്രതിമാസ പെൻഷൻ 1,00,239 രൂപയാണ്.
ശമ്പളക്കാരായ മധ്യവർഗക്കാർക്ക് നികുതി ലാഭിക്കുന്നതിനും റിട്ടയർമെന്റ് ജീവിതം ആസൂത്രണം ചെയ്യുന്നതിനുമുള്ള നല്ലൊരു പദ്ധതികളിലൊന്നാണ് നാഷണല് പെന്ഷന് സിസ്റ്റം (എന്പിഎസ്). സ്വകാര്യ മേഖലകളിലെ ജീവനക്കാർക്കു മാത്രമല്ല, ആർക്ക് വേണമെങ്കിലും എൻപിഎസിൽ ചേരാവുന്നതാണ്. പ്രവാസികൾക്കും എൻപിഎസിൽ നിക്ഷേപം നടത്താം. വളരെ ചുരുങ്ങിയ തവണകള് അടച്ച് പദ്ധതിയുടെ ഭാഗമാകാം എന്നതാണ് ഇതിന്റെ പ്രത്യേകത. 60 വയസ് കഴിഞ്ഞാല് പെന്ഷന് ലഭിച്ചുതുടങ്ങും. 60 വയസിന് ശേഷവും പദ്ധതിയില് ചേരാം. അവര്ക്ക് പദ്ധതിയില് ചേര്ന്ന് 3 വര്ഷങ്ങള്ക്ക് ശേഷം പെന്ഷന് ലഭിക്കും.
റിട്ടയർമെന്റിന് ശേഷവും വീടെന്ന സ്വപ്നം യാഥാർഥ്യമാക്കാം; ലോൺ നേടാനുള്ള എളുപ്പവഴികൾ
11 പെൻഷൻ ഫണ്ട് മാനേജർമാരാണ് എൻപിഎസിൽ നിക്ഷേപകരുടെ പണം കൈകാര്യം ചെയ്യുന്നത്. ഇക്വിറ്റി, കോര്പറേറ്റ് ബോണ്ട്, സര്ക്കാര് ബോണ്ട് എന്നിങ്ങനെ വിവിധ കാറ്റഗറികളില് നിക്ഷേപം നടത്താവുന്നതാണ്. എൻപിഎസ് സംവിധാനം രണ്ട് തരത്തിലുള്ള അക്കൗണ്ടുകൾ വാഗ്ദാനം ചെയ്യുന്നു: ടയർ I അക്കൗണ്ട് എല്ലാ നികുതി കിഴിവുകളും ബാധകമാകുന്നതാണ്. ടയർ II അക്കൗണ്ടുകളിൽ നികുതിയിളവുകളൊന്നും ബാധകമല്ല. റിട്ടയർമെന്റ് ജീവിതത്തിൽ ഫണ്ട് കണ്ടെത്താനുള്ള മികച്ച വഴികളിലൊന്നാണ് എൻപിഎസ്.
Sign in with Google