2500 രൂപ നിക്ഷേപിച്ച് 1 കോടി രൂപ റിട്ടേൺസ് നേടാം; ചെയ്യേണ്ടത് ഇത്രമാത്രം

ഓരോ നിക്ഷേപകനും തങ്ങളുടെ നിക്ഷേപം വർധിപ്പിക്കുന്നതിലൂടെ, മികച്ച വരുമാനത്തെയാണ് ലക്ഷ്യമിടുന്നത്. അസോസിയേഷൻ ഓഫ് മൂച്വൽ ഫണ്ട്സ് ഇൻ ഇന്ത്യ (എ.എം.എഫ്.ഐ) ഡാറ്റ പ്രകാരം, 2024 മെയ് മാസത്തിലെ 34,697 കോടി രൂപയിൽ നിന്ന് ജൂണിൽ 17 ശതമാനം വർധിച്ച് 40,608 കോടി രൂപയായി. മെയ്‌ മാസം 20,904 കോടി രൂപയുള്ള മാനേജ്മെന്റിന്റെ കീഴിലെ മൊത്തം ആസ്തി, ജൂണിൽ 21,262 കോടി രൂപയായി ഉയർന്നു. ജൂണിൽ 55,12,962 എസ്.ഐ.പികൾ പുതുതായി തുറന്നു. ചെറുകിട നിക്ഷേപകർക്കിടയിൽ മൂച്വൽ ഫണ്ട് നിക്ഷേപങ്ങൾ ഉയർന്നുവെന്നാണ് ഈ കണക്കുകൾ വ്യക്തമാക്കുന്നത്. 2500 രൂപയായ പ്രതിമാസ എസ്.ഐ.പി നിങ്ങളെ കോടീശ്വരനാക്കാൻ കഴിയുന്ന വരുമാനം എങ്ങനെ നൽകുന്നെന്ന് നോക്കാം.

പെൺമക്കൾക്കായി15 വർഷത്തിൽ ഏറ്റവും കൂടുതൽ റിട്ടേൺസ് നൽകുന്ന പദ്ധതി ഏതാണ്?

പ്രതിവർഷം 14 ശതമാനം പലിശ നിരക്കിൽ 21 വയസിൽ നിങ്ങൾ നിക്ഷേപം ആരംഭിക്കുന്നുവെന്ന് കരുതുക. അതായത് മൂച്വൽ ഫണ്ട് എസ്.ഐ.പികളിൽ പ്രതിമാസം 2,500 രൂപ നിക്ഷേപിക്കുന്നു. മേല്പറഞ്ഞ പലിശ നിരക്കിൽ നിങ്ങളുടെ പണം 32,90,866 രൂപയായി ഉയരും. ഇതിൽ 7 ലക്ഷം രൂപ നിങ്ങളുടെ മുതലും 25,90,866 രൂപ പലിശയായും കണക്കാക്കാം. നിങ്ങൾ 50 വയസ് വരെ നിക്ഷേപം തുടരുമ്പോൾ, നിങ്ങൾക്ക് 49 വയസ് തികയുന്ന വർഷം മുതൽ മൊത്തം സമ്പാദ്യം ഒരു കോടിയായി മാറും.

കൃത്യമായി പറഞ്ഞാൽ 49 വയസിൽ അല്ലെങ്കിൽ നിങ്ങളുടെ നിക്ഷേപത്തിന്റെ 28 വർഷത്തിൽ, നിങ്ങൾക്ക് 1.04 കോടി രൂപ ലഭിക്കും. അതിൽ നിങ്ങളുടെ നിക്ഷേപം 8,40,000 രൂപയും 96.24 ലക്ഷം രൂപ പലിശയായും കണക്കാക്കുന്നു.ഇനി 14 ശതമാനം പലിശ നിരക്കിൽ 21 വയസ് മുതൽ നിങ്ങൾ ആരംഭിക്കുന്ന നിക്ഷേപത്തിലെ പ്രതിമാസ തുക 5,000 രൂപയാണെങ്കിൽ, 23 വർഷത്തിനുള്ളിൽ തന്നെ ഈ തുക ഒരു കോടി രൂപയായി മാറും.

5 ലക്ഷം നിക്ഷേപിച്ചാൽ 15 ലക്ഷം രൂപ റിട്ടേൺ; ഈ പോസ്റ്റ്‌ ഓഫീസ് പദ്ധതിയിൽ നേട്ടങ്ങളേറെ...

കൃത്യമായി പറഞ്ഞാൽ, 13.80 ലക്ഷം രൂപ മുതലും 88.37 ലക്ഷം രൂപ പലിശയായും നിങ്ങളുടെ സമ്പാദ്യം 1.02 കോടിയായി ഉയരും. നിങ്ങൾക്ക് 50 വയസാകുമ്പോൾ, ഈ നിക്ഷേപം 2.23 കോടി രൂപ പലിശയും 17,40,000 രൂപ മുതലും ഉൾപ്പെടെ 2.41 കോടി രൂപയായി മാറും. ഒരു മികച്ച രീതിയെന്ന നിലയിൽ, പണത്തിന്റെ വർധനവ് കണക്കാക്കാൻ എല്ലാ വർഷവും 5 മുതൽ 10 ശതമാനം വരെ നിക്ഷേപം വർധിപ്പിക്കുന്നത് നല്ലതാണ്.