ഇത്രയും ദിവസം കാത്തിരുന്നത് ഈയൊരു ഇടിവിന്? സ്വര്‍ണ വിലയില്‍ ആറാം ദിവസം ഇടിവ്; ഇന്നത്തെ നിരക്കിങ്ങനെ

അഞ്ച് ദിവസം ഒരേ നിലവാരത്തില്‍ തുടര്‍ന്ന ശേഷം സ്വര്‍ണ വിലയില്‍ ഇടിവ്. പവന് 80 രൂപ കുറഞ്ഞ് 46,160 രൂപയിലേക്കാണ് സ്വര്‍ണ വിലയെത്തിയത്. ഗ്രാമിന് വ്യാഴാഴ്ച കുറഞ്ഞത് 10 രൂപയാണ്. ഗ്രാമിന് 5,770 രൂപയിലേക്ക് സ്വര്‍ണ വില എത്തി. കഴിഞ്ഞ ശനിയാഴ്ച വില വര്‍ധിച്ചതിന് ശേഷം സ്വര്‍ണ വിലയില്‍ ഇന്നാണ് മാറ്റമുണ്ടാകുന്നത്.

ശനിയാഴ്ച് പവന് 80 രൂപ വര്‍ധിച്ച് സ്വര്‍ണ വില 46,240 രൂപയിലേക്ക് സ്വര്‍ണ വില എത്തിയത്. ഗ്രാമിന് 10 രൂപ വര്‍ധിച്ച് 5,780 രൂപയായിരുന്നു സ്വര്‍ണ വില. തുടര്‍ന്ന് ബുധനാഴ്ച വരെ സ്വര്‍ണ വില മാറ്റമില്ലാതെ തുടരുകയായിരുന്നു. ഈ നിലവാരത്തില്‍ നിന്നാണ് വ്യാഴാഴ്ച സ്വര്‍ണ വില ഉയര്‍ന്നത്.

സ്വർണ വില ആ​ഗോള വിപണിയിൽ

ആ​ഗോള വിപണിയിൽ സ്വർണ വില ഇടിയുകയാണ്. സ്പോട്ട് ​ഗോൾഡ് ഔൺസിന് 2,015 ഡോളർ എന്ന നിലവാരത്തിലാണ്. ഫെഡറൽ റിസർവിന്റെ പലിശനിരക്ക് കുറയ്ക്കൽ സാധ്യത വിലയിരുത്താൻ നിക്ഷേപകർ കൂടുതൽ സാമ്പത്തിക സൂചകങ്ങൾക്കായി കാത്തിരിക്കുന്നതിനാലാണ് സ്വർണ വില ഇടിയുന്നത്. ശക്തമായ സാമ്പത്തിക ഡാറ്റകൾ പുറത്ത് വന്നതോടെ ഡോളർ സൂചിക 0.5 ശതമാനം ഇടിഞ്ഞു. 10 വർഷത്തെ ട്രഷറി ബോണ്ട് യീൽ‍ഡും താഴ്ന്നിട്ടുണ്ട്.

സ്വർണ വില ഇതുവരെ

കഴിഞ്ഞ വാരം നേട്ടത്തോടെ വ്യാപാരം ആരംഭിച്ചെങ്കിലും സ്വർണം വിലയിൽ ഉയർച്ച താഴ്ചകൾ പ്രകടമായിരുന്നു. തിങ്കളാഴ്ച നേട്ടത്തോടെ വ്യാപാരം ആരംഭിച്ച സ്വര്‍ണം ബാക്കി മൂന്ന് ദിവസങ്ങളില്‍ ഇടിവ് രേഖപ്പെടുത്തി. അവസാന രണ്ട് ദിവസം വില വർധിച്ചു. എന്നിട്ടും ആഴ്ചയിൽ 280 രൂപ നഷ്ടത്തിലാണ് സ്വർണ വിലയുണ്ടായത്. ആദ്യ ദിവസം 120 രൂപ നേട്ടമുണ്ടാക്കി 46,520 രൂപയായിരുന്നു പവന് രേഖപ്പെടുത്തിയത്.

തൊട്ടടുത്ത ദിവസം 80 രൂപ കുറഞ്ഞ് 46,440 രൂപയിലേക്കും ബുധനാഴ്ച 280 രൂപ കുറഞ്ഞ് 46,160 രൂപയിലേക്കും എത്തി. വ്യാഴാഴ്ച വീണ്ടും ഇടിഞ്ഞ സ്വര്‍ണ വില 240 രൂപ കുറഞ്ഞ് 45,920 വരെ താഴ്ന്നിരുന്നു.

ആഴ്ചയിലെ അവസാന രണ്ട് ദിവസം സ്വര്‍ണ വില വര്‍ധിച്ചതോടെ വെള്ളിയാഴ്ച 240 രൂപ വര്‍ധിച്ച് 46,160 രൂപയിലേക്ക് തിരികെ എത്തി. ശനിയാഴ്ചയാകട്ടെ 46,240 രൂപയിലേക്ക് എത്താന്‍ 80 രൂപ സ്വര്‍ണ വിലയില്‍ വര്‍ധിച്ചു. 280 രൂപ സ്വർണ വിലയിൽ ആകെ ഇടിവുണ്ടായി.