പെൻഷൻകാർക്ക് ബാങ്കുകളിൽ നിന്ന് വായ്പ! എസ്ബിഐയുടെയും ബാങ്ക് ഓഫ് ബറോഡയുടെയും ഓഫർ

വിരമിച്ച പലർക്കും, പെൻഷൻ ഒരു സ്ഥിര വരുമാന മാർഗമാണ്. എങ്കിലും, റിട്ടയർമെന്റ് ജീവിതത്തിൽ പല അപ്രതീക്ഷിത സാമ്പത്തിക ആവശ്യങ്ങളും വന്നേക്കാം. മെഡിക്കൽ ആവശ്യങ്ങൾ മുതൽ വിവാഹ ധനസഹായം, യാത്രാ ചെല് അടക്കമുള്ളവ ഇതിൽ ഉൾപ്പെടാം. അത്തരം സാഹചര്യങ്ങളിൽ, ബാങ്കുകൾ നൽകുന്ന പെൻഷൻ വായ്പകൾ ഏറെ ഉപകാരപ്രദമാണ്. സ്റ്റേറ്റ് ബാങ്ക് ഓഫ് ഇന്ത്യയും ബാങ്ക് ഓഫ് ബറോഡയും പെൻഷൻകാർക്ക് നൽകുന്ന വായ്പയെക്കുറിച്ച് കൂടുതൽ വിശദമായി അറിയാം.

സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) പെൻഷൻ ലോൺ

കേന്ദ്ര, സംസ്ഥാന, പ്രതിരോധ പെൻഷൻകാർക്കും കുടുംബ പെൻഷൻകാർക്കും വായ്പ നൽകുന്നതിനാണ് എസ്‌ബി‌ഐയുടെ പെൻഷൻ ലോൺ പദ്ധതി രൂപകൽപ്പന ചെയ്തിരിക്കുന്നത്. അതൊരു മെഡിക്കൽ അടിയന്തരാവസ്ഥയ്‌ക്കോ, ഒരു കുടുംബ പരിപാടിക്കോ, അല്ലെങ്കിൽ ഒരു അവധിക്കാല ആഘോഷത്തിനോ ആകട്ടെ, വിരമിച്ചവർക്ക് എളുപ്പത്തിൽ സാമ്പത്തിക സഹായം ലഭ്യമാക്കുന്നു.

കേന്ദ്ര, സംസ്ഥാന സർക്കാർ പെൻഷൻകാർക്കുള്ള യോഗ്യത

പെൻഷൻകാർ 76 വയസിന് താഴെയായിരിക്കണം.

പെൻഷൻ വിതരണം എസ്‌ബി‌ഐ വഴി ആയിരിക്കണം.

വായ്പാ കാലയളവിൽ പെൻഷൻ അക്കൗണ്ട് മറ്റൊരു ബാങ്കിലേക്ക് മാറ്റില്ലെന്ന് പെൻഷൻകാർ ഉറപ്പ് നൽകണം.

ഒരു പങ്കാളി (കുടുംബ പെൻഷന് അർഹതയുള്ളത്) അല്ലെങ്കിൽ അനുയോജ്യമായ ഒരു മൂന്നാം കക്ഷി ഗ്യാരണ്ടർ ആവശ്യമാണ്.

പ്രതിരോധ പെൻഷൻകാർക്കുള്ള യോഗ്യത

സായുധ സേന, അർധസൈനിക സേന, തീരദേശ സേന, രാഷ്ട്രീയ റൈഫിൾസ്, അസം റൈഫിൾസ് എന്നിവിടങ്ങളിൽ നിന്നുള്ള പെൻഷൻകാർക്ക് അപേക്ഷിക്കാം.

കുറഞ്ഞ പ്രായപരിധിയില്ല; പരമാവധി പ്രായം 76 വയസ്സ്.

കുടുംബ പെൻഷൻകാർക്കുള്ള യോഗ്യത

പെൻഷൻകാരന്റെ മരണശേഷം പെൻഷൻ സ്വീകരിക്കാൻ അധികാരമുള്ള കുടുംബാംഗങ്ങൾ.

പ്രായം 76 വയസ്സിൽ കൂടരുത്.

റിട്ടയർമെന്റിൽ പ്രതിമാസം 1 ലക്ഷം പെൻഷൻ വേണോ? 20-ാം വയസിൽ നിക്ഷേപിക്കേണ്ടത് എത്ര?

ബാങ്ക് ഓഫ് ബറോഡ പെൻഷൻ ലോൺ

പെൻഷൻകാർക്ക് വേണ്ടി പ്രത്യേകം രൂപകൽപ്പന ചെയ്ത വ്യക്തിഗത വായ്പകൾ ബാങ്ക് ഓഫ് ബറോഡ വാഗ്‌ദാനം ചെയ്യുന്നു. അപ്രതീക്ഷിത സാഹചര്യങ്ങളിൽ പോലും വിരമിച്ചവർക്ക് സമ്മർദരഹിതമായ ജീവിതം ആസ്വദിക്കാൻ കഴിയുമെന്ന് ഇത്തരം വായ്പകൾ ഉറപ്പാക്കുന്നു.

വായ്പയ്ക്കുള്ള യോഗ്യത

ബാങ്ക് ഓഫ് ബറോഡ ശാഖകൾ വഴി പെൻഷൻ വാങ്ങുന്ന പെൻഷൻകാർ അല്ലെങ്കിൽ കുടുംബ പെൻഷൻകാർ.

ട്രഷറി/ഡിഫൻസ് പെൻഷൻ ഡിസ്ബേഴ്‌സിംഗ് ഓഫീസ് (DPDO) വഴി ബാങ്ക് ഓഫ് ബറോഡ അക്കൗണ്ടുകളിലേക്ക് പെൻഷൻ വിതരണം.

പണമില്ലാത്തതിനാൽ ചെക്കുകൾ ബൗൺസ് ആകാതെ, പെൻഷൻകാർ കുറഞ്ഞത് മൂന്ന് മാസമായി ബ്രാഞ്ച് വഴി പെൻഷൻ വാങ്ങുന്നവരായിരിക്കണം.

തിരിച്ചടവ് കാലയളവ്

70 വയസ്സ് വരെയുള്ള പെൻഷൻകാർക്ക് 60 മാസം വരെയുള്ള വായ്പാ കാലാവധി.

70 വയസ്സിന് മുകളിലുള്ള പെൻഷൻകാർക്ക് 36 മാസം വരെയുള്ള വായ്പാ കാലാവധി.

വായ്പാ ഇഎംഐകൾ ഉൾപ്പെടെ മൊത്തം പ്രതിമാസ കിഴിവുകൾ പ്രതിമാസ പെൻഷന്റെ 60% കവിയാൻ പാടില്ല.

പെൻഷൻ വായ്പകൾ ലഭിക്കാൻ എസ്‌ബി‌ഐയും ബാങ്ക് ഓഫ് ബറോഡയും അവരുടെ ശാഖകൾ വഴി പെൻഷൻ ക്രെഡിറ്റ് ചെയ്യണമെന്ന് ആവശ്യപ്പെടുന്നുണ്ട്. എസ്‌ബി‌ഐ ഒരു ഗ്യാരണ്ടറെ അനുവദിക്കുന്നുണ്ട്. ബാങ്ക് ഓഫ് ബറോഡ വ്യക്തിഗത യോഗ്യതയിലാണ് ശ്രദ്ധ കേന്ദ്രീകരിക്കുന്നത്.

 അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.