ജൂലൈ 15 മുതൽ എസ്‌ബി‌ഐ ക്രെഡിറ്റ് കാർഡിൽ വമ്പൻ മാറ്റം: ഈ ആനുകൂല്യങ്ങൾ പരിഷ്കരിക്കും, അറിയേണ്ടതെല്ലാം

നിങ്ങളുടെ ക്രെഡിറ്റ് കാർഡ് ഏതാണ്? എസ്ബിഐ വാ​ഗ്ദാനം ചെയ്യുന്ന വിവിധ ക്രെഡിറ്റ് കാർഡുകളിൽ നാളെ ജൂലൈ 15 മുതൽ പ്രധാന മാറ്റങ്ങൾ വരുന്നു. എസ്‌ബി‌ഐ എലൈറ്റ്, പ്രൈം, പൾസ്, ഐ‌ആർ‌സി‌ടി‌സി അല്ലെങ്കിൽ മറ്റ് കോ-ബ്രാൻഡഡ് കാർഡുകൾ കൈവശമുള്ളവർ ഈ പുതുക്കിയ മാറ്റങ്ങളെ കുറിച്ച് അറിഞ്ഞിരിക്കണം. ഈ മാറ്റങ്ങൾ നിങ്ങളുടെ ക്രെഡിറ്റ് ഉപയോ​ഗത്തെ എത്രത്തോളം ബാധിക്കുമെന്നും മനസിലാക്കുക.

വരാനിരിക്കുന്ന പ്രധാന മാറ്റങ്ങൾ

1. പുതുക്കിയ മിനിമം കുടിശ്ശിക തുക: ഇനി മുതൽ മിനിമം തുക കുടിശ്ശിക (MAD) കണക്കാക്കുന്നത് കർശനമാവും. ഇതിൽ 100% ഇഎംഐ, ജിഎസ്ടി, ഫീസ്/ചാർജുകൾ, ഏതെങ്കിലും തരത്തിലുള്ള പരിധി ലംഘനങ്ങൾ എന്നിവയ്‌ക്കെല്ലാം പുറമെ ബാക്കിയുള്ള തുകയുടെ 2% കൂടി ചേർത്തായിരിക്കും മിനിമം തുകയായി കണക്കാക്കുക. തൽഫലമായി, എല്ലാ മാസവും ഉയർന്ന മിനിമം പേയ്‌മെന്റ് ഉണ്ടാകും.

2. പേയ്‌മെന്റ് സെറ്റിൽമെന്റ് രീതി: 2025 ജൂലൈ 15 മുതൽ, എസ്.ബി.ഐ കാർഡ് പേയ്‌മെന്റുകൾ ക്രമീകരിക്കുന്ന രീതിയിൽ മാറ്റം വരുത്തും. പേയ്‌മെന്റുകൾ ആദ്യം ജി.എസ്.ടിയിലേക്കും തുടർന്ന് ഇ.എം.ഐ, ചാർജുകൾ, ഫിനാൻസ് ചാർജുകൾ, ബാലൻസ് ട്രാൻസ്ഫറുകൾ, റീട്ടെയിൽ സ്പെൻഡിംഗ്, ഒടുവിൽ ക്യാഷ് അഡ്വാൻസുകളിലേക്കും പോകും. മുൻഗണനാടിസ്ഥാനത്തിലുള്ള കുടിശ്ശികകൾ കൃത്യമായി അടച്ചില്ലെങ്കിൽ ഇത് പലിശ നിരക്ക് വർദ്ധിപ്പിക്കാൻ കാരണമാവും.

3. സൗജന്യ വിമാന അപകട ഇൻഷുറൻസ്: 2025 ഓഗസ്റ്റ് 11 മുതൽ, യു.സി.ഒ ബാങ്ക്, കെ.വി.ബി, പി.എസ്.ബി തുടങ്ങിയ പങ്കാളി ബാങ്കുകളുമായുള്ള കോ-ബ്രാൻഡഡ് കാർഡുകളിൽ നൽകിയിരുന്ന 50 ലക്ഷം രൂപ മുതൽ 1 കോടി വരെയുള്ള സൗജന്യ വിമാന അപകട ഇൻഷുറൻസ് പരിരക്ഷ എസ്.ബി.ഐ കാർഡ് പിൻവലിക്കും.

ശ്രദ്ധിക്കേണ്ട കാര്യങ്ങൾ

നിങ്ങളുടെ കൈവശമുള്ളത് എസ്‌ബി‌ഐ ക്രെഡിറ്റ് കാർഡാണോ? എങ്കിൽ ഈ മാറ്റങ്ങൾ നിങ്ങൾക്കും ബാധകമാണ്. അതിനായി നിങ്ങളുടെ കാർഡിന്റെ പുതിയ നിബന്ധനകളും നിരക്കുകളും ശ്രദ്ധാപൂർവ്വം മനസിലാക്കുക.

• പലിശ നിരക്ക്, അധിക ചാർജുകൾ, ഫീസുകൾ എന്നിവ കുമിഞ്ഞുകൂടുന്നത് ഒഴിവാക്കുന്നതിനായി കൂടുതൽ തുക അടക്കാൻ ശ്രമിക്കുക.
• പുതിയ പേയ്‌മെന്റ് ഓർഡർ മനസ്സിലാക്കുക, അതുവഴി കുടിശ്ശികകളെക്കുറിച്ച് വ്യക്തമായ ധാരണ ലഭിക്കും.
• നിങ്ങളുടെ ക്രെഡിറ്റ് കാർഡുകളുടെ നിലവിലെ ആനുകൂല്യങ്ങൾ പരിശോധിക്കുക. ഈ ആനുകൂല്യങ്ങൾ നിങ്ങൾക്ക് യോജിച്ചത് അല്ലെങ്കിൽ അപ്‌ഗ്രേഡ് ചെയ്യുവാൻ ശ്രമിക്കുക.

10,000 കോടി കടന്ന് സ്വർണപ്പണയ വായ്പ: കെഎസ്എഫ്ഇ പുതിയ നേട്ടത്തിലേക്ക്, ഇൻഷുറൻസ് കമ്പനിയും ഉടൻ എത്തും

ഏതൊക്കെ കാർഡുകൾ സൗജന്യ വിമാന അപകട ഇൻഷുറൻസ് നിർത്തലാക്കും?

നിങ്ങളുടെ യുക്കോ ബാങ്ക് എസ്ബിഐ കാർഡ് പ്രൈെ, സെൻട്രൽ ബാങ്ക് ഓഫ് ഇന്ത്യ എസ്ബിഐ കാർഡ് പ്രൈം, പിഎസ്ബി എസ്ബിഐ കാർഡ് പ്രൈം, കെവിബി എസ്ബിഐ കാർഡ് പ്രൈം, കരൂർ വൈശ്യ ബാങ്ക് എസ്ബിഐ പ്ലാറ്റിനം ക്രെഡിറ്റ് കാർഡ്, സൗത്ത് ഇന്ത്യൻ ബാങ്ക് എസ്ബിഐ കാർഡ് പ്രൈം, സൗത്ത് ഇന്ത്യൻ ബാങ്ക് എസ്ബിഐ പ്ലാറ്റിനം ക്രെഡിറ്റ് കാർഡ്, കർണാടക ബാങ്ക് എസ്ബിഐ കാർഡ് പ്രൈം, കർണാടക ബാങ്ക് എസ്ബിഐ പ്ലാറ്റിനം ക്രെഡിറ്റ് കാർഡ്, സിറ്റി യൂണിയൻ ബാങ്ക് എസ്ബിഐ കാർഡ് പ്രൈം, അലഹബാദ് ബാങ്ക് എസ്ബിഐ കാർഡ് പ്രൈം, യുബിഐ എസ്ബിഐ പ്ലാറ്റിനം ക്രെഡിറ്റ് കാർഡ്, ഒബിസി എസ്ബിഐ വിസ പ്ലാറ്റിനം കാർഡ്, ഫെഡറൽ ബാങ്ക് എസ്ബിഐ പ്ലാറ്റിനം ക്രെഡിറ്റ് കാർഡ്, BOM എസ്ബിഐ പ്ലാറ്റിനം ക്രെഡിറ്റ് കാർഡ് എന്നിവയിൽ നിലവിൽ വാഗ്ദാനം ചെയ്യുന്ന 50 ലക്ഷം രൂപയുടെ സൗജന്യ വിമാന അപകട ഇൻഷുറൻസ് പരിരക്ഷയും നിർത്തലാക്കപ്പെടും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.