ആധാർ കാർഡുണ്ടെങ്കിൽ മിനിറ്റുകൾക്കുള്ളിൽ 2 ലക്ഷം വായ്പ ഉറപ്പാക്കാം: ആർക്കെല്ലാം വായ്പയ്ക്ക് അപേക്ഷിക്കാം?

നിങ്ങളുടെ ആധാർ കാർഡ് ഉപയോഗിച്ച് 2 ലക്ഷം രൂപയുടെ വായ്പ ലഭിക്കുമെന്ന് അറിയുമോ? ഇത്തരത്തിൽ അധിക രേഖകളൊന്നും ഇല്ലാത്തവർക്ക് അപ്രതീക്ഷിത സാഹചര്യങ്ങളിൽ പണം ലഭിക്കുമെന്ന് ആർക്കെല്ലാം അറിയാം? അമിത രേഖകൾ ഇല്ലാതെ ആധാർ കാർഡ് പ്രധാന രേഖയായി നൽകി വായ്പ ലഭിക്കും.

ഇന്ത്യയിലെ സുപ്രധാന തിരിച്ചറിയൽ രേഖയാണ് ആധാർ കാർഡ്. ബാങ്ക്, പാൻ കാർഡ് എന്നിവയെല്ലാം ഇപ്പോൾ ആധാറുമായി ലിങ്ക്ഡ് ആണ്. അതിനാൽ ഒരു വ്യക്തിയുടെ വിവരങ്ങളെല്ലാം സുരക്ഷിതമായി ആധാറിൽ ഉണ്ട് എന്നതിനാൽ വായ്പ ലഭിക്കാൻ ബുദ്ധിമുട്ട് വരില്ല. ആധാർ ഉപയോ​ഗിച്ചുള്ള വായ്പകളെ കുറിച്ച് കൂടുതൽ അറിയാം....

ആധാർ ഉപയോഗിച്ചുള്ള വായ്പയുടെ ഗുണങ്ങൾ

കുറഞ്ഞ രേഖ: ആധാർ കാർഡ് അടിസ്ഥാനമാക്കിയുള്ള വായ്പയ്ക്ക് വരുമാന തെളിവ്, മേൽവിലാസ തെളിവ്, തിരിച്ചറിയൽ രേഖ തുടങ്ങി വിവിധ രേഖകളുടെ ആവശ്യമില്ല. ആധാർ കാർഡ് മാത്രമാണ് ഏക രേഖയായി ഉപയോഗിക്കുന്നത്.

ഡിജിറ്റൽ പ്രക്രിയ: ഇത് പൂർണ്ണമായും ഓൺലൈൻ മാർ​ഗത്തിലൂടെയാണ് നടപ്പിലാക്കുന്നത്.

ആർക്കും അപേക്ഷിക്കാം: പരിമിതമായ സാമ്പത്തിക രേഖകൾ ഉള്ളവർക്കും, സ്ഥിരമല്ലാത്ത വരുമാനമുള്ളവർക്കും ഈ വായ്പ ലഭിക്കും.

വേഗത്തിലുള്ള അംഗീകാരം: ഡിജിറ്റൽ പ്രോസസ്സിംഗ് മൂലം വായ്പ പെട്ടെന്ന് തന്നെ അംഗീകരിക്കുകയും ആവശ്യക്കാർക്ക് നൽകുകയും ചെയ്യുന്നു. അതിനാൽ അപ്രതീക്ഷിത ആവശ്യങ്ങൾ കൃത്യ സമയത്ത് തന്നെ പൂർത്തീകരിക്കാൻ സാധിക്കുന്നു.

ഗ്യാരണ്ടി നൽകേണ്ടതില്ല: ഈ വായ്പ സുരക്ഷിതമല്ലാത്തത് ആണ്, അതിനാൽ നിങ്ങൾ യാതൊരു ഈടും നൽകേണ്ട ആവശ്യമില്ല.

ആധാർ വായ്പയിലൂടെ ആർക്കെല്ലാം 2 ലക്ഷം സ്വന്തമാക്കാം?

പ്രായം: അപേക്ഷകന്റെ പ്രായം 21 നും 60 നും ഇടയിലായിരിക്കണം.

വരുമാനം: വായ്പാ അപേക്ഷകൻ്റെ ഏറ്റവും കുറഞ്ഞ പ്രതിമാസ വരുമാനം 15,000 രൂപയ്ക്കും 25,000 രൂപയ്ക്കും ഇടയിലായിരിക്കണം. ശമ്പളക്കാർക്കും സ്വയം തൊഴിൽ ചെയ്യുന്നവർക്കും ഈ വായ്പ ലഭ്യമാണ്.

ക്രെഡിറ്റ് സ്കോർ: 700 അല്ലെങ്കിൽ അതിൽ കൂടുതൽ ഉയർന്ന ക്രെഡിറ്റ് സ്കോറുണ്ടെങ്കിൽ പെട്ടെന്നുള്ള വായ്പ അംഗീകാരത്തിനും കുറഞ്ഞ പലിശ നിരക്കുള്ള വായ്പ ലഭിക്കുന്നതിനും സഹായിക്കുന്നു.

ആക്ടീവ് ആധാർ കാർഡ്: നിങ്ങളുടെ ആധാർ കാർഡ് ആക്ടിവായിരിക്കണം. മാത്രമല്ല നിങ്ങളുടെ മൊബൈൽ നമ്പറുമായി ആധാർ ലിങ്ക് ചെയ്തിട്ടുണ്ടെന്ന് ഉറപ്പ് വരുത്തണം.

ആധാർ വായ്പക്കുള്ള ആവശ്യമുള്ള മറ്റ് രേഖകൾ

• പാൻ കാർഡ്
• കഴിഞ്ഞ 3 മുതൽ 6 മാസത്തെ ബാങ്ക് അക്കൗണ്ട് സ്റ്റേറ്റ്‌മെന്റുകൾ
• ശമ്പളക്കാരാണെങ്കിൽ വരുമാന തെളിവ് വേണം
• സ്വയംതൊഴിൽ ചെയ്യുന്നവർക്കുള്ള ആദായ നികുതി റിട്ടേൺ (ഐടിആർ) രേഖ വേണം

ആധാർ കാർഡ് ഉപയോഗിച്ച് 2 ലക്ഷം രൂപയുടെ വായ്പയ്ക്ക് എങ്ങനെ അപേക്ഷിക്കാം?

• ആദ്യം, വായ്പ എടുക്കാൻ നിങ്ങൾ ആഗ്രഹിക്കുന്ന ബാങ്കിന്റെ ഔദ്യോഗിക വെബ്സൈറ്റ് അല്ലെങ്കിൽ മൊബൈൽ ആപ്പ് സന്ദർശിക്കുക.
• ഹോംപേജിൽ "അപ്ലൈ ഫോർ ലോൺ" എന്ന ഓപ്ഷൻ ക്ലിക്ക് ചെയ്യുക.
• നിങ്ങളുടെ പേര്, ആധാർ കാർഡ്, പാൻ കാർഡ്, വരുമാന തെളിവ് എന്നിവ ഉൾപ്പെടെ ആവശ്യമായ എല്ലാ വിവരങ്ങളും അപ്ലോഡ് ചെയ്യുക.
• ഫോം പൂരിപ്പിച്ചുകഴിഞ്ഞാൽ, "സബ്മിറ്റ്" അല്ലെങ്കിൽ "പ്രൊസീഡ്" ബട്ടണിൽ ക്ലിക്ക് ചെയ്യുക.
• രേഖകൾ സമർപ്പിച്ചതിന് ശേഷം, വായ്പ അംഗീകരിച്ച് 24-48 മണിക്കൂറിനുള്ളിൽ തുക നിങ്ങളുടെ അക്കൗണ്ടിലേക്ക് ക്രെഡിറ്റ് ചെയ്യപ്പെടും.

എൽഐസി സ്മാർട്ട് പെൻഷൻ പ്ലാൻ: റിട്ടയർമെൻ്റ് ജീവിതം സുരക്ഷിതമാക്കാം, ഈ 5 കാര്യങ്ങൾ ശ്രദ്ധിക്കണേ....

വായ്പയ്ക്ക് അപേക്ഷിക്കുന്നതിനു മുന്നേ ശ്രദ്ധിക്കേണ്ട കാര്യങ്ങൾ

• സാധാരണ വായ്പകളേക്കാൾ വ്യക്തിഗത വായ്പകളുടെ പലിശ നിരക്ക് കൂടുതലായിരിക്കാം. അതിനാൽ മറ്റു വായ്പാ ദാതാക്കളുടെ പലിശ നിരക്കുകൾ താരതമ്യം ചെയ്യുക.

• വായ്പയ്ക്ക് അപേക്ഷിക്കുന്നതിനു മുന്നേ പ്രോസസ്സിംഗ് ഫീസും മറ്റ് അധിക ചാർജുകളും ശ്രദ്ധിക്കണം...

• എപ്പോഴും നിങ്ങളുടെ ഇഎംഐയെ കുറിച്ച് അറിഞ്ഞിരിക്കണം. അതിന് ഇഎംഐ കാൽക്കുലേറ്റർ ഉപയോഗിച്ച് നിങ്ങളുടെ പ്രതിമാസ തവണ കണക്കാക്കി ഈ നിരക്കുകൾ നിങ്ങൾ അനുയോജ്യമാണോ എന്ന് തിരിച്ചറിയണം.

• കൃത്യസമയത്ത് വായ്പ തിരിച്ചടച്ചാൽ നിങ്ങളുടെ ക്രെഡിറ്റ് സ്കോർ ഉയരും. അതിനാൽ ഉയർന്ന സ്കോർ നിലനിർത്തുക.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.