എസ്ഐപി: 5000, 10000, 15000 രൂപ നിക്ഷേപിച്ച് 10 കോടി സമ്പാദിക്കാൻ എത്ര വർഷമെടുക്കും?

മ്യൂച്വൽ ഫണ്ട് സ്കീമിൽ നിക്ഷേപിക്കാൻ രണ്ട് വഴികളുണ്ട് - ലംപ് സം അല്ലെങ്കിൽ എസ്ഐപി. വിപണി സ്ഥിരതയോടെ നിൽക്കുകയാണെങ്കിൽ ലംപ്‌സം ആണ് കൂടുതൽ ഗുണം ചെയ്യുക. വലിയ അപകടസാധ്യതകൾ ഉണ്ടെങ്കിലും പരീക്ഷിക്കാൻ തയ്യാറുള്ളവരാണെങ്കിൽ അവർക്ക് ലംപ്‌സം ആണ് നല്ലത്. എന്നാൽ അപകട സാധ്യത കുറവ് എസ്ഐപിക്കാണ്. നിശ്ചിത തുക സ്ഥിരമായി നിക്ഷേപിക്കാൻ സാധിക്കും. സ്ഥിരനിക്ഷേപം നടത്തുന്നതിനാൽ വിപണിയിൽ ചാഞ്ചാട്ടം സംഭവിച്ചാലും അപകട സാധ്യതയില്ല.

പ്രതിമാസം 50,000 രൂപയ്ക്ക് മുകളിൽ പെൻഷൻ വേണമെങ്കിൽ നിങ്ങൾ എത്ര രൂപ നിക്ഷേപിക്കണം?

ഇന്ത്യയിൽ മ്യൂച്വൽ ഫണ്ട് നിക്ഷേപകർക്കിടയിൽ എസ്ഐപി ജനപ്രീതി നേടിയിട്ടുണ്ട്. വിപണിയിലെ ചാഞ്ചാട്ടം, വിപണിയുടെ സമയക്രമം എന്നിവയെക്കുറിച്ചുള്ള ആശങ്കകൾ ഒഴിവാക്കാൻ നിക്ഷേപകരെ സഹായിക്കുന്നു. പ്രതിമാസം 5000, 10,000, 15,000 രൂപ നിക്ഷേപിച്ച് 12% പലിശ നിരക്കിനൊപ്പം നിക്ഷേപ തുകയോടൊപ്പം 10 ശതമാനം വർധന വരുത്തിയാൽ ഒരു നിക്ഷേപകന് 10 കോടി രൂപയുടെ കോർപ്പസ് ശേഖരിക്കാൻ എത്ര വർഷമെടുക്കുമെന്ന് നോക്കാം.

എസ്ഐപി നിക്ഷേപം 5000 രൂപ, പ്രതിവർഷം 10% വാർഷിക വർധന

പ്രതിമാസം 5000 രൂപ 36 വർഷത്തേക്ക് നിക്ഷേപിക്കുക. പ്രതിവർഷ പലിഷശ നിരക്ക് 12 ശതമാനമാണെന്ന് കണക്കാക്കുക. നിക്ഷേപതുകയോടൊപ്പം വര്‍ഷംതോറും 10 ശതമാനം വര്‍ധന വരുത്തിയാൽ 36 വർഷമെത്തുമ്പോൾ നിങ്ങളുടെ നിക്ഷേപം 10.2 കോടി രൂപയായി വളരും.

മൊത്തം നിക്ഷേപം - 1.8 കോടി

വാർഷിക റിട്ടേൺ - 8.4 കോടി

36 വർഷം പൂർത്തിയാകുമ്പോൾ ലഭിക്കുന്ന തുക - 10.2 കോടി

എസ്ഐപി നിക്ഷേപം 10,000 രൂപ, പ്രതിവർഷം 10% വാർഷിക വർധന

പ്രതിമാസം 10,000 രൂപ നിക്ഷേപിക്കുക. നിക്ഷേപതുകയോടൊപ്പം വര്‍ഷംതോറും 10 ശതമാനം വര്‍ധനവരുത്തുകയും വാർഷിക റിട്ടേൺ 12% കണക്കാക്കിയാൽ 31 വര്‍ഷമെത്തുമ്പോള്‍ മൊത്തം നിക്ഷേപം 10.17 കോടിയായി വളരും.

മൊത്തം നിക്ഷേപം - 2.18 കോടി

വാർഷിക റിട്ടേൺ - 8 കോടി

31 വർഷം പൂർത്തിയാകുമ്പോൾ ലഭിക്കുന്ന തുക - 10.18 കോടി

മ്യൂച്വൽ ഫണ്ടിൽ കോടികൾ സമ്പാദിച്ച് പ്രിയങ്കാ ​ഗാന്ധി; മാറ്റത്തിനൊപ്പം നേട്ടവുമായി കോൺ​ഗ്രസ് നേതാവ്

എസ്ഐപി നിക്ഷേപം 15,000 രൂപ, പ്രതിവർഷം 10% വാർഷിക വർധന

പ്രതിമാസം എസ്ഐപിയിൽ 15,000 നിക്ഷേപിച്ച്, പ്രതിവർഷം 10% വർധന വരുത്തിയാൽ 28 വർഷം പൂർത്തിയാകുമ്പോൾ നിങ്ങൾക്ക് 9.95 കോടി രൂപ ലഭിക്കും.

മൊത്തം നിക്ഷേപം - 2.42 കോടി

വാർഷിക റിട്ടേൺ - 7.53 കോടി

31 വർഷം പൂർത്തിയാകുമ്പോൾ ലഭിക്കുന്ന തുക - 9.95 കോടി

മ്യൂച്വൽ ഫണ്ടുകളിൽ നിന്ന് വലിയൊരു സമ്പാദ്യം എന്ന ലക്ഷ്യം കൈവരിക്കാൻ എസ്ഐപിയിലെ നിക്ഷേപങ്ങൾ ഒരാളെ സഹായിക്കുമെന്ന് ഇവിടെ വ്യക്തമാണ്. ഓരോ സാമ്പത്തിക ലക്ഷ്യങ്ങള്‍ക്കും അനുസരിച്ച് വ്യത്യസ്ത എസ്ഐപികള്‍ തിരഞ്ഞെടുക്കാം. നിങ്ങളുടെ കോർപ്പസ് എത്രയായിരിക്കണമെന്ന് തീരുമാനിച്ചശേഷം മാസംതോറും നിക്ഷേപം തുടങ്ങാവുന്നതാണ്.