2024 ൽ ഉയർന്ന വരുമാനം നൽകിയ മ്യൂച്വൽ ഫണ്ടുകൾ ഇവയാണ്

ഒരു മ്യൂച്വൽ ഫണ്ടിൽ നിക്ഷേപിക്കുന്നതിന് മുമ്പ്, അതിന്റെ മുൻകാല റിട്ടേണുകൾ വിലയിരുത്തുകയും അതേ വിഭാഗത്തിലുള്ള മറ്റു ഫണ്ടുകളുമായി താരതമ്യം ചെയ്യുന്നതും സ്വാഭാവികമാണ്. മുൻകാല റിട്ടേണുകൾ ഒരു സ്കീമിന്റെ ഭാവി വരുമാനത്തിന് ഉറപ്പുനൽകുന്നില്ലെങ്കിലും, ഒരു മ്യൂച്വൽ ഫണ്ട് സ്കീമിന്റെ വളർച്ചാ സാധ്യതയുടെ സൂചന അവ നൽകുന്നുണ്ട്. കഴിഞ്ഞ ഒരു വർഷത്തിനിടയിൽ മികച്ച പ്രകടനം നടത്തിയ വലിയ ക്യാപ് സ്കീമുകൾ നൽകിയ റിട്ടേണുകൾ പരിശോധിക്കാം.

ഒറ്റത്തവണ 5 ലക്ഷം നിക്ഷേപിക്കാം, 5 വർഷം കൊണ്ട് 15.5 ലക്ഷം നൽകുന്ന മൂന്നു സ്കീമുകൾ

ലാർജ് ക്യാപ്

കഴിഞ്ഞ ഒരു വർഷത്തിനുള്ളിൽ, ഏകദേശം 20 ശതമാനത്തിന് മുകളിൽ വരുമാനം നൽകിയ അഞ്ച് വലിയ ക്യാപ് സ്കീമുകളുണ്ട്. ഡിഎസ്‌പി ടോപ്പ് 100 ഇക്വിറ്റി ഫണ്ട് 22.24 ശതമാനം വരുമാനം നൽകി. ഫണ്ടിന്റെ വലുപ്പത്തെ അടിസ്ഥാനമാക്കിയാണെങ്കിൽ, 35,779 കോടിയുടെ മൊത്തം ആസ്തിയുള്ള നിപ്പോൺ ഇന്ത്യ ലാർജ് ക്യാപ്പാണ് 19.75 ശതമാനം വാർഷിക വരുമാനമുള്ള ഏറ്റവും വലിയ ഫണ്ട്. വൈറ്റ്ഓക്ക് ക്യാപിറ്റൽ ലാർജ് ക്യാപ് ഫണ്ട് 21.85 ശതമനാവും ഇൻവെസ്കോ ഇന്ത്യ ലാർജ്ക്യാപ് ഫണ്ട് 21.00 ശതമാനവും ബറോഡ ബിഎൻപി പാരിബാസ് ലാർജ് ക്യാപ് ഫണ്ട് 21.35 ശതമാനവും വാർഷിക വരുമാനം നൽകി.

മിഡ് ക്യാപ് ഫണ്ടുകൾ

മിഡ് ക്യാപ് വിഭാഗത്തിൽ 30 ശതമാനത്തിലധികം റിട്ടേൺ നൽകിയ ഏഴ് മ്യൂച്വൽ ഫണ്ട് സ്കീമുകളുണ്ട്. ഇൻവെസ്കോ ഇന്ത്യ മിഡ് ക്യാപ് ഫണ്ടും (44.5 ശതമാനം) എച്ച്എസ്ബിസി മിഡ്ക്യാപ് ഫണ്ടും (ഏകദേശം 40 ശതമാനം) ആണ് ഏറ്റവും ഉയർന്ന വരുമാനം നൽകിയത്.

എഡൽവീസ് മിഡ് ക്യാപ് ഫണ്ട് - 39.07 ശതമാനം

ഫ്രാങ്ക്ലിൻ ഇന്ത്യ പ്രൈമ ഫണ്ട് - 33.07 ശതമാനം

എച്ച്എസ്ബിസി മിഡ്ക്യാപ് ഫണ്ട് - 39.98 ശതമാനം

ഇൻവെസ്കോ ഇന്ത്യ മിഡ് ക്യാപ് ഫണ്ട് - 44.48 ശതമാനം

ജെഎം മിഡ്‌ക്യാപ് ഫണ്ട് - 34.80 ശതമാനം

കൊട്ടക് എമർജിംഗ് ഇക്വിറ്റി ഫണ്ട് - 34.37 ശതമാനം

വൈറ്റ്ഓക്ക് ക്യാപിറ്റൽ മിഡ് ക്യാപ് ഫണ്ട് - 33.73 ശതമാനം

30 വർഷത്തേക്ക് 500 രൂപയോ, 10 വർഷത്തേക്ക് 5,000 രൂപയോ; മികച്ച നിക്ഷേപം തിരഞ്ഞെടുക്കാം

സ്മോൾ ക്യാപ്

സ്മോൾ ക്യാപ് വിഭാഗത്തിൽ ഉയർന്ന വരുമാനം നൽകിയ അഞ്ച് സ്കീമുകളുണ്ട്. ബന്ധൻ സ്‌മോൾ ക്യാപ് ഫണ്ടും എൽഐസി എംഎഫ് സ്‌മോൾ ക്യാപ് ഫണ്ടും ആണ് ഏറ്റവും ഉയർന്ന വരുമാനം (40%-ൽ കൂടുതൽ) നൽകിയത്. ഇൻവെസ്കോ ഇന്ത്യ സ്മോൾക്യാപ് ഫണ്ട് 38.00 ശതമാനവും ഐടിഐ സ്മോൾ ക്യാപ് ഫണ്ട് 34.88 ശതമാനവും ടാറ്റ സ്മോൾ ക്യാപ് ഫണ്ട് 31.52 ശതമാനവും വാർഷിക വരുമാനം നൽകി.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.