ഭാര്യയുടെ പേരിൽ പോസ്റ്റ് ഓഫീസിന്റെ ഈ സ്കീമിൽ ചേരൂ; പലിശയായി മാത്രം 5 ലക്ഷം നേടാം

സുരക്ഷിതവും സ്ഥിരമായ വരുമാനം നൽകുന്നതുമായ ഒരു സ്കീമിൽ നിങ്ങളുടെ പണം നിക്ഷേപിക്കാൻ ആഗ്രഹിക്കുന്നുവെങ്കിൽ, പോസ്റ്റ് ഓഫീസ് പ്രതിമാസ സേവിംഗ്സ് സ്കീം ഉപയോഗപ്രദമാകും. ഈ സ്കീമിന്റെ ഏറ്റവും സവിശേഷത എത്ര തുക നിക്ഷേപിച്ചാലും പൂർണമായും സുരക്ഷിതമായിരിക്കും എന്നതാണ്. ഇതോടൊപ്പം, എല്ലാ മാസവും നിക്ഷേപത്തിന് പലിശയും ലഭിക്കും.

പേഴ്സണൽ ലോൺ കരാർ ഒപ്പിടുന്നതിന് മുമ്പ് അറിഞ്ഞിരിക്കേണ്ട 7 കാര്യങ്ങൾ

പോസ്റ്റ് ഓഫീസ് പ്രതിമാസ സേവിംഗ് സ്കീം ഒരു നിക്ഷേപ പദ്ധതിയാണ്. ഇതിൽ എല്ലാ മാസവും ലംപ് സം ഡെപ്പോസിറ്റിലാണ് വരുമാനം ലഭിക്കുന്നത്. അക്കൗണ്ടിന്റെ പലിശ പോസ്റ്റ് ഓഫീസ് സേവിംഗ്സ് അക്കൗണ്ടിൽ എല്ലാ മാസവും ക്രെഡിറ്റ് ചെയ്യുന്നു. 5 വർഷത്തിന് ശേഷം നിക്ഷേപിച്ച തുക പിൻവലിക്കാം. സ്കീമിന്റെ കൂടുതൽ പ്രയോജനം ലഭിക്കണമെങ്കിൽ, കാലാവധി പൂർത്തിയാകുമ്പോൾ ഒരു പുതിയ അക്കൗണ്ട് തുറക്കാവുന്നതാണ്.

ഈ സ്കീമിൽ നിങ്ങൾക്ക് ഒറ്റ, ജോയിന്റെ അക്കൗണ്ട് തുറക്കാം. രണ്ടോ മൂന്നോ പേർക്ക് ഒരുമിച്ച് ജോയിന്റെ അക്കൗണ്ട് തുറക്കാം. ഒറ്റ അക്കൗണ്ടിൽ 9 ലക്ഷം രൂപ വരെയും ജോയിന്റ് അക്കൗണ്ടിൽ 15 ലക്ഷം രൂപ വരെയും നിക്ഷേപിക്കാം.

ഭാര്യ, സഹോദരൻ അല്ലെങ്കിൽ ഏതെങ്കിലും കുടുംബാംഗങ്ങൾക്കൊപ്പമാണ് അക്കൗണ്ട് തുറക്കുന്നതെങ്കിൽ നിക്ഷേപ പരിധിയും വർധിക്കും. ഇതിലൂടെ കൂടുതൽ ആനുകൂല്യങ്ങൾ ലഭിക്കുന്നു. കൂടുതൽ നിക്ഷേപമുണ്ടെങ്കിൽ, വരുമാനവും കൂടുതലായിരിക്കും. ഈ പദ്ധതിയിലൂടെ നിങ്ങൾക്ക് 5,55,000 രൂപ വീട്ടിൽ ഇരുന്ന് സമ്പാദിക്കാം. ഈ അക്കൗണ്ട് തുറക്കുകയാണെങ്കിൽ, പലിശയിൽ നിന്ന് മാത്രം നിങ്ങൾക്ക് 5 ലക്ഷത്തിലധികം ലഭിക്കും.

ആർക്കൊക്കെ അക്കൗണ്ട് തുറക്കാം

രാജ്യത്തെ ഏതൊരു പൗരനും പോസ്റ്റ് ഓഫീസ് പ്രതിമാസ വരുമാന പദ്ധതിയിൽ അക്കൗണ്ട് തുറക്കാം. കുട്ടിയുടെ പേരിലും അക്കൗണ്ട് തുടങ്ങാം. കുട്ടിക്ക് 10 വയസിന് താഴെയാണെങ്കിൽ, മാതാപിതാക്കൾക്കോ ​​നിയമപരമായ രക്ഷിതാക്കൾക്കോ ​​കുട്ടിയുടെ പേരിൽ അക്കൗണ്ട് തുറക്കാം. കുട്ടിക്ക് 10 വയസാകുമ്പോൾ, അക്കൗണ്ട് സ്വയം പ്രവർത്തിപ്പിക്കാനുള്ള അവകാശവും ലഭിക്കും.

5,55,000 രൂപ എങ്ങനെ നേടാം

നിലവിൽ, പോസ്റ്റ് ഓഫീസ് പ്രതിമാസ സേവിംഗ്സ് സ്കീം 7.4 ശതമാനം നിരക്കിൽ പലിശ നൽകുന്നു. ഭാര്യയ്‌ക്കൊപ്പം 15 ലക്ഷം രൂപ ഈ സ്കീമിൽ നിക്ഷേപിച്ചാൽ, 7.4 ശതമാനം പലിശ നിരക്കിൽ എല്ലാ മാസവും 9,250 രൂപ ലഭിക്കും. ഇത്തരത്തിൽ ഒരു വർഷത്തിൽ 1,11,000 രൂപ വരുമാനം ഉണ്ടാകും. ഈ രീതിയിൽ 5 വർഷത്തിനുള്ളിൽ 5,55,000 രൂപ പലിശയിൽ നിന്ന് മാത്രം സമ്പാദിക്കാം.

പ്രതിമാസം 12000 രൂപ പെൻഷനായി കയ്യിൽ വാങ്ങാം; എൽഐസിയുടെ മികച്ച സ്കീം

ഈ അക്കൗണ്ട് ഒരൊറ്റ അക്കൗണ്ടായി തുറന്നാൽ പരമാവധി 9 ലക്ഷം രൂപ നിക്ഷേപിക്കാം. പ്രതിമാസം 5,550 രൂപ പലിശ ലഭിക്കും. ഇങ്ങനെ ഒരു വർഷം കൊണ്ട് 66,600 രൂപ പലിശയായി മാത്രം നേടാം. പലിശയായി മാത്രം 5 വർഷം കൊണ്ട് 3,33,000 രൂപ സമ്പാദിക്കാം.