കുറഞ്ഞ ശമ്പളക്കാർക്കും പേഴ്സണൽ ലോൺ, ഈ 6 ബാങ്കുകളിൽ അപേക്ഷിക്കാം

പെട്ടെന്നുള്ള ആവശ്യകതകൾ നിറവേറ്റാൻ സഹായിക്കുന്നതിനാൽ പേഴ്സണൽ ലോണുകൾ എക്കാലത്തും ജനപ്രിയ ഓപ്ഷനായി മാറിയിട്ടുണ്ട്. ഈടില്ലാതെ എളുപ്പത്തിൽ ലോൺ ലഭിക്കുമെന്നതാണ് ഇവയുടെ പ്രത്യേകത. വേഗത്തിലുള്ള ലോൺ വിതരണവും ലളിതമായ അപേക്ഷാ പ്രക്രിയയും ലോണുകളുടെ സവിശേഷതയാണ്. ക്രെഡിറ്റ് സ്‌കോറും വരുമാനവും ലോൺ യോഗ്യതയ്ക്കുള്ള പ്രധാന ഘടകങ്ങളാണ്.

സ്ഥിര നിക്ഷേപങ്ങൾക്ക് ഉയർന്ന പലിശ നിരക്ക്; ഈ ബാങ്കുകളുടെ സ്‌പെഷ്യൽ എഫ്ഡി സ്കീമുകൾ അറിയാം

ഉയർന്ന ശമ്പളം ഇല്ലാത്തവർക്ക് പേഴ്സണൽ ലോൺ കിട്ടുക ബുദ്ധിമുട്ടാണ്. എന്നാൽ, കുറഞ്ഞ ശമ്പളമുള്ളവർക്കും പേഴ്സണൽ ലോണുകൾ വാഗ്‌ദാനം ചെയ്യുന്ന ചില ബാങ്കുകളുണ്ട്. അത്തരത്തിൽ കുറഞ്ഞ ശമ്പളമുള്ള വ്യക്തികൾക്ക് വ്യക്തിഗത വായ്പ നൽകുന്ന ചില മുൻനിര ബാങ്കുകളെ പരിചയപ്പെടാം.

1. ഐസിഐസിഐ ബാങ്ക്

പലിശ നിരക്ക്: 10.85% മുതൽ
പരമാവധി വായ്പ തുക: 50 ലക്ഷം വരെ
ലോൺ കാലാവധി: 6 വർഷം വരെ

2. എച്ച്ഡിഎഫ്സി ബാങ്ക്

പലിശ നിരക്ക്: 10.85% മുതൽ
പരമാവധി വായ്പ തുക: 40 ലക്ഷം വരെ
ലോൺ കാലാവധി: 6 വർഷം വരെ

3. കൊട്ടക് മഹീന്ദ്ര ബാങ്ക്

പലിശ നിരക്ക്: 10.99% മുതൽ
പരമാവധി വായ്പ തുക: 40 ലക്ഷം വരെ
ലോൺ കാലാവധി: 6 വർഷം വരെ

4. ഇൻഡസ്ഇൻഡ് ബാങ്ക്

പലിശ നിരക്ക്: 10.49% മുതൽ
പരമാവധി വായ്പ തുക: 50 ലക്ഷം വരെ
ലോൺ കാലാവധി: 6 വർഷം വരെ

5. സ്റ്റേറ്റ് ബാങ്ക് ഓഫ് ഇന്ത്യ

പലിശ നിരക്ക്: 11.45% മുതൽ
പരമാവധി വായ്പ തുക: 30 ലക്ഷം വരെ
ലോൺ കാലാവധി: 6 വർഷം വരെ

6. ആക്സിസ് ബാങ്ക്

പലിശ നിരക്ക്: 11.25% മുതൽ
പരമാവധി വായ്പ തുക: 10 ലക്ഷം വരെ
ലോൺ കാലാവധി: 5 വർഷം വരെ

ടേം ഇൻഷുറൻസ് vs ലൈഫ് ഇൻഷുറൻസ്; ഏതാണ് കൂടുതൽ നേട്ടവും പരിരക്ഷയും നൽകുന്നത്?

വ്യക്തിഗത വായ്പയ്ക്കുള്ള യോഗ്യത

സാധാരണയായി വായ്പ കടം കൊടുക്കുന്നവർ നിങ്ങളുടെ ജോലിയും ശമ്പളവും വിലയിരുത്താറുണ്ട്. ഒരേ സ്ഥാപനത്തിൽ കുറഞ്ഞത് ആറ് മാസം മുതൽ ഒരു വർഷം വരെ ശമ്പളത്തോടെ ജോലി ചെയ്യണം. 650 ൽ കൂടുതൽ ക്രെഡിറ്റ് സ്‌കോർ ആവശ്യമാണ്. കുറഞ്ഞ സ്കോർ ഉണ്ടെങ്കിലും വായ്പ ലഭിച്ചേക്കാം. പക്ഷേ, പലിശ നിരക്ക് ഭീമമായിരിക്കും. കുറഞ്ഞത് 21 നും 60 നും ഇടയിൽ പ്രായം ആവശ്യമാണ്.

പേഴ്സണൽ ലോൺ എളുപ്പത്തിൽ കിട്ടാനുള്ള ചില ടിപ്‌സുകൾ

നല്ല ക്രെഡിറ്റ് സ്കോർ നിലനിർത്തുക: നല്ല ക്രെഡിറ്റ് സ്കോർ എളുപ്പത്തിൽ ലോൺ അപേക്ഷയ്ക്ക് അംഗീകാരം ലഭിക്കാനും കുറഞ്ഞ പലിശ നിരക്ക് നേടാനും സഹായിക്കും.

ഒരു സഹ-അപേക്ഷകനോടൊപ്പം അപേക്ഷിക്കുക: ഒരു സഹ-അപേക്ഷകനൊപ്പം ലോണിന് അപേക്ഷിക്കുന്നത് ലഭിക്കാനുള്ള സാധ്യത വർധിപ്പിക്കും, പ്രത്യേകിച്ചും സഹ-അപേക്ഷകന് ഉയർന്ന ശമ്പളമുണ്ടെങ്കിൽ.

ദൈർഘ്യമേറിയ കാലയളവ് തിരഞ്ഞെടുക്കുക: ദൈർഘ്യമേറിയ കാലയളവ് തിരഞ്ഞെടുക്കുന്നതിലൂടെ, ഉയർന്ന ഇഎംഐ ചെലവുകൾ ഒഴിവാക്കാനും ലോൺ കിട്ടാനുള്ള സാധ്യതകൾ കൂട്ടാനും കഴിയും.

അധിക വരുമാന തെളിവ് നൽകുക: വാടക, മ്യൂച്വൽ ഫണ്ടുകൾ അല്ലെങ്കിൽ സ്റ്റോക്കുകൾ പോലുള്ള മറ്റേതെങ്കിലും വരുമാനം നിങ്ങൾക്കുണ്ടെങ്കിൽ, അവ വെളിപ്പെടുത്തുന്നതിലൂടെ നിങ്ങളുടെ പ്രൊഫൈൽ ശക്തമാക്കാനും വായ്പ കിട്ടാനുള്ള സാധ്യത കൂട്ടാനും കഴിയും.