ഓണ്‍ലൈനായി സ്വര്‍ണം, വെള്ളി ആഭരണങ്ങള്‍ വാങ്ങിക്കാറുണ്ടോ? ശ്രദ്ധവേണം ഈ 5 കാര്യങ്ങളില്‍

ഇന്റര്‍നെറ്റിന്റെ വളര്‍ച്ചയും ഉപഭോഗവും വര്‍ധിച്ചതോടെ ലോകത്തെമ്പാടുമുള്ള മനുഷ്യരുടെ ഷോപ്പിംഗ് ശൈലിയിലും അടിമുടി മാറ്റങ്ങളുണ്ടായി. ഉത്പന്നങ്ങളുടെ പരസ്യം നല്‍കലും വില്‍പ്പനയുമൊക്കെ ഡിജിറ്റല്‍ പ്ലാറ്റുഫോമുകളിലേക്ക് മാറിക്കഴിഞ്ഞു. അതുവഴി ഉപയോക്താവിന്റെ നിത്യജീവിതത്തെ വലിയ അളവില്‍ സ്വാധീനിക്കുവാനും ഡിജിറ്റല്‍ വ്യാപാരങ്ങള്‍ക്ക് സാധിക്കുന്നു. ഇപ്പോള്‍ നേരിട്ട് ചെന്ന് വാങ്ങിക്കുന്നതിനേക്കാള്‍ വെര്‍ച്വലായി സാധനങ്ങള്‍ വാങ്ങിക്കുന്നതിനോട് ഉപയോക്താക്കളും പൊരുത്തപ്പെട്ട് കഴിഞ്ഞു.

സ്വര്‍ണാഭരണങ്ങളും ഓണ്‍ലൈനായി വാങ്ങിക്കുന്നവരുടെ എണ്ണം ഇപ്പോള്‍ കുറവല്ല. എന്നാല്‍ സ്വര്‍ണം, വെള്ളി തുടങ്ങിയ മൂല്യമേറിയ ആഭരണങ്ങള്‍ ഓണ്‍ലൈനായി വാങ്ങിക്കുമ്പോള്‍ ശ്രദ്ധിക്കേണ്ട 5 കാര്യങ്ങളുണ്ട്. അവ എന്തൊക്കെയാണെന്ന് നമുക്ക് പരിശോധക്കാം.

സംയുക്ത ഭവന വായ്പ എല്ലാ അപേക്ഷകര്‍ക്കും ഗുണകരമാകുന്നതെങ്ങനെ?

ഓണ്‍ലൈനായി സ്വര്‍ണം വാങ്ങിക്കുമ്പോള്‍ എപ്പോഴും ശ്രദ്ധിക്കേണ്ടത് ഹാള്‍മാര്‍ക്ക് സര്‍ട്ടിഫിക്കേഷനാണ്. ബിഐഎസ് ഹാള്‍മാര്‍ക്കിംഗ് ഉള്ള സ്വര്‍ണ വ്യാപാരികളില്‍ നിന്ന് മാത്രമേ ഓണ്‍ലൈനായി സ്വര്‍ണം വാങ്ങിക്കുവാന്‍ പാടുള്ളൂ. വാങ്ങിക്കുന്നത് സ്വര്‍ണാഭരണമായാലും, സ്വര്‍ണ നാണയങ്ങളായാലും സ്വര്‍ണക്കട്ടകളായാലും അതില്‍ ബിഐഎസ് ഹാള്‍മാര്‍ക്ക് മുദ്രണം ഉണ്ടോ എന്ന് പരിശോധിച്ച് ഉറപ്പു വരുത്തണം.

1 രൂപാ നാണയം നിങ്ങളെ കോടിപതിയാക്കുമോ?

കോവിഡ് കാലം വിപണി രീതികളില്‍ പല മാറ്റങ്ങളും കൊണ്ടു വന്നു. ഉപഭോക്തൃ സ്വഭാവത്തിലും വ്യത്യാസമുണ്ടായി. ഓണ്‍ലൈന്‍ വില്‍പ്പന ഉയര്‍ന്നതോടു കൂടി റീട്ടെയില്‍ വില്‍പ്പനക്കാരുടെ ഉത്തരവാദിത്വങ്ങളും വര്‍ധിച്ചു. വില്‍പ്പനാനന്തര സേവനങ്ങളും, ഉപയോക്താവിന് ഇഷ്ടപ്പെടാത്ത പക്ഷം ഉത്പ്പന്നം തിരിച്ചു നല്‍കുന്നതിനുള്ള സംവിധാനവും കാര്യക്ഷമമായി പ്രവര്‍ത്തിക്കേണ്ടതായി വന്നു. ഓണ്‍ലൈനായി ആഭരണങ്ങള്‍ വാങ്ങിക്കും മുമ്പ് നിങ്ങള്‍ വാങ്ങിക്കുന്ന പ്ലാറ്റ്‌ഫോം അതിന്റെ ഉപയോക്താക്കള്‍ക്ക് വാഗ്ദാനം ചെയ്യുന്ന വില്‍പ്പനനാന്തര സേവനങ്ങളെക്കുറിച്ചും, ഉത്പ്പന്നം മടക്കി നല്‍കി വരുമ്പോഴുള്ള പോളിസികളെക്കുറിച്ചും മനസ്സിലാക്കി വയ്ക്കണം.

20 വര്‍ഷങ്ങള്‍ക്ക് ശേഷം പ്രതിമാസം 2 ലക്ഷം രൂപ വരുമാനം നേടാന്‍ ഇപ്പോള്‍ എത്ര രൂപ നിക്ഷേപിച്ചു തുടങ്ങണം?

ഓണ്‍ലൈന്‍ വില്‍പ്പന ഉറപ്പിക്കുന്നതിന് മുമ്പായി ആഭരണത്തിന്റെ നിറവും ഭാരവും ശ്രദ്ധിയ്ക്കണം. സ്വര്‍ണത്തിന്റെ കാരറ്റ്, ഭാരം, ഡിസൈന്‍, മറ്റ് അലങ്കാരപ്പണികള്‍ ഉണ്ടെങ്കില്‍ അവയെല്ലാം ചേര്‍ത്താണ് സ്വര്‍ണാഭരണത്തിന്റെ വില നിശ്ചയിക്കുന്നതെന്നുമറിയുക.

ആരോഗ്യ രക്ഷക് ; എല്‍ഐസിയുടെ പുതിയ ആരോഗ്യ ഇന്‍ഷുറന്‍സ് പോളിസിയെക്കുറിച്ച് അറിയാം

ഫോട്ടോകള്‍ നോക്കി മാത്രം ഉത്പ്പന്നത്തിന്റെ ഗുണമേന്മ വിലയിരുത്തുന്നതിനാല്‍ ഓണ്‍ലൈന്‍ വില്‍പ്പനയില്‍ പറ്റിക്കപ്പെടുന്നവരും കുറവല്ല. ഓണ്‍ലൈനായി ആഭരണങ്ങള്‍ വാങ്ങിക്കുമ്പോള്‍ ഫോട്ടോകളില്‍ കാണുന്നതിന് സാമാനമായ ഫിനിഷിംഗോ, ഉപയോഗിച്ചിരിക്കുന്ന മെറ്റലോ ആഭരണം കൈയ്യില്‍ കിട്ടുമ്പോള്‍ കാണുവാന്‍ കഴിയില്ലെന്ന് പലപ്പോഴും ഉപയോക്താക്കള്‍ പരാതിപ്പെടാറുണ്ട്. നല്‍കിയ പണത്തിന്റെ മൂല്യം ഉത്പ്പന്നത്തില്‍ കാണാറില്ല. നിങ്ങളുടെ കാര്‍ട്ടിലേക്ക് ഉത്പ്പന്നങ്ങള്‍ മാറ്റുന്നതിന് മുമ്പായി ഉത്പ്പന്നത്തെക്കുറിച്ചുള്ള വിവരണങ്ങളും, മറ്റു വ്യക്തികള്‍ നല്‍കിയിരിക്കുന്ന റിവ്യൂകളും വായിച്ചു നോക്കുന്നത് നല്ലതായിരിക്കും.

അക്കൗണ്ടില്‍ നിന്നും തട്ടിപ്പുകാര്‍ പണം കൊണ്ടുപോകാതിരിക്കാന്‍ ഇവ ശ്രദ്ധിയ്ക്കാം; മുന്നറിയിപ്പുമായി എസ്ബിഐ

നിങ്ങള്‍ ഉത്പ്പന്നങ്ങള്‍ വാങ്ങിക്കുന്ന പ്ലാറ്റ്‌ഫോമിന്റെ വിശ്വസീനയതയും പരിശോധിച്ച് ഉറപ്പു വരുത്തിയതിന് ശേഷം മാത്രമേ ആഭരണങ്ങള്‍ വാങ്ങിക്കുവാന്‍ പാടുള്ളൂ.

ഇക്കാര്യങ്ങള്‍ ശ്രദ്ധിച്ചാല്‍ തട്ടിപ്പുകളില്‍ പെടാതെ നിങ്ങള്‍ മുടക്കുന്ന പണത്തിന്റെ മൂല്യത്തിന് തുല്യമായ ആഭരണങ്ങളും മറ്റ് ഉത്പ്പന്നങ്ങളും നിങ്ങള്‍ക്ക് ലഭിക്കും.