5 വർഷം മുൻപേ വിരമിക്കാം, 4.10 കോടി സ്വന്തമാക്കാം; റിട്ടയർമെന്റിനുള്ള ശരിയായ നിക്ഷേപം ഇത് തന്നെ

വിരമിക്കൽ നേരത്തെ ആസൂത്രണം ചെയ്യണമെന്ന് പലരും വിശ്വസിക്കുന്നു. ഇതനുസരിച്ച് നേരത്തെ പ്ലാൻ ചെയ്യാൻ തുടങ്ങുന്നത് വലിയൊരു റിട്ടയർമെന്റ് കോർപ്പസ് കെട്ടിപ്പടുക്കുന്നതിന് സഹായിക്കും. എത്ര വേഗം നിക്ഷേപം ആരംഭിക്കുന്നുവോ അത്രയും സമയം നിങ്ങളുടെ പണം വളരും. കൂടാതെ, ദീർഘകാലത്തേക്ക് നിക്ഷേപം നടത്തുമ്പോൾ സമ്പാദ്യ തുക ഗണ്യമായി വർധിപ്പിക്കുന്നു.

ജീവിത പങ്കാളിക്കൊപ്പം സാമ്പത്തിക കാര്യങ്ങൾ വിദഗ്ധമായി കൈകാര്യം ചെയ്യാം

മ്യൂച്വൽ ഫണ്ടുകളിലെ എസ്ഐപി നിക്ഷേപത്തിലൂടെ നല്ലൊരു സമ്പാദ്യം റിട്ടയർമെന്റ് സമയത്ത് കെട്ടിപ്പടുക്കാൻ സാധിക്കും. എസ്ഐപിയുടെ ദൈർഘ്യം കൂടുന്നതിനനുസരിച്ച് നേട്ടങ്ങളും കൂടും. മൂച്വൽഫണ്ടുകളിൽ കുറഞ്ഞ് 100 രൂപ മുതൽ തവണവ്യവസ്ഥയിലൂടെ നിക്ഷേപിക്കാവുന്ന മാർഗമാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാനുകൾ (എസ്ഐപി). 100 രൂപ മുതൽ ആഴ്ചയിലോ മാസമോ ത്രൈമാസമോ ആയി നിക്ഷേപിക്കാമെന്നതാണ് എസ്ഐപിയുടെ പ്രത്യേകത.

വലിയൊരു റിട്ടയർമെന്റ് കോർപ്പസ് ആണ് നിങ്ങളുടെ ലക്ഷ്യമെങ്കിൽ ഒരു മ്യൂച്വൽ ഫണ്ട് വഴിയുള്ള എസ്ഐപി (സിസ്റ്റമാറ്റിക് ഇൻവെസ്റ്റ്‌മെന്റ് പ്ലാൻ) നിക്ഷേപം മികച്ചൊരു ഓപ്ഷനായിരിക്കും. ശമ്പളത്തിന്റെ ഒരു ഭാഗം എസ്ഐപിയിൽ നിക്ഷേപിക്കുന്നതിലൂടെ, കാലക്രമേണ സമ്പത്ത് വർധിപ്പിക്കാൻ കഴിയും. എസ്ഐപി നിക്ഷേപത്തിലൂടെ 5 വർഷം മുൻപേ വിരമിക്കാൻ കഴിയും. ഉദാഹരണത്തിന്, സാധാരണ വിരമിക്കൽ പ്രായം 60 ആണെങ്കിൽ, 55-ൽ തന്നെ 4 കോടിയുടെ സമ്പാദ്യം നേടി നിങ്ങൾക്ക് വിരമിക്കാൻ സാധിക്കും.

ട്രെയിൻ ടിക്കറ്റ് ബുക്ക് ചെയ്താൽ ഇനി ക്യാഷ്ബാക്കും കിട്ടും; ഈ 4 ക്രെഡിറ്റ് കാർഡുകളിലൂടെ വമ്പൻ ലാഭം

റിട്ടയർമെന്റ് സമയത്ത് 4.10 കോടി എങ്ങനെ നേടാം

30 വയസ് പ്രായമുള്ള ഒരാൾ എസ്ഐപിയിൽ എല്ലാ മാസവും 15,000 രൂപ നിക്ഷേപിക്കാൻ തുടങ്ങുകയും ഓരോ വർഷവും 5 ശതമാനം വർധിപ്പിക്കുകയും ചെയ്താൽ ശരാശരി 12 ശതമാനം വരുമാനം ലഭിക്കും. 25 വർഷം കൊണ്ട്, അതായത് 55 വയസാകുമ്പോഴേക്കും മൊത്തം നിക്ഷേപം ഏകദേശം 85,90,878 രൂപയായിരിക്കും. 25 വർഷത്തിനുള്ളിൽ മൂലധന നേട്ടം ഏകദേശം 3,24,30,914 രൂപയായിരിക്കും.

12 ശതമാനം റിട്ടേൺ കണക്കാക്കിയാൽ, നിങ്ങളുടെ നിക്ഷേപം 25 വർഷത്തിനുള്ളിൽ ഏകദേശം 4,10,21,792 രൂപയായി വളരും. ഇതിൽ പലിശയും നിക്ഷേപിച്ച തുകയും ഉൾപ്പെടും. നിക്ഷേപങ്ങൾക്ക് 13 ശതമാനം റിട്ടേൺ നൽകുന്നുവെങ്കിൽ, 25 വർഷത്തിന് ശേഷം നിങ്ങളുടെ ആകെ തുക 4,81,86,209 രൂപയായി ഉയരാം. നിക്ഷേപങ്ങൾക്ക് 14 ശതമാനം റിട്ടേൺ നൽകുന്നുവെങ്കിൽ, 25 വർഷത്തിന് ശേഷം നിങ്ങളുടെ ആകെ തുക 5,68,32,997 രൂപയായി ഉയരും.

സ്ത്രീകൾക്ക് മാത്രമായി പുതിയ ക്രെഡിറ്റ് കാർഡ് വരുന്നു; റിവാർഡ് മുതൽ ഇൻഷുറൻസ് വരെ ലഭിക്കും...

എസ്ഐപി ഒരു മാർക്കറ്റ്-ലിങ്ക്ഡ് സ്കീമാണ്. അതിനാൽ വരുമാനം ഉറപ്പുനൽകുന്നില്ല. 12 ശതമാനം റിട്ടേൺ ഒരു എസ്റ്റിമേറ്റ് ആണ്, വിപണി സാഹചര്യങ്ങളെ ആശ്രയിച്ച് യഥാർത്ഥ വരുമാനത്തിൽ വ്യത്യാസപ്പെടാം. വിപണിയിലെ അപകടസാധ്യതകൾക്കിടയിലും, എസ്ഐപി പലപ്പോഴും സമ്പത്ത് സൃഷ്ടിക്കുന്നതിനുള്ള നല്ലൊരു ഓപ്ഷനായി കണക്കാക്കപ്പെടുന്നു. ദീർഘകാലാടിസ്ഥാനത്തിൽ നഷ്ടം ലഘൂകരിക്കാൻ സാധ്യതയുണ്ട്. എന്നിരുന്നാലും, എസ്ഐപിയിൽ നിക്ഷേപിക്കുന്നതിന്റെ മറഞ്ഞിരിക്കുന്ന അപകടസാധ്യതകൾ മനസിലാക്കുകയും അതിനനുസരിച്ച് പ്ലാൻ ചെയ്യുകയും ചെയ്യുക.