റിട്ടയർമെന്റ് പ്ലാനുണ്ടോ? ഈ നിക്ഷേപങ്ങൾക്ക് നിങ്ങളെ സഹായിക്കാൻ കഴിഞ്ഞേക്കും

ഭാവിയിൽ സാമ്പത്തിക ഭദ്രത ഉറപ്പാക്കാൻ റിട്ടയർമെന്റ് ജീവിതത്തിനുവേണ്ടിയുള്ള പ്ലാനിങ് നേരത്തെ തുടങ്ങണം. നല്ലൊരു നിക്ഷേപ പദ്ധതിയിൽ ചേരുന്നത് വാർധക്യത്തിൽ ഉറപ്പുള്ള വരുമാനം നേടാൻ സഹായിക്കും. എംപ്ലോയീസ് പ്രൊവിഡന്റ് ഫണ്ട് (ഇപിഎഫ്), നാഷണൽ പെൻഷൻ സ്‌കീം (എൻപിഎസ്) പോലുള്ള സർക്കാർ പിന്തുണയുള്ള സ്കീമുകൾ, സിസ്റ്റമാറ്റിക് ഇൻവെസ്റ്റ്‌മെന്റ് പ്ലാനുകൾ (എസ്ഐപി) എന്നിവയൊക്കെ സംയോജിപ്പിച്ച് ഒരു വ്യക്തിക്ക് റിട്ടയർമെന്റ് സമയത്ത് വലിയൊരു സമ്പാദ്യം കെട്ടിപ്പടുക്കാൻ സാധിക്കുമെന്ന് സാമ്പത്തിക വിദഗ്ധർ അഭിപ്രായപ്പെടുന്നു.

ആദായ നികുതി തടസ്സങ്ങൾ ഒഴിവാക്കാൻ ഈ രേഖകൾ സമർപ്പിക്കൂ.... എങ്ങനെ സമർപ്പിക്കാം?

സിസ്റ്റമാറ്റിക് ഇൻവെസ്റ്റ്‌മെന്റ് പ്ലാനുകൾ (SIPs)

സർക്കാർ പിന്തുണയുള്ള സ്‌കീമുകൾക്കൊപ്പം സിസ്റ്റമാറ്റിക് ഇൻവെസ്റ്റ്‌മെന്റ് പ്ലാനുകളിലൂടെ (എസ്ഐപി) റിട്ടയർമെന്റ് ജീവിതം ടെൻഷൻ ഫ്രീയാക്കാൻ സാധിക്കും. മ്യൂച്വൽ ഫണ്ടുകളിൽ നിക്ഷേപിക്കുന്നതിനുള്ള ഒരു ജനപ്രിയ മാർഗമാണ് സിസ്റ്റമാറ്റിക് ഇൻവെസ്റ്റ്‌മെന്റെ പ്ലാൻ (എസ്ഐപി). എസ്ഐപിയിലൂടെ 100 രൂപയോ 200 രൂപയോ മുതൽ നിക്ഷേപിക്കാമെന്നതാണ് സവിശേഷത. സംയുക്ത പലിശ ചെറിയ നിക്ഷേപങ്ങളെ പോലും വലിയ തുകകളാക്കി മാറ്റും.

എസ്ഐപി നിക്ഷേപകരെ മ്യൂച്വൽ ഫണ്ടുകളിൽ നിക്ഷേപിക്കാൻ പ്രാപ്‌തമാക്കുന്നു. ഒരു ഫിക്സഡ് തുക നിക്ഷേപകന്റെ ബാങ്ക് അക്കൗണ്ടിൽ നിന്ന് സ്വയമേവ ഡെബിറ്റ് ചെയ്യുകയും മ്യൂച്വൽ ഫണ്ടുകളിൽ നിക്ഷേപിക്കുകയും ചെയ്യുന്നു. ഫണ്ടിന്റെ നെറ്റ് അസറ്റ് വാല്യൂ (NAV) അടിസ്ഥാനമാക്കിയാണ് നിക്ഷേപങ്ങൾ യൂണിറ്റുകൾ ശേഖരിക്കുന്നത്. റിട്ടേൺസ് കോമ്പൗണ്ടിംഗ്, മാർക്കറ്റ് ഡൈനാമിക്സ് എന്നിവയിൽ നിന്നുള്ള നേട്ടം നിക്ഷേപകർക്ക് ലഭിക്കുന്നു.

ഇപിഎഫ്

സ്വകാര്യ മേഖലയിലെ ജീവനക്കാർക്ക് നിശ്ചിത പലിശ നിരക്ക് ലഭിക്കുന്ന ഒരു റിട്ടയർമെന്റ് സ്കീമാണ് എംപ്ലോയീസ് പ്രൊവിഡന്റ് ഫണ്ട് (ഇപിഎഫ്). ഒരു സാമ്പത്തിക വർഷത്തിൽ 1.50 ലക്ഷം രൂപ വരെ നിക്ഷേപിച്ച് പലിശയും കാലാവധി പൂർത്തിയാകുമ്പോൾ മെച്യൂരിറ്റി തുകയ്ക്ക് നികുതിയില്ലാതെ നേടിയെടുക്കാവുന്ന ചുരുക്കം ചില പദ്ധതികളിൽ ഒന്നാണിത്. ഇപിഎഫ് (എംപ്ലോയീസ് പ്രൊവിഡന്റ് ഫണ്ട്) അക്കൗണ്ടിലൂടെ വലിയൊരു തുക തന്നെ ശേഖരിക്കണം. ഈ സ്കീം 8.15% റിട്ടേൺ നൽകുന്നതിനാൽ, ഇപിഎഫിലേക്ക് ശമ്പളത്തിൽനിന്ന് 12 ശതമാനത്തിൽ കൂടുതൽ സംഭാവന നൽകുന്നുവെന്ന് ഉറപ്പാക്കുക.

എസ്ബിഐയോ പോസ്റ്റ് ഓഫീസോ: ഉയർന്ന പലിശ നേടാൻ എവിടെ നിക്ഷേപിക്കണം?

എൻപിഎസ്

നാഷണൽ പെൻഷൻ സ്കീം ഒരു സർക്കാർ പദ്ധതിയാണ്, വിപണിയുമായി ബന്ധപ്പെട്ടിരിക്കുന്നു. അതായത് ഈ സ്കീമിൽ നിന്നുള്ള വരുമാനം വിപണിയെ അടിസ്ഥാനമാക്കിയുള്ളതാണ്. വിരമിക്കൽ ആസൂത്രണം ചെയ്യുന്നവർക്ക് ഈ പദ്ധതി ജനപ്രിയമാണ്. ഈ സ്കീം പെൻഷൻ ആനുകൂല്യത്തോടൊപ്പം നല്ലൊരു സമ്പാദ്യവും നൽകുന്നു. 45 വയസിന് താഴെയാണെങ്കിൽ എൻപിഎസിൽ നിക്ഷേപിക്കുന്നത് പരിഗണിക്കുക. വർഷം കഴിയുന്തോറും എൻപിഎസ് സംഭാവനകൾ വർധിപ്പിക്കുന്നത് സമ്പാദ്യം വളരുന്നതിന് സഹായിക്കും.

നിങ്ങളുടെ റിട്ടയർമെന്റ് ഫണ്ട് ട്രാക്കിലാണെന്ന് ഉറപ്പാക്കാൻ, വർഷാവസാനം, പതിവായി അവലോകനം ചെയ്യുകയും ആവശ്യാനുസരണം ക്രമീകരണങ്ങൾ വരുത്തുകയും ചെയ്യുക. എസ്ഐപി, ഇപിഎഫ്, എൻപിഎസ് സംഭാവനകൾ വിലയിരുത്തുകയും പരമാവധിയാക്കുകയും ചെയ്യുന്നതിലൂടെ, പണപ്പെരുപ്പത്തിൽ നിന്നും വിപണിയിലെ മാറ്റങ്ങളിൽ നിന്നും നിങ്ങളുടെ സാമ്പത്തിക ഭാവി സംരക്ഷിക്കാൻ കഴിയും.