സ്ത്രീകൾക്ക് 5000 രൂപ നിക്ഷേപിച്ച് 28 ലക്ഷം സമ്പാദിക്കാൻ ഒരു കിടിലൻ പദ്ധതി

രാജ്യാന്തര വനിത ദീനം ആഘോഷിക്കപ്പെടുമ്പോൾ മറ്റെല്ലാ മേഖലയിലും എന്നതുപോലെ ധനകാര്യ രംഗത്തും ശക്തമായ സ്ത്രീമുന്നേറ്റം സാധ്യമാകേണ്ടതുണ്ട്. ഒരാൾ സാമ്പത്തിക സുരക്ഷിതത്വം കൈവരിക്കുന്നതാണ് ശാക്തീകരണത്തിന്റെ ഏറ്റവും അടിസ്ഥാന ഘടകങ്ങളിലൊന്ന്. അത്തരത്തിൽ സ്ത്രീകൾക്ക് ഏറെ ഉപകാരപ്പെടുന്ന, അവർക്ക് സാമ്പത്തിക ലക്ഷ്യങ്ങളിലെത്തിച്ചേരാൻ സാധിക്കുന്ന നിരവധി നിക്ഷേപ പദ്ധതികൾ വിപണിയിൽ ലഭ്യമാണ്. ചെറിയ പ്രായത്തിൽ തന്നെ സമ്പാദ്യ ശീലങ്ങൾ തുടങ്ങുന്നത് വളരെ എളുപ്പത്തിൽ സാമ്പത്തിക സ്വതന്ത്ര്യത്തിലേക്ക് വഴിയൊരുക്കുമെന്ന് മാത്രമല്ല ദൃഢമായ സാമ്പത്തിക അടിത്തറ കെട്ടിപടുക്കാൻ സഹായിക്കുകയും ചെയ്യും. ഇതിന് ഉപകാരപ്പെടുന്ന നിക്ഷേപ പദ്ധതികളിലൊന്നാണ് സുകന്യ സമൃദ്ധി യോജന.

മകൾക്കായി കരുതാം 69 ലക്ഷം രൂപ, നിക്ഷേപം 12,500 രൂപ മാത്രം, വനിതാ ദിനത്തിൽ തന്നെ തുടങ്ങൂ..

ഉയർന്ന പലിശയും ഉറപ്പായ റിട്ടേൺസും വാഗ്ദാനം ചെയ്യുന്ന പോസ്റ്റ് ഓഫീസ് നിക്ഷേപ പദ്ധതികളിലൊന്നായ സുകന്യ സമൃദ്ധി യോജനയുടെ പ്രധാന സവിശേഷതകളിലൊന് സർക്കാർ പിന്തുണയാണ്. 250 രൂപ മുതൽ ഒരു സാമ്പത്തിക വർഷത്തിൽ 1.5 ലക്ഷം രൂപ വരെ നിക്ഷേപിക്കാൻ സാധിക്കുന്ന പദ്ധതിയിൽ 5000 രൂപയുടെ പ്രതിമാസ നിക്ഷേപ മികച്ച ഒരു തിരഞ്ഞെടുപ്പാണെന്ന് കണക്കുകൾ വ്യക്തമാക്കുന്നു. ഇത്തരത്തിലുള്ള ചെറിയ നിക്ഷേപത്തിൽ നിന്ന് ഏകദേശം 28 ലക്ഷം രൂപ വരെ റിട്ടേൺസ് നേടാൻ സ്ത്രീകളായ നിക്ഷേപകർക്ക് സാധിക്കും.

പെൺകുട്ടികളുടെ വിദ്യാഭ്യാസ, വിവാഹ ചെലവുകൾക്ക് ഉപകാരപ്പെടുന്ന തരത്തിലാണ് സുകന്യ സമൃദ്ധി യോജന രൂപകൽപ്പന ചെയ്തിരിക്കുന്നത്. 15 വർഷമാണ് പദ്ധതിയുടെ മെച്വൂരിറ്റി കാലയളവ്. മെച്വൂരിറ്റി കാലയളവ് പൂർത്തിയായി കഴിഞ്ഞാൽ വിവാഹവശ്യത്തിന് പെൺകുട്ടിക്ക് 18 വയസ് പൂർത്തിയാകുമ്പോഴും അല്ലാത്ത സാഹചര്യത്തിൽ 21 വയസിന് ശേഷവും മുഴുവൻ തുകയും പിൻവലിക്കാം. പത്ത് വയസിൽ താഴെയുള്ള കുട്ടികളുടെ പേരിൽ രക്ഷിതാക്കൾക്ക് സുകന്യ സമൃദ്ധി യോജനയിൽ അക്കൗണ്ട് തുറക്കാൻ സാധിക്കും. രാജ്യത്ത് ഏറ്റവും കൂടുതൽ പലിശ ലഭിക്കുന്ന നിക്ഷേപ പദ്ധതികളിലൊന്നുകൂടിയാണിത്. 8.2 ശതമാനം പലിശ ലഭിക്കുന്ന നിക്ഷേപ പദ്ധതി മികച്ച റിട്ടേൺസ് വാഗ്ദാനം ചെയ്യുന്നു.

സുകന്യ സമൃദ്ധിയ യോജന സ്കീമിൽ നിങ്ങൾ പ്രതിമാസം 5,000 രൂപ നിക്ഷേപിക്കുകയാണെങ്കിൽ, നിങ്ങളുടെ വാർഷിക നിക്ഷേപം 60,000 രൂപയായിരിക്കും. പദ്ധതി പ്രതിവർഷം 8.2 കൂട്ടുപലിശ നൽകുന്നതിനാൽ, 15 വർഷത്തിനുള്ളിൽ നിങ്ങളുടെ നിക്ഷേപം 9 ലക്ഷം രൂപയും പലിശ 18.92 ലക്ഷം രൂപയും കാലാവധി പൂർത്തിയാകുമ്പോൾ 27.92 ലക്ഷം രൂപയും ആയിരിക്കും. നിങ്ങൾ ഒരു വർഷം ഒരു ലക്ഷം രൂപയോ ഒരു മാസത്തിൽ 8,333.33 രൂപയോ നിക്ഷേപിക്കുകയാണെങ്കിൽ, 15 വർഷത്തിനുള്ളിൽ നിങ്ങളുടെ നിക്ഷേപം 15 ലക്ഷം രൂപയായിരിക്കും, ആ കാലയളവിൽ നിങ്ങൾ നേടുന്ന പലിശ 31.53 ലക്ഷം രൂപയും കാലാവധി പൂർത്തിയാകുമ്പോൾ 46.53 ലക്ഷം രൂപയും ആയിരിക്കും.

വിപണിയിൽ മുന്നേറ്റം തുടരാൻ മൂന്ന് ഓഹരികൾ, വാങ്ങാൻ നിർദ്ദേശിച്ച് വിദഗ്ധർ, കൂടെ കൂട്ടുന്നോ...

നിങ്ങളുടെ നിക്ഷേപത്തിന്റെ മുഴുവൻ പരിധിയും, അതായത് ഒരു സാമ്പത്തിക വർഷത്തിൽ 1.50 ലക്ഷം രൂപ (അല്ലെങ്കിൽ പ്രതിമാസം 12333.33 രൂപ) തീർന്നാൽ, 15 വർഷത്തിനുള്ളിൽ നിങ്ങളുടെ നിക്ഷേപം 22.50 ലക്ഷം രൂപയും, ലഭിക്കുന്ന പലിശ 47.30 ലക്ഷം രൂപയും കാലാവധി പൂർത്തിയാകുകയും ചെയ്യും. തുക 69.80 ലക്ഷം രൂപയാകും. ഈ രീതിയിൽ, എല്ലാ മാസവും നിങ്ങളുടെ ചെറിയ സമ്പാദ്യങ്ങൾ നിങ്ങളുടെ മകൾക്കായി ഒരു വലിയ ഫണ്ട് സൃഷ്ടിക്കാൻ നിങ്ങളെ സഹായിക്കും, അത് അവൾക്ക് 21 വയസ്സ് തികയുമ്പോഴേക്കും അവളെ വളരെയധികം ശാക്തീകരിക്കും.