Click it and Unblock the Notifications
സാമ്പത്തിക വര്ഷത്തില് എല്ലാ നികുതിദായകരും ആദായ നികുതി റിട്ടേണ് സമര്പ്പിക്കേണ്ടതുണ്ട്. 2021-22 സാമ്പത്തിക വര്ഷത്തിലെ നികുതി റിട്ടേണ് സമര്പ്പിക്കാനുള്ള സമയപരിധി ജൂലായ് 31നാണ് അവസാനിച്ചത്. 2022-22 വര്ഷത്തേക്കുള്ള ആദായ നികുതി റിട്ടേണിന് മുന്പായി പരമാവധി നികുതി ഇളവുകള് നേടാന് നേരത്തെയുള്ള പ്ലാനിംഗുകള് ആവശ്യമാണ്.
ആദായ നികുതി നിയമത്തിലെ വിവിധ സെക്ഷനുകള് പ്രകാരം നികുതി ഇളവുകളും ടാക്സ് റിബേറ്റുകളും ലഭിക്കും. നിക്ഷേപം നടത്തി നികുതിയിളവുകള് നേടുന്നത് പോലെ വിവിധ വഴികളുണ്ട്. ഇവ ആദ്യം അറിഞ്ഞിരിക്കാം.
നിക്ഷേപം നടത്തി നികുതി ലാഭിക്കാം
ആദായ നികുതി നിയമം സെക്ഷന് 80സി പ്രകാരം നിരവധി നിക്ഷേപങ്ങള്ക്ക് സര്ക്കാര് ആദായ നികുതി ഇളവ് പ്രഖ്യാപിച്ചിട്ടുണ്ട്. നിക്ഷേപിക്കുന്ന തുകയ്ക്ക് 1.5 ലക്ഷം രൂപയുടെ നികുതിയിളവ് നേടാന് സാധിക്കും. പബ്ലിക്ക് പ്രൊവിഡന്റ് ഫണ്ട്, എംപ്ലോയീസ് പ്രൊവിഡന്റ് ഫണ്ട്, ഇക്വിറ്റി ലിങ്ക്ഡ് സേവിംഗ്സ് സ്കീം, നാഷണല് പെന്ഷന് സിസ്റ്റം, സുകന്യ സമൃദ്ധി യോജന, സീനിയര് സിറ്റിസണ് സേവിംഗ്സ് സ്കീം, ടാക്സ് സേവിംഗ് എഫ്ഡി എന്നിവയാണ് പ്രധാന നിക്ഷേപങ്ങള്.
നികുതി ലാഭിക്കുന്നതിനൊപ്പം ദീര്ഘകാലത്തേക്ക് വലിയ സമ്പാദ്യം തരുന്ന നിക്ഷേപങ്ങള് കൂടിയാണിവ. കാലാവധിയിൽ നികുതി ഇളവ് ലഭിക്കുന്നതും നികുതി ബാധകമായവയും ഇക്കൂട്ടത്തിലുണ്ട്. നികുതി ബാധ്യത കണത്തിലെടുത്ത് നിക്ഷേപിക്കുക.
നികുതി വ്യവസ്ഥ തിരഞ്ഞെടുക്കുക
രണ്ട് നികുതി വ്യവസ്ഥകള് ആദായ നികുതി വകുപ്പ് അവതരിപ്പിച്ചിട്ടുണ്ട്. ആദായന നികുതി റിട്ടേണ് സമര്പ്പിക്കുന്ന സമയത്ത് ഇവയിലൊന്ന് തിരഞ്ഞെടുക്കണം. നികുതി ലാഭിക്കുന്നതിന് രണ്ടിന്റെയും ഗുണങ്ങള് പരിശോധിച്ച് വേണം തീരുമാനത്തിലെത്താന്. പുതിയ നികുതി വ്യവസ്ഥ പ്രകാരം നികുതി നിരക്ക് കുറവാണ്. എന്നാല് ഇവ നികുതിയിളവുകള് അനുവദിക്കുന്നില്ല.
സെക്ഷന് 80സി പ്രകാരം നികുതിയിളവ് ആഗ്രഹിക്കുന്നവരാണെങ്കില് പഴയ നികുതി വ്യവസ്ഥ തിരഞ്ഞെടുക്കേണ്ടതാണ്. നികുതി വ്യവസ്ഥ സംബന്ധിച്ച ആശയകുഴപ്പം നീക്കുന്നതിന് ആദായ നികുതി കാല്ക്കുലേറ്റര് ഉപയോഗപ്പെടുത്താവുന്നതാണ്.
ആരോഗ്യ ഇന്ഷൂറന്സ്
നികുതിദായകന്റെ പേരിലും കുടുംബാംഗങ്ങളുടെ പേരിലും വാങ്ങുന്ന ആരോഗ്യ ഇന്ഷൂറന്സ് വഴി ആദായ നികുതിയിളവ് നേടാം. സെക്ഷന് 80ഡി പ്രകാരം നികുതിദായകന്റെ പേരിലും ഭാര്യ, മക്കള് എന്നിവരുടെ പേരിലുമുള്ള ആരോഗ്യ ഇന്ഷൂറന്സിന് 25,000 രൂപ വരെ നികുതിയിളവുണ്ട്. 60 വയസ് കഴിഞ്ഞ മാതാപിതാക്കളുടെ പേരില് ചേര്ന്ന ആരോഗ്യ ഇന്ഷൂറന്സിന് 50,000 രൂപ വരെയും നികുതിയിളവ് ലഭിക്കും. നികുതിയിളവ് ലഭിക്കാന് ആരോഗ്യ ഇൻഷൂറൻസ് പ്രീമിയം ഓണ്ലൈനായി അടയ്ക്കണം.
ഭവന വായ്പ
ബാങ്ക്, ബാങ്കിതര ധനകാര്യ സ്ഥാപനങ്ങളില് നിന്നെടുത്ത ഭവന വായ്പ തിരിച്ചടവിനും നികുതിയിളവ നേടാം. വായ്പയുടെ മുതല് (Principle Amount) തിരിച്ചടവിനും പലിശ തിരിച്ചടവിനും നികുതിയിളവ് ലഭിക്കും. സെക്ഷന് 24 പ്രകാരം പലിശ തിരിച്ചടവിന് 2 ലക്ഷം രൂപ വരെയും മുതല് തിരിച്ചടവിന് സെക്ഷന് 80സി പ്രകാരം 1.5 ലക്ഷം രൂപയും നികുതി ഇളവ് ലഭിക്കും.
സമയത്ത് നികുതി റിട്ടേണ് സമര്പ്പിക്കുക
നികുതിയിളവുകള് നേടിയൊരാള് ഇതിന്റെ ഗുണം ലഭിക്കാന് കൃത്യസമയത്ത് ആദായ നികുതി റിട്ടേണ് സമര്പ്പിക്കണം, ഓരോ അസസ്മെന്റ് ഇയറിലും ജൂലായ് 31 ആണ് ആദായ നികുതി റിട്ടേണ് ഫയല് ചെയ്യാനുള്ള സമയ പരിധി. ഡിസംബര് 31 വരെ റിട്ടേണ് സമര്പ്പിക്കാമെങ്കിലും പിഴ ഈടാക്കും.
More From GoodReturns
എൽപിജി സിലിണ്ടർ വാട്ട്സ്ആപ്പ് വഴി ബുക്ക് ചെയ്യാം, വളരെ എളുപ്പത്തിൽ കാര്യം കഴിയും, എങ്ങനെ എന്ന് നോക്കാം
കൊച്ചി പഴയ കൊച്ചിയല്ല! റെനോ ഡെസ്റ്റര് തിരിച്ചെത്തുമ്പോള് എതിരാളികള് കൂടി, ഇനി മത്സരം കടുക്കും
പ്രതിമാസം 2000 രൂപ നിക്ഷേപിക്കാനുണ്ടോ? 40,000 രൂപ പെൻഷനുള്ള വഴി പറഞ്ഞുതരാം...
എല്പിജി ക്ഷാമം: കേരളത്തില് മാര്ച്ച് 23 ന് ഹോട്ടലുകള് അടച്ചിടും, പിഎന്ജിയിലേക്ക് മാറാന് നിര്ദ്ദേശം
കേന്ദ്രസര്ക്കാര് ഗ്യാരണ്ടിയുള്ള ചെറു സമ്പാദ്യ പദ്ധതികള്: ആകര്ഷകമായ പലിശ; നിക്ഷേപം പോസ്റ്റ് ഓഫീസ് വഴിയും
പിപിഎഫ് മുതൽ സുകന്യ സമൃദ്ധി വരെ; ചെറുകിട നിക്ഷേപ പദ്ധതികളെക്കുറിച്ച് അറിയേണ്ടതെല്ലാം
ബെംഗളൂരു: ഗ്യാസ് സിലിണ്ടര് കിട്ടാതെ ഉപഭോക്താക്കള്, ഏജന്സികള് വാണിജ്യസ്ഥാപനങ്ങള്ക്ക് മറിച്ചുവില്ക്കുന്നു?
ഐടി ജോലി വീട്ടിലിരുന്ന് ചെയ്യാം, വർക്ക് ഫ്രം ഹോം തിരികെ കൊണ്ടുവരാൻ ആലോചിച്ച് കമ്പനികൾ, കാരണം ഇതാണ്
പോസ്റ്റ് ഓഫീസിൽ 1000 രൂപ നിക്ഷേപിച്ച് അക്കൗണ്ട് തുറക്കൂ; മാസം 9,250 രൂപ കയ്യിൽ വാങ്ങാം
ഈദ്-ഉല്-ഫിതര് 2026: ഈദ് ഇന്ത്യയില് എപ്പോള്? ഈ ദിനത്തില് മാസപ്പിറവിയ്ക്ക് സാധ്യത
യാത്ര പോകുന്നവർ അറിയാൻ, ട്രെയിൻ സർവ്വീസുകളിൽ മാറ്റങ്ങളുണ്ട്, ശ്രദ്ധിച്ചില്ലെങ്കിൽ എട്ടിന്റെ പണി
Sign in with Google