നിക്ഷേപം സേഫാണ്, എന്നാൽ പലിശയോ? നികുതി കൊടുത്ത് വലയല്ലേ; ഇതാ മുൻകരുതൽ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

വലിയ വരുമാനമില്ലാത്തവരാണെങ്കിൽ ആദായ നികുതി ബാധകമാകില്ലെന്നാണ് പലരുടെയും ധാരണ. എന്നാൽ നിക്ഷേപങ്ങൾ ആരംഭിക്കുന്നവർ വർഷാ വർഷം വേണ്ട മുൻകരുതലുകൾ എടുത്തില്ലെങ്കിൽ നികുതി കൊടുക്കേണ്ടതായും ആദായ നികുതി റിട്ടേൺ സമർപ്പിക്കേണ്ടതായും വരും. സാധാരണയായി ആദായ നികുതി, ഓരോ വ്യക്തികളും കണക്കാക്കി സർക്കാറിലേക്ക് അടയ്ക്കുന്നതാണ് രീതി.

 

എന്നാൽ വരുമാനം ഉണ്ടാകുന്ന ഘട്ടത്തിൽ തന്നെ നികുതി ഈടാക്കി ബാക്കി തുക കയ്യിൽ തരുന്നതിനെയാണ് സ്രോതസിൽ നിന്നുള്ള നികുതി എന്ന് പറയുന്നത്. നിക്ഷേപങ്ങൾക്ക് പൊതുവെ സ്രോതസിൽ നിന്നുള്ള നികുതിയാണ് ഈടാക്കുന്നത്.

നികുതി

ബാങ്ക് നിക്ഷേപം, ട്രഷറി നിക്ഷേപം, മറ്റ് ധനകാര്യ സ്ഥാപനങ്ങളിലെ നിക്ഷേപത്തിൽ നിന്നുള്ള പലിശ വരുമാനം അനുവദിക്കുന്നതിന് മുൻപ് സ്രോതസിൽ നിന്നുള്ള നികുതി കുറയ്ക്കും. ആദായ നികുതി അടയ്ക്കുന്നവർക്കാണ് സ്രോതസിൽ നിന്നുള്ള നികുതി ബാധകമാകുന്നത്.

നികുതി ദായകരല്ലാത്തവർക്ക് ഇതിൽ ഇളവുണ്ട്. എന്നാൽ നികുതി അടയ്ക്കാത്തവരാണെന്ന് ബാങ്കിനെ വ്യക്തമാക്കേണ്ടത് നിക്ഷേപകന്റെ ഉത്തരവാദിത്വമാണ്. ഇതിനായി നിശ്ചിത ഫോമുകൾ നിക്ഷേമുള്ള ബാങ്കിൽ സമർപ്പിക്കണം ഇത് എങ്ങനെ ചെയ്യാമെന്നും എങ്ങനെ നികുതി ഒഴിവാക്കാമെന്നും നോക്കാം. 

നിക്ഷേപം, പലിശ

നിക്ഷേപം, പലിശ

സ്ഥിര നിക്ഷേപം, ആവർത്തന നിക്ഷേപം പോലുള്ള ബാങ്ക് നിക്ഷേപങ്ങളുടെ പലിശയിൽ നിന്ന് നികുതി പിടിക്കാതിരിക്കാൻ നിശ്ചിത ഫോം സമർപ്പിക്കുകയാണ് വേണ്ടത്. സാമ്പത്തിക വർഷത്തിൽ മൊത്തം വരുമാനം പരിധി കടക്കാത്ത വ്യക്തിയാണെങ്കിൽ 15ജി, 15 എച്ച് ഫോമുകൾ സമർപ്പിക്കണം.

നികുതി ദായകരല്ലെന്ന് സ്വയം സാക്ഷ്യപ്പെടുത്തുന്ന ഫോമുകളാണ് ഇവ. 60 വയസിൽ താഴെ പ്രായമുള്ളൊരാൾക്ക് വാർഷിക വരുമാനം 2.5 ലക്ഷം രൂപയ്ക്കും 60 വയസ് കഴിഞ്ഞൊരാൾക്ക് വാർഷിക വരുമാനം 3 ലക്ഷം രൂപയ്ക്കും താഴെയാണെങ്കിൽ 15ജി, 15എച്ച് ഫോമുകളുടെ ആനുകൂല്യം ലഭിക്കും. 80 കഴിഞ്ഞവരുടെ വരുമാന പരിധി 5 ലക്ഷമാണ്. 60 വയസിന് താഴെ പ്രായമുള്ള നികുതി ദായകരല്ലാത്ത വ്യക്തികൾ 15ജി ഫോം ആണ് സമർപ്പിക്കേണ്ടത്. 60 വയസിന് മുകളില്‍ പ്രായമുള്ളവര്‍ 15എച്ച് ഫോം സമർപ്പിക്കണം. 

15ജി, 15എച്ച് ഫോം

15ജി, 15എച്ച് ഫോം

15എച്ച് ഫോം സമർപ്പിക്കാത്ത മുതിർന്ന പൗരനായൊരാളുടെ ബാങ്ക്, പോസ്റ്റ് ഓഫീസ് എന്നിവിടങ്ങളിലെ നിക്ഷേപത്തിൽ നിന്നുള്ള പലിശ വരുമാനം 50,000 രൂപയിൽ കടന്നാൽ 10 ശതമാനം സ്രോതസിൽ നിന്നുള്ള നികുതി ഈടാക്കും. സാധാരണ നിക്ഷേപകരുടെ പലിശ വരുമാന പരിധി 40,000 രൂപയാണ്. പാൻകാർഡ് സമർപ്പിക്കാത്തവരാണെങ്കിൽ 20 ശതമാനമാണ് നികുതി ഈടാക്കുക.

ബാങ്കിതര ധനകാര്യ സ്ഥാപനങ്ങളിലാണെങ്കിൽ 5,000 രൂപയാണ് പലിശ വരുമാനത്തിന്റെ പരിധി. പലിശ വരുമാനത്തിനൊപ്പം ലാഭ വിഹിതം, വാടക എന്നിവയിൽ നിന്ന് സ്രോതസിൽ നിന്നുള്ള നികുതി ഈടാക്കുന്നത് തടയാൻ 15ജി, 15എച്ച് ഫോമുകൾ ഉപയോ​ഗിക്കാം.

ഫോം സമർപ്പിക്കേണ്ടത് എപ്പോൾ

ഫോം സമർപ്പിക്കേണ്ടത് എപ്പോൾ

ആദായ നികുതി വകുപ്പിന്റെ വെബ്‌സൈറ്റില്‍ നിന്ന് 15ജി, 15എച്ച് ഫോമുകള്‍ ഡൗണ്‍ലോഡ് ചെയ്യാൻ സാധിക്കും. നിക്ഷേപമുള്ള ബാങ്കുകളിലാണ് ഫോം സമർപ്പിക്കേണ്ടത്. ഓരോ മാസത്തിലും സാമ്പത്തിക വർഷത്തിന്റെ ആദ്യ മാസങ്ങളിലാണ് ഫോം സമർപ്പിക്കേണ്ടത്. ഫോം സമര്‍പ്പിച്ചില്ലെങ്കിൽ ബാങ്ക് സ്രോതസിൽ നിന്നുള്ള നികുതി ഈടാക്കി തുടങ്ങും.

ഇതിനാൽ ഓരോ സാമ്പത്തിക വർഷത്തിലും ഏപ്രിൽ മാസത്തിൽ തന്നെ ഫോമുകൾ സമർപ്പിക്കേണ്ടതുണ്ട്. ഫോം സമർപ്പിക്കാൻ സാധിക്കാത്തവർക്ക് ആദായ നികുതി റിട്ടേൺ സമർപ്പിച്ച് ഈടാക്കിയ നികുതി റീഫണ്ട് നേടാൻ സാധിക്കും.

Read more about: income tax investment
English summary

Use 15G, 15H Forms In Banks And Avoid Deducting TDS On Interest Income; Here's Details

Use 15G, 15H Forms In Banks And Avoid Deducting TDS On Interest Income; Here's Details
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X