ഭവന വായ്പയാണോ നോക്കുന്നത്; 7% ത്തിൽ താഴെ പലിശ നിരക്കിൽ വായ്പ ലഭിക്കുന്ന 9 ബാങ്കുകളിതാ

ഏതൊരാളുടെയും വീടെന്ന സ്വപ്‌നത്തിന് മുതല്‍കൂട്ടാണ് ഭവന വായ്പകള്‍. ഈയിടെ റിസര്‍വ് ബാങ്ക് നിരക്കുയര്‍ത്തിയതോടെ ഭവന വായ്പയുടെ പലിശ നിരക്കുകള്‍ കുത്തനെ ഉയര്‍ന്നു. വായ്പയെടുക്കാനിരിക്കുന്നവര്‍ക്കും ഫ്‌ളോട്ടിംഗ് രീതിയില്‍ വായ്പ അടയ്ക്കുന്നവര്‍ക്കും പലിശ നിരക്ക് ഉയരുന്നത് തിരിച്ചടിയാണ്. ഈ സമയത്ത് പരമാവധി കുറഞ്ഞ പലിശ ഈടാക്കുന്ന ബാങ്കിലേക്കണ് വായ്പ തേടി പോവുക. ഇത്തരത്തിൽ ഏഴ് ശതമാനത്തിൽ കുറവ് പലിശ ഈടാക്കുന്ന 9 ബാങ്കുകളെയാണ് ഇവിടെ പരിചയപ്പെടുത്തുന്നത്. 

എന്താണ് യോ​ഗ്യത

ബാങ്ക് വായ്പയ്ക്ക് അത്യാവശ്യമായ കാര്യമാണ് ക്രെഡിറ്റ് സ്കോർ. മുൻകാല വായ്പ തിരിച്ചടവ് കണക്കാക്കിയാണ് ക്രെഡിറ്റ് സകോർ കണക്കാക്കുന്നത്. മികച്ച ക്രെഡിറ്റ് സ്‌കോറുള്ളവര്‍ക്ക് പലിശ നിരക്ക് കുറയും. 300 നും 900ത്തിനും ഇടയിലുള്ള സംഖ്യയാണ് ക്രെഡിറ്റ് സ്‌കോര്‍.

ഉയര്‍ന്ന ക്രെഡിറ്റ് സ്‌കോറുള്ളൊരാള്‍ എളുപ്പത്തില്‍ വായ്പകള്‍ അടച്ചു തീര്‍ക്കുമെന്നും വായ്പകളെ നന്നായി കൈകാര്യം ചെയ്യുന്നു എന്നുമാണ് കാണിക്കുന്നത്. ബാങ്കിനെ സംബന്ധിച്ച് ഉയര്‍ന്ന ക്രെഡിറ്റ് സ്‌കോറുള്ള വ്യക്തിക്ക് വായ്പ നല്‍കുന്നത് വഴി വായ്പ കിട്ടാകടമാകാനുള്ള സാധ്യത കുറയുകയാണ്.

ക്രെഡിറ്റ് സ്കോർ നിലനിർത്തുക

വായ്പാ കാലയളവിലും ക്രെഡിറ്റ് സ്‌കോര്‍ പരിധിക്കുള്ളില്‍ നിലനിര്‍ത്തണം. അല്ലാത്തപക്ഷം ബാങ്ക് പലിശ നിരക്ക് ഉയര്‍ത്തും. പലിശ നിരക്കില്‍ കുറവ് ലഭിക്കാന്‍ ഓരോ ബാങ്കിനും ഓരോ തരത്തിലുള്ള വിലയിരുത്തലുകളാണ്.

ഉദാഹരണമായി 800ന് മുകളില്‍ ക്രെഡിറ്റ് സ്‌കോറുള്ള വ്യക്തി 30 ലക്ഷം ഭവന വായ്പയ്ക്ക് അപേക്ഷിക്കുകയാണെങ്കില്‍ 7 ശതമാനം പലിശ നിരക്കില്‍ ബാങ്ക് അനുവദിക്കും. വായ്പ 1 കോടിയിലേക്ക് കടന്നാല്‍ 7.50 ശതമാനമാകും. വായ്പ തുകയ്ക്ക് അനുസരിച്ച് പലിശയില്‍ വ്യത്യാസം വരും. 

അടയ്ക്കാനുള്ള തുക കൃത്യസമയത്ത് അടയ്ക്കുക എന്നതാണ് ക്രെഡിറ്റ് സ്‌കോര്‍ ഉയര്‍ത്താനുള്ള വഴി. വര്‍ഷത്തില്‍ ഒരു തവണ ബാങ്ക് ക്രെഡിറ്റ് സ്‌കോര്‍ പരിശോധിക്കും. ഇതിന് അനുസരിച്ച് പലിശ നിരക്കും ക്രമീകരിക്കും. വായ്പ കാലയളവിൽ ക്രെഡിറ്റ് സ്‌കോര്‍ ഉയര്‍ത്തി കൊണ്ടുവരാന്‍ സാധിക്കുമെങ്കില്‍ ഇതിലും കുറവ് പലിശ ലഭിക്കുന്ന ബാങ്കിലേക്ക് വായ്പ മാറ്റാന്‍ സാധിക്കും. ക്രെ‍ഡിറ്റ് സ്കോർ അടിസ്ഥാനമാക്കി 7 ശതമാനം നിരക്കിൽ വായ്പ ലഭിക്കുന്ന ബാങ്കുകൾ നോക്കാം.

ക്രെഡിറ്റ് സ്കോർ 800ന് മുകളിൽ

ക്രെഡിറ്റ് സ്‌കോര് 800ന് മുകളിലാണെങ്കില്‍ ബാങ്ക് ഓഫ് മഹാരാഷ്ട്ര 6.80 ശതമാനം പലിശയ്ക്ക് വായ്പ നല്‍കും. ബാങ്ക് ഓഫ് ഇന്ത്യ- 6.90%, ഇന്ത്യന്‍ ബാങ്ക് 6.90%-7.20%, പഞ്ചാബ് നാഷണല്‍ ബാങ്ക് 6.90%-7.40, പഞ്ചാബ് സിന്ധ് ബാങ്ക്- 6.90%- 7.05%. യൂക്കോ ബാങ്ക്-6.90%-7.00%. യൂണിയന്‍ ബാങ്ക് 6.9%. എല്‍ഐസി ഹൗസിംഗ് (എന്‍ബിഎഫ്ബി)- 6.90%-7.40%, പിഎന്‍ബി ഹൗസിംഗ് (എന്‍ബിഎഫ്ബി)- 6.99%-8.00%.

ക്രെഡിറ്റ് സകോര്‍ 750നും 800 നും ഇടയില്‍

ബാങ്ക് ഓഫ് മഹാരാഷ്ട്ര 6.80%- 6.90 % പലിശ നിരക്കില്‍ വായ്പ അനുവദിക്കും. ബാങ്ക് ഓഫ് ഇന്ത്യ- 6.90%, ഇന്ത്യന്‍ ബാങ്ക് 6.90%-7.20%, പഞ്ചാബ് നാഷണല്‍ ബാങ്ക് 6.90%-7.40, പഞ്ചാബ് സിന്ധ് ബാങ്ക്- 6.90%- 7.35 %. യൂക്കോ ബാങ്ക്-6.90%-7.00%, യൂണിയന്‍ ബാങ്ക് 6.9%. എല്‍ഐസി ഹൗസിംഗ് (എന്‍ബിഎഫ്ബി)- 6.90%-7.40%, പിഎന്‍ബി ഹൗസിംഗ്- 6.99%-8.25%.

ക്രെഡിറ്റ് സ്‌കോര്‍ 700നും 750നും ഇടയില്‍

ബാങ്ക് ഓഫ് മഹാരാഷ്ട്ര 6.90 % മുതല്‍ 7.20 ശതമാനം വരെ പലിശയ്ക്ക് ഭവന വായ്പ നല്‍കും. പഞ്ചാബ് നാഷണല്‍ ബാങ്ക് 6.90%-7.60%, യൂക്കോ ബാങ്ക്-6.90%-7.1 %. എല്‍ഐസി ഹൗസിംഗ് (എന്‍ബിഎഫ്ബി)- 6.90%-7.40%,