മാസശമ്പളം 20,000 ആണോ? നിങ്ങൾക്കും കോടീശ്വരനാകാം, ഈ നിക്ഷേപ രീതിയിലൂടെ

മാസവരുമാനത്തെ ആശ്രയിച്ചാണ് പല കുടുംബങ്ങളും ജീവിക്കുന്നത്. ലക്ഷങ്ങൾ മാസവരുമാനം നേടുന്നവർ കുറവാണ്. പലരുടെയും മാസവരുമാനം 20,000 മോ അതിനുതാഴെയോ ആയിരിക്കും. അതിനാൽതന്നെ ഇത്തരം ആളുകൾ വളരെ വിരളമായിട്ടേ നിക്ഷേപ സ്കീമുകളിൽ അംഗമാകാറുള്ളൂ. മാസം 15000 മോ അല്ലെങ്കിൽ 20,000 മോ വാങ്ങുന്നവർക്കും സേവിങ്സോ അല്ലെങ്കിൽ നിക്ഷേപം നടത്താൻ ആഗ്രഹമുണ്ടാകും. എന്നാൽ, ദൈനംദിന ആവശ്യങ്ങൾ നിറവേറ്റിയശേഷം, ഈ തുച്ഛമായ തുകയിൽനിന്നും നിക്ഷേപത്തിനായി ഞാൻ എങ്ങനെ മാറ്റിവയ്ക്കുമെന്നാണ് പലരുടെയും ആശങ്ക. നിക്ഷേപം നടത്തിയാലും റിട്ടയർമെന്റ് സമയത്ത് നല്ലൊരു തുക നേടാൻ സഹായിക്കുന്ന ചെറിയ നിക്ഷേപം എന്താണെന്നും പലരും ചിന്തിക്കുന്നു.

നിക്ഷേപത്തിന് 7.5% വരെ പലിശ; പോസ്റ്റ് ഓഫീസിന്റെ റിസ്ക്-ഫ്രീ സമ്പാദ്യ പദ്ധതികൾ

സാമ്പത്തിക സാക്ഷരതയുടെ അഭാവവും സാമ്പത്തികമായി അച്ചടക്കം പാലിക്കാനുള്ള കഴിവില്ലായ്മയുമാണ് ആളുകളെ അങ്ങനെ ചിന്തിപ്പിക്കുന്നത്. ആധുനിക കാലത്ത്, നല്ല പലിശയും നല്ലൊരു തുകയും നൽകുന്ന നിരവധി നിക്ഷേപ ഓപ്ഷനുകളുണ്ട്. അത്തരം നിക്ഷേപ പദ്ധതികളിൽ നിക്ഷേപിച്ചാൽ നിങ്ങളുടെ പണം വളരുകയും റിട്ടയർമെന്റിനുശേഷം നല്ലൊരു തുക കയ്യിൽ കിട്ടുകയും ചെയ്യും.

പ്രതിമാസം 20,000 രൂപ ശമ്പളം ലഭിക്കുന്ന ഒരാൾക്കും 1 കോടി നേടാനാകും. എങ്ങനെ എന്നല്ലേ നിങ്ങൾ ഇപ്പോൾ ചിന്തിക്കുന്നത്. 70:15:15 എന്ന ഫോർമുലയിലൂടെയാണ് നിങ്ങൾക്ക് അത് സാധിക്കാൻ കഴിയുക. ഈ ഫോർമുല അനുസരിച്ച്, നിങ്ങളുടെ ദൈനംദിനആവശ്യങ്ങൾ നിറവേറ്റുന്നതിനായി വരുമാനത്തിന്റെ 70 ശതമാനം മാറ്റിവയ്ക്കുക, 15 ശതമാനം അത്യാവശ്യ സാഹചര്യങ്ങൾക്കായി മാറ്റിവയ്ക്കുക, ബാക്കിയുള്ള 15 ശതമാനം ചില നിക്ഷേപ പദ്ധതികളിൽ നിക്ഷേപിക്കുക.

5 ലക്ഷം നിക്ഷേപിച്ച് 7 ലക്ഷം നേടാം: ഈ പോസ്റ്റ്‌ ഓഫീസ് സ്കീമിനെ കുറിച്ച് തീർച്ചയായും അറിയേണ്ടതാണ്

20,000 രൂപയുടെ എഴുപത് ശതമാനം 14,000 രൂപയാണ്, അതായത്, നിങ്ങളുടെ ഒരു മാസത്തെ എല്ലാ ചെലവുകളും 14,000 രൂപയിൽ ഒതുങ്ങണം. എമർജൻസി ഫണ്ടിനായി 15 ശതമാനം, അതായത് 3000 രൂപ സൂക്ഷിക്കണം, ബാക്കി 15 ശതമാനം നല്ലൊരു സ്കീമിൽ നിക്ഷേപിക്കണം.

മാസം 20,000 നിക്ഷേപിക്കാം... 5 വർഷം കൊണ്ട് 32.61 ലക്ഷം കയ്യിൽ കിട്ടും

1 കോടി നേടാൻ എവിടെ നിക്ഷേപിക്കണം

സിസ്റ്റമാറ്റിക് ഇൻവെസ്റ്റ്‌മെന്റ് പ്ലാൻ (എസ്ഐപി) വഴിയുള്ള മ്യൂച്വൽ ഫണ്ട് നിക്ഷേപം നല്ലൊരു ഓപ്ഷനുകളിലൊന്നാണ്. ദീർഘകാലാടിസ്ഥാനത്തിൽ ഒരാൾക്ക് 12 ശതമാനം വാർഷിക വരുമാനം ഇതിൽനിന്നും പ്രതീക്ഷിക്കാം. എസ്ഐപി വഴി 30 വർഷത്തേക്ക് തുടർച്ചയായി എല്ലാ മാസവും 3,000 രൂപ നിക്ഷേപിക്കുകയാണെങ്കിൽ, കാലാവധി പൂർത്തിയാകുമ്പോൾ മൊത്തം നിക്ഷേപ തുക 10,80,000 രൂപയായിരിക്കും. 12 ശതമാനം വാർഷിക റിട്ടേൺ നിരക്കിൽ, നിങ്ങൾക്ക് 95,09,741 രൂപ ലഭിക്കും. 30 വർഷം കൊണ്ട് ആകെ 1,05,89,741 രൂപ ലഭിക്കും.