നിങ്ങളുടെ പ്രതിമാസ അടിസ്ഥാന ശമ്പളം 20,000 രൂപയാണെങ്കിൽ ഗ്രാറ്റുവിറ്റി തുക എത്രയായിരിക്കും?

സർക്കാർ, സ്വകാര്യ മേഖലയിലെ ജീവനക്കാർക്ക് ഒരു പാരിതോഷികം എന്ന നിലയ്ക്ക് ഗ്രാറ്റുവിറ്റി നൽകുന്നു. സാധാരണ സ്വകാര്യ മേഖലയിലെ ജീവനക്കാർക്ക്, 5 വർഷത്തെ സേവനം പൂർത്തിയാക്കുമ്പോൾ ഗ്രാറ്റുവിറ്റി ലഭിക്കുന്നു. എന്നാൽ ആ കമ്പനിയിൽ 10ൽ കൂടുതൽ ജീവനക്കാർ ഉണ്ടായിരിക്കണം. 5 വർഷത്തെ കാലയളവ് പൂർത്തിയാക്കിയതിന് ശേഷം വിരമിക്കുമ്പോഴോ അല്ലെങ്കിൽ ആ കമ്പനിയിൽ നിന്ന് ഒഴിഞ്ഞു പോകുമ്പോഴോ അവർക്ക് ഗ്രാറ്റുവിറ്റി തുക ലഭിക്കും. ഒരു ജീവനക്കാരന് അവസാനം ലഭിച്ച ശമ്പളത്തിന്റെയും സേവനം ചെയ്ത വർഷങ്ങളുടെയും അടിസ്ഥാനത്തിലാണ് ഗ്രാറ്റുവിറ്റി തുക നൽകുന്നത്.

1 വർഷത്തെ സൗജന്യ സബ്സ്ക്രിപ്ഷൻ; ദീപാവലി ധമാക്ക ഓഫറുമായി ജിയോ എയർ ഫൈബർ

നിങ്ങൾക്ക് ലഭിച്ച അടിസ്ഥാന ശമ്പളവും സേവന വർഷങ്ങളും കൂടുന്നതിനനുസരിച്ച് നിങ്ങളുടെ ഗ്രാറ്റുവിറ്റി തുകയും വർധിക്കുന്നു. 1972-ലെ ഗ്രാറ്റുവിറ്റി പേയ്‌മെന്റ് നിയമം അനുസരിച്ച്, 12 മാസത്തിനുള്ളിൽ ഫാക്ടറികൾ, റെയിൽവേ കമ്പനികൾ, തുറമുഖങ്ങൾ, തോട്ടങ്ങൾ, എണ്ണപ്പാടങ്ങൾ, ഖനികൾ, കടകൾ, അല്ലെങ്കിൽ മറ്റു സ്ഥാപനങ്ങൾ എന്നിവയിൽ പത്തോ അതിലധികമോ ഉള്ള ജീവനക്കാർക്ക് ഗ്രാറ്റുവിറ്റി നൽകേണ്ടതുണ്ട്. കേന്ദ്രത്തിന്റെ അംഗീകാരമുള്ള പത്തോ അതിൽ കൂടുതലോ ജീവനക്കാരുള്ള സ്ഥാപനങ്ങളും ഇതിൽ ഉൾപ്പെടുന്നു.

ഗ്രാറ്റുവിറ്റി തുക എങ്ങനെയാണ് കണക്കാക്കുന്നതെന്ന് നോക്കാം. അതിനുള്ള ഫോർമുല, (അവസാനം ലഭിച്ച ശമ്പളം) × (തൊഴിൽ ചെയ്ത വർഷങ്ങളുടെ എണ്ണം) × (15/26) എന്നതാണ്. പരമാവധി 10 ലക്ഷം രൂപയുടെ അടിസ്ഥാനത്തിൽ, പൂർത്തിയാക്കിയ ഓരോ വർഷത്തിനും 15 ദിവസത്തെ വേതനം എന്ന നിരക്കിൽ ഗ്രാറ്റുവിറ്റി നൽകാൻ ഗ്രാറ്റുവിറ്റി നിയമം അനുശാസിക്കുന്നു. ഗ്രാറ്റുവിറ്റിക്കായി ഞായറാഴ്ചകൾ കണക്കാക്കില്ല. അതിനാൽ ഒരു മാസത്തിലെ 30 ദിവസത്തിന് പകരം 26 ദിവസമാണ് കണക്കാക്കുന്നത്.

മിനുറ്റുകൾക്കുള്ളിൽ ഇന്ത്യയിലെവിടേയും സഞ്ചരിക്കാം; രാജ്യത്തെ ആദ്യ അതിവേഗ ട്രെയിൻ സർവീസ് ഉടൻ

അങ്ങനെയാകുമ്പോൾ 20,000 രൂപ പ്രതിമാസ ശമ്പളമുള്ള ഒരു വ്യക്തിക്ക് ലഭിക്കുന്ന ഗ്രാറ്റുവിറ്റി തുക എത്രയായിരിക്കുമെന്ന് നോക്കാം. ഇതിൽ തൊഴിൽ ചെയ്ത കാലയളവ് 10 വർഷം എന്ന നിലയ്ക്ക് നമുക്ക് എടുക്കാം. അതിനാൽ അടിസ്ഥാന മാസ ശമ്പളമായി 20,000 രൂപ ലഭിച്ച ഒരാളുടെ ഗ്രാറ്റുവിറ്റി തുക, 20,000×10×15/26 = 1,15,385 രൂപ ആയിരിക്കും.

വിദ്യാർത്ഥികൾക്ക് ആരംഭിക്കാവുന്ന മികച്ച 10 ബിസിനസ് ആശയങ്ങൾ ഏതൊക്കെയെന്ന് നോക്കാം

ഗ്രാറ്റുവിറ്റി നിയമത്തിലെ സെക്ഷൻ 4 അനുസരിച്ച്, ഒരു വ്യക്തിയുടെ മരണമോ, അംഗവൈകല്യമോ കാരണം തൊഴിൽ അവസാനിപ്പിക്കുന്ന സന്ദർഭം ഉണ്ടാകുമ്പോൾ തുടർച്ചയായുള്ള അഞ്ച് വർഷത്തെ സേവനം ബാധകമല്ല. ജീവനക്കാരൻ മരിച്ചാൽ ഇത്തരം സാഹചര്യങ്ങളിൽ നോമിനിക്കോ, ജീവനക്കാരന്റെ നിയമപരമായ അവകാശിക്കോ ഗ്രാറ്റുവിറ്റി തുക ലഭിക്കുന്നതാണ്. സർക്കാർ ജീവനക്കാർക്ക് ലഭിക്കുന്ന ഗ്രാറ്റുവിറ്റി തുകയ്ക്ക് ആദായനികുതിയിൽ നിന്ന് പൂർണമായും ഇളവുകൾ ഉണ്ടായിരിക്കുന്നതാണ്.