തങ്കപ്പനല്ലെടാ, പൊന്നപ്പൻ..! വില വർധനവിന് ഇടവേള നൽകി സ്വർണം, ഒരു പവൻ വാങ്ങാൻ ഇന്ന് നൽകേണ്ട വില അറിയാം

ആഭരണ പ്രേമികളെ വീണ്ടും കൊതിപ്പിക്കുകയാണ് സ്വർണം. കഴിഞ്ഞ മൂന്ന് ദിവസം തുടർച്ചയായി വർധിച്ച സ്വർണ വില വീണ്ടും കുറഞ്ഞു. വില വീണ്ടും ഉയരാനുള്ള സാധ്യതയുണ്ടെന്ന് കരുതിയപ്പോഴാണ് സ്വർണവില കുറഞ്ഞത്. എന്തായാലും വിവാഹ ആവശ്യങ്ങള്‍ക്കും മറ്റ് ആഘോഷങ്ങൾക്കുമായി സ്വര്‍ണം വാങ്ങാന്‍ ഉദ്ദേശിക്കുന്നവർക്ക് ആശ്വാസം പകരുന്നതാണ് വില കുറയൽ. അഡ്വാൻസ് ബുക്കിംങ്ങ് ചെയ്യുന്നതും നല്ലതാണ്. അതേ സമയം സ്വർണ വിലയുടെ ഈ ഇടിവ് വരും ദിവസങ്ങളിലും തുടരുമെന്ന കാര്യത്തിൽ ഒരു ഉറപ്പുമില്ല.

ഇന്നത്തെ വില

കഴിഞ്ഞ 5 ദിവസത്തിനിടെ 440 രൂപയിലധികമാണ് ഒരു പവൻ സ്വർണത്തിന് കൂടിയത്. 200 രൂപ ഇന്നലെ മാത്രം സ്വർണത്തിന് വർധിച്ചു. അതോടെ 45960 രൂപയാണ് തിങ്കളാഴ്ച സ്വർണ വ്യാപാരം നടന്നത്. 5745 രൂപയാണ് ഒരു ഗ്രാമിന്റെ വില. എന്നാൽ ചൊവ്വാഴ്ച സ്വർണം പവന് 80 രൂപ കുറഞ്ഞു.

45,880 രൂപ നിരക്കിലാണ് ചൊവ്വാഴ്ച സ്വർണ വ്യാപാരം പുരോഗമിക്കുന്നത്. ഗ്രാമിന് 10 രൂപ കുറഞ്ഞ് 5735 രൂപയിലെത്തി.

ആഗോള സ്വർണ വില

കഴിഞ്ഞ വാരത്തിൽ നിർണായക നിലയായ 2000 ഡോളറിന് താഴേക്ക് സ്വർണ്ണവില ഇറങ്ങിയിരുന്നു. കൂടുതൽ ഇടിവുണ്ടാകുമെന്ന് കരുതിയെങ്കിലും വൈകാതെ തന്നെ 2000 ഡോളർ മറികടന്ന് തിരിച്ചു കയറ്റം നടത്താൻ സ്വർണ്ണത്തിന് സാധിച്ചു. അന്താരാഷ്ട്ര സ്വർണം ട്രോയ് ഔൺസിന് 2,019 ഡോളറിലാണ് ഇന്നലെ വ്യാപാരം നടന്നത്. എന്നാൽ ഇന്ന് 7 ഡോളർ കുറഞ്ഞ് 2012.99 ഡോളർ എന്നതാണ് നിലവാരം.

ഫെബ്രുവരിയിലെ വില

46520 രൂപയായിരുന്നു ഫെബ്രുവരി 1ലെ സ്വർണ വില. ഫെബ്രുവരി 2 ആം തിയ്യതി രേഖപ്പെടുത്തിയ 46640 രൂപയാണ് ഈ മാസം രേഖപ്പെടുത്തിയ ഏറ്റവും ഉയർന്ന സ്വർണ വില. എന്നാൽ പിന്നിടുള്ള ദിവസങ്ങളിൽ വില കുറഞ്ഞു. 46480 രൂപയായിരുന്നു മൂന്നാം തീയ്യതിയിലെ വില. ആറാം തീയ്യതി 46200 രൂപയിലേക്ക് സ്വർണ വില കുറഞ്ഞു. 10 ആം തീയ്യതി 46,160 രൂപയായിരുന്നു വില. 12 ആം തീയ്യതി വരെ ഇതേ വിലയിലാണ് സ്വർണ വ്യാപാരം നടന്നത്.

13 ആം തീയ്യതി 46080 രൂപയിലാണ് സ്വർണ വ്യാപാരം നടന്നത്. 15 ആം തിയ്യതിയാണ് ഫെബ്രുവരി മാസത്തെ ഏറ്റവും കുറഞ്ഞ വില സ്വർണത്തിന് രേഖപ്പെടുത്തിയത്, 45520 രൂപ. അതായത് പവന് 1120 രൂപയോളം കുറഞ്ഞതിന് ശേഷമാണ് വില വീണ്ടും ഉയരാൻ തുടങ്ങിയത്. 16 ആം തീയ്യതി 45680 രൂപയിലേക്കും 17 ആം തീയ്യതി 45760 രൂപയിലേക്കും സ്വർണ വില ഉയർന്നു.

ഉയർന്ന വില ജനുവരിയിൽ

ജനുവരി 2 ആം തീയ്യതിയാണ് സ്വർണത്തിന് 2024ലെ ഏറ്റവും ഉയർന്ന വില രേഖപ്പെടുത്തിയത്. 47000 രൂപയായിരുന്നു ജനുവരി 2ന് ഒരു പവൻ സ്വർണത്തിന്റെ വില. ആ വിലയുമായി താരതമ്യം ചെയ്യുമ്പോൾ 11 20 രൂപ വരെ ഇതുവരെ കുറഞ്ഞു എന്നത് ആശ്വാസം പകരുന്ന കാര്യമാണ്.

റിസ്ക്കെടുക്കാൻ റെഡിയാണോ, നിക്ഷേപത്തിലൂടെ വരുമാനം ഇരട്ടിയാക്കാം,എഫ്ഡിയെക്കാൾ ലാഭം മ്യൂച്വൽ ഫണ്ട്,നോക്കുന്നോ

ഗോൾഡ് അഡ്വാൻസ് ബുക്കിം​ഗ്

സ്വർണ വില കുറയുന്നത് വാങ്ങാനുള്ള അവസരമായി ഉപയോ​ഗപ്പെടുത്തുന്നവർക്ക് ​ഗോൾഡ് അഡ്വാൻസ് ബുക്കിം​ഗ് ഉപയോ​ഗപ്പെടുത്താം. മുഴുവൻ തുക ചെലവാക്കാതെ കുറഞ്ഞ വിലയിൽ സ്വർണം ബുക്കക് ചെയ്തിടാനുള്ള മാർ​ഗമാണിത്. വിവാഹത്തിന് ഒരുങ്ങുന്നവർക്ക് അഡ്വാൻസ് ബുക്കിം​ഗ് ഏറെ പ്രയോജനം ചെയ്യും. ഇന്നത്തെ കുറഞ്ഞ വിലയിൽ സ്വർണം ബുക്ക് ചെയ്യാനും ആവശ്യ വില ഉയർന്നാൽ കുറഞ്ഞ വിലയിൽ വാങ്ങാനും ഉപകരിക്കും. അഡ്വാൻസ് ബുക്കിം​ഗിന് സ്വർണ വിലയുടെ നിശ്ചിത ശതമാനം ജുവലറികൾ അഡ്വാൻസ് ബുക്കിം​ഗ് ചാർജായി ഈടാക്കും.