8000 രൂപ നിക്ഷേപിക്കാനുണ്ടോ? പോസ്റ്റ് ഓഫീസിൽ നിന്ന് 66 ലക്ഷം റിട്ടേൺസ് നേടാം

ബാങ്കുകളെ പോലെ തന്നെ പോസ്റ്റ് ഓഫീസുകളും നിരവധി നിക്ഷേപ പദ്ധതികൾ വാഗ്‌ദാനം ചെയ്യുന്നുണ്ട്. പബ്ലിക് പ്രൊവിഡന്റ് ഫണ്ട് (പിപിഎഫ്) ഉൾപ്പെടെ നിരവധി നിക്ഷേപ പദ്ധതികൾ പോസ്റ്റ് ഓഫീസ് ഇത്തരത്തിൽ നിക്ഷേപകർക്ക് നൽകുന്നുണ്ട്. സെക്ഷൻ 80 സി പ്രകാരം പ്രതിവർഷം 1.5 ലക്ഷം രൂപ വരെയുള്ള നിക്ഷേപങ്ങൾക്ക് ഗ്യാരണ്ടീഡ് റിട്ടേണുകളും നികുതി ആനുകൂല്യങ്ങളും പോസ്റ്റ് ഓഫീസ് ഉറപ്പ് നൽകുന്നുണ്ട്. 

ക്രെഡിറ്റ് സ്കോർ ഇല്ലേ? വിദ്യാഭ്യാസ വായ്പ കിട്ടില്ലെന്ന് വിഷമിക്കേണ്ട, അറിയാം മറ്റു വഴികൾ

പോസ്റ്റ് ഓഫീസിലോ ബാങ്കിലോ ഒരു പിപിഎഫ് അക്കൗണ്ട് തുറക്കാം. രണ്ടിടത്തും ഒരേ നിയമങ്ങളും ആനുകൂല്യങ്ങളുമുണ്ട്. അതിനാൽ നിങ്ങൾക്ക് ഏറ്റവും സൗകര്യപ്രദമായ ഒന്ന് തിരഞ്ഞെടുക്കാം. പോസ്റ്റ് ഓഫീസ് പിപിഎഫിൽ പ്രതിമാസം 8,000 രൂപ നിക്ഷേപിക്കുന്നതിലൂടെ 15, 20, 25 വർഷത്തിനുള്ളിൽ നിങ്ങൾക്ക് എത്രമാത്രം സമ്പാദിക്കാൻ സാധിക്കുമെന്ന് നോക്കാം.

എന്താണ് പോസ്റ്റ് ഓഫീസ് പിപിഎഫ്?

ദീർഘകാലത്തേക്ക് പണം സമ്പാദിക്കാൻ സഹായിക്കുന്ന ഒരു സേവിംഗ്സ് സ്കീമാണ് പബ്ലിക് പ്രൊവിഡന്റ് ഫണ്ട് (പിപിഎഫ്). സർക്കാരിന്റെ പിൻബലത്തോടെ പ്രവർത്തിക്കുന്നതിനാൽ വരുമാനം ഉറപ്പു നൽകുന്നു. നികുതി കിഴിവുകളും ലഭ്യമാണ്. ഒരാളുടെ സാമ്പത്തിക ഭാവി സുരക്ഷിതമാക്കാനുള്ള മികച്ചൊരു ഓപ്ഷനാണ് പിപിഎഫ്.

ആർക്കൊക്കെ പിപിഎഫ് അക്കൗണ്ട് തുറക്കാം?

ജോലിക്കാർ, സ്വയം തൊഴിൽ ചെയ്യുന്നവർ, പെൻഷൻകാർ എന്നിവരുൾപ്പെടെ ഏതൊരു വ്യക്തിക്കും പിപിഎഫ് അക്കൗണ്ട് തുറക്കാം. പ്രായപൂർത്തിയാകാത്തവർക്ക് ​​വേണ്ടി ഒരു രക്ഷിതാവിന് പിപിഎഫ് അക്കൗണ്ട് തുറക്കാം. ഒരു പോസ്റ്റ് ഓഫീസിലോ ബാങ്കിലോ മാത്രമേ പിപിഎഫ് അക്കൗണ്ട് തുറക്കാൻ കഴിയൂ.

പിപിഎഫിലെ ഏറ്റവും കുറഞ്ഞ നിക്ഷേപം?

ഏറ്റവും കുറഞ്ഞ നിക്ഷേപം 500 രൂപയും പരമാവധി നിക്ഷേപം 1.50 ലക്ഷം രൂപയുമാണ്. പരമാവധി പരിധി 1.50 ലക്ഷം രൂപ സംയുക്ത നിക്ഷേപങ്ങൾക്ക് ബാധകമാണ്. അക്കൗണ്ട് തുറന്ന സാമ്പത്തിക വർഷം ഒഴികെ, 15 വർഷമാണ് പദ്ധതി കാലാവധി.

ഭവനവായ്പ പലിശ കുറയുന്നു; വിവിധ ബാങ്കുകളിലെ ഏറ്റവും പുതിയ ഭവനവായ്പ നിരക്കുകളിങ്ങനെ

പിപിഎഫ് കാലാവധി പൂർത്തിയാകുമ്പോൾ എന്തുചെയ്യണം?

പിപിഎഫ് അക്കൗണ്ട് കാലാവധി പൂർത്തിയാകുമ്പോൾ അക്കൗണ്ട് ക്ലോസ് ചെയ്ത് പണം കൈപ്പറ്റാവുന്നതാണ്. അതല്ലെങ്കിൽ അക്കൗണ്ടിൽ തന്നെ പണം സൂക്ഷിക്കാം. കാലാവധി പൂർത്തിയാകുന്ന തുക അക്കൗണ്ടിൽ തന്നെ വച്ചാലും പലിശ നേടാം. നിങ്ങൾക്ക് എപ്പോൾ വേണമെങ്കിലും പണം പിൻവലിക്കാം അല്ലെങ്കിൽ വർഷത്തിൽ ഒരു തവണ പിൻവലിക്കാം. കാലാവധി പൂർത്തിയാകുന്നതിന്റെ ഒരു വർഷത്തിനുള്ളിൽ, പോസ്റ്റ് ഓഫീസിൽ ഒരു എക്സ്റ്റൻഷൻ ഫോം സമർപ്പിച്ചുകൊണ്ട് പിപിഎഫ് അക്കൗണ്ട് മറ്റൊരു 5 വർഷത്തേക്ക് കൂടി നീട്ടാവുന്ന ഓപ്ഷനുമുണ്ട്.

പ്രതിമാസം 8,000 രൂപ നിക്ഷേപിച്ചാൽ 15 വർഷത്തിനുശേഷം എത്ര കിട്ടും?

15 വർഷത്തിനുള്ളിൽ നിങ്ങളുടെ ആകെ നിക്ഷേപ തുക 14,40,000 രൂപയായിരിക്കും. ഈ കാലയളവിൽ ലഭിക്കുന്ന ഏകദേശ പലിശ 11,63,654 രൂപയാണ്. കാലാവധി പൂർത്തിയാകുമ്പോൾ പലിശയടക്കം 26,03,654 രൂപ കയ്യിൽ കിട്ടും. 

പ്രതിമാസം 8,000 രൂപ നിക്ഷേപിച്ചാൽ 20 വർഷത്തിനുശേഷം കിട്ടുന്നത് എത്ര?

20 വർഷത്തിനുള്ളിൽ നിങ്ങളുടെ ആകെ നിക്ഷേപ തുക 19,20,000 രൂപയായിരിക്കും. ഈ കാലയളവിൽ ലഭിക്കുന്ന ഏകദേശ പലിശ 23,41,304 രൂപയും, കാലാവധി പൂർത്തിയാകുമ്പോൾ കിട്ടുന്ന തുക 42,61,304 രൂപയും ആയിരിക്കും.

പ്രതിമാസം 8,000 രൂപ നിക്ഷേപിച്ചാൽ 25 വർഷത്തിനുശേഷം എത്ര ലഭിക്കും?

25 വർഷത്തിനുള്ളിൽ നിങ്ങളുടെ ആകെ നിക്ഷേപ തുക 24,00,000 രൂപയായിരിക്കും. ഈ കാലയളവിൽ ലഭിക്കുന്ന ഏകദേശ പലിശ 41,97,130 രൂപയും, കാലാവധി പൂർത്തിയാകുമ്പോൾ 65,97,130 രൂപയും കയ്യിൽ കിട്ടും.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.