പിഴയില്ല, ഒപ്പം മനസമാധാനവും; കൃത്യസമയത്ത് ആദായ നികുതി റിട്ടേൺ സമർപ്പിക്കാം; 4 നേട്ടങ്ങളിതാ

ഇന്ത്യയില്‍ സര്‍ക്കാറിന്റെ ഏറ്റവും പ്രധാനപ്പെട്ടൊരു വരുമാന സ്രോതസ് നികുതിയാണ്. ഇതില്‍ തന്നെ പ്രധാനപ്പെട്ടതാണ് ആദായനികുതി. സാമ്പത്തിക വര്‍ഷത്തില്‍ നിശ്ചിത പരിധിക്ക് മുകളില്‍ വരുമാനമുള്ളവരാണെങ്കില്‍ ആദായ നികുതി റിട്ടേണ്‍ സമര്‍പ്പിക്കണം. ഇതിനായി ആദായ നികുതി വകുപ്പ് നിശ്ചയിക്കുന്ന സമയപരിധി കൃത്യമായി പാലിക്കുന്നുണ്ടോ എന്നതാണ് പ്രധാനം.

നിയമപരമായ ബാധ്യതകളില്‍ നിന്ന് സുരക്ഷിതമാകുന്നതിനൊപ്പം കൃത്യസമയത്ത് ആദായ നികുതി റിട്ടേണ്‍ സമര്‍പ്പിക്കുന്നതിന് ഒരുപാട് നേട്ടങ്ങളുണ്ട്. ആദായ നികുതി റിട്ടേണുകള്‍ കൃത്യസമയത്ത് ഫയല്‍ ചെയ്യുക എന്നത് നിയമപരമായ ഉത്തരവാദിത്തം മാത്രമല്ല. ആദായനികുതി റിട്ടേണുകള്‍ കൃത്യസമയത്ത് ഫയല്‍ ചെയ്യുന്നതിലൂടെ പിഴകളും പലിശ നിരക്കുകളും ഒഴിവാക്കാനാകും.

റീഫണ്ട് ക്ലെയിം ചെയ്യാനും മികച്ച ക്രെഡിറ്റ് ഹിസ്റ്ററി ഉണ്ടാക്കാനും സാധിക്കും. ഇതോടൊപ്പം ആദായനികുതി വകുപ്പിന്റെ സൂക്ഷ്മപരിശോധന ഒഴിവാക്കുന്നതിനും കൃത്യസമയത്ത് ആദായ നികുതി റിട്ടേൺ ഫയൽ ചെയ്യേണ്ടത് പ്രധാനമാണ്. ആദായ നികുതി റിട്ടേണ്‍ സമര്‍പ്പിക്കാനുള്ള അവസാന തീയതി ജൂലായ് 31 ആണ്. ഈ സമയ പരിധിക്കുള്ളില്‍ റിട്ടേണ്‍ സമര്‍പ്പിച്ചാല്‍ എന്തൊക്കെ നേട്ടങ്ങളാണെന്ന് വിശദമായി നോക്കാം.

പിഴയും പലിശയും ഒഴിവാക്കാം

ആദായനികുതി റിട്ടേണുകള്‍ വൈകാതെ ഫയല്‍ ചെയ്യുന്നവര്‍ക്കുള്ള ആദ്യ നേട്ടം പിഴയും പലിശയും ഒഴിവാക്കാം എന്നതാണ്. ആദായനികുതി റിട്ടേണ്‍ സമയപരിധിക്കുള്ളില്‍ ഫയല്‍ ചെയ്തില്ലെങ്കില്‍ 5,000 രൂപ പിഴ അടയ്ക്കണം. ഫയല്‍ തുടരുകയാണെങ്കില്‍, പിഴ 10,000 രൂപയിലെത്താം.

കൂടാതെ, നിങ്ങള്‍ എന്തെങ്കിലും നികുതികള്‍ നല്‍കുകയും സമയപരിധിക്കുള്ളില്‍ അവ അടയ്ക്കാതിരിക്കുകയും ചെയ്താല്‍, നിങ്ങള്‍ ഇപ്പോഴും കുടിശ്ശികയുള്ള തുകയ്ക്ക് പലിശ നല്‍കേണ്ടിവരും. നിങ്ങളുടെ ആദായ നികുതി റിട്ടേണുകള്‍ സമയബന്ധിതമായി ഫയല്‍ ചെയ്യുന്നതിലൂടെ ഈ പിഴകളും പലിശ ഫീസും ഒഴിവാക്കാനാകും. 

റീഫണ്ട്

റീഫണ്ടിന് യോഗ്യതയുള്ളവരാണെങ്കില്‍ കൃത്യസമയത്ത് ആദായ നികുതി റിട്ടേണ്‍ ഫയല്‍ ചെയ്യുന്നവര്‍ക്ക് റീഫണ്ട് ക്ലെയിം ചെയ്യാന്‍ സാധിക്കും. അടയ്‌ക്കേണ്ടതിനേക്കാള്‍ കൂടുതല്‍ നികുതി അടച്ചവര്‍ക്ക് റീഫണ്ട് ലഭിക്കും. കൃത്യസമയത്ത് ആദായ നികുതി റിട്ടേണ്‍ സമര്‍പ്പിച്ചാല്‍ മാത്രമെ റീഫണ്ടിന് യോഗ്യതയുണ്ടാവുകയുള്ളൂ. 

മികച്ച ഫിനാന്‍ഷ്യല്‍ ഹിസ്റ്ററി ഉണ്ടാക്കാം

കൃത്യസമയത്ത് ആദായ നികുതി റിട്ടേണ്‍ സമര്‍പ്പിക്കുന്നത് മികച്ച ക്രെഡിറ്റ് സ്‌കോര്‍ ഉണ്ടാക്കിയെടുക്കാന്‍ സാധിക്കും. ബാങ്കില്‍ നിന്ന് വായ്പകളെടുക്കുന്നതിനും ക്രെഡിറ്റ് കാര്‍ഡ് സ്വന്തമാക്കുന്നതിനും മികച്ച ക്രെഡിറ്റ് സ്‌കോര്‍ സഹായകമാണ്.

കൃത്യസമയത്ത് ആദായനികുതി റിട്ടേണ്‍ ഫയല്‍ ചെയ്യുമ്പോള്‍ നികുതിദായകന്‍ കൃത്യസമയത്ത് നികുതി അടയ്ക്കുന്ന വ്യക്തിയാണെന്ന് വായ്പ സ്ഥാപനങ്ങള്‍ക്ക് മനസിലാക്കും. 

പരിശോധനകള്‍ ഒഴിവാക്കാം

ആദായ നികുതി റിട്ടേണുകള്‍ കൃത്യസമയത്ത് സമര്‍പ്പിക്കുന്നതിലൂടെ നികുതിദായകർക്ക് ആദായനികുതി വകുപ്പിന്റെ ഓഡിറ്റുകളും പരിശോധനകളും ഒഴിവാക്കാനാകും. സമയപരിധിക്ക് ശേഷം നിങ്ങളുടെ ആദായ നികുതി റിട്ടേണ്‍ സമര്‍പ്പിക്കുകയാണെങ്കില്‍ പരിശോധനകൾ നേരിടേണ്ടി വന്നേക്കാം. ആദായ നികുതി റിട്ടേണുകള്‍ കൃത്യസമയത്ത് സമര്‍പ്പിക്കുന്നത് വഴി ഇത്തരം നടപടികളിൽ നിന്ന് ഒഴിവാകാനാകും.

ആദായ നികുതി റിട്ടേൺ ഫയൽ ചെയ്യാം

ആദായ നികുതി റിട്ടേൺ ഫയൽ ചെയ്യുമ്പോൾ ശ്രദ്ധിക്കേണ്ട പ്രധാന കാര്യമാണ് നികുതി വ്യവസ്ഥ. 2023-24 അസസ്മെന്റ് ഇയറിൽ ആദായനികുതി നിയമത്തിലെ സെക്ഷൻ 115ബിഎസി പ്രകാരം പുതിയ നികുതി വ്യവസ്ഥയാണ് ഡിഫോൾട്ട് വ്യവസ്ഥയാകുന്നത്. നികുതിദായകർ പഴയ നികുതി വ്യവസ്ഥ തിരഞ്ഞെടുക്കാൻ ആഗ്രഹിക്കുന്നുവെങ്കിൽ ഫോം സമർപ്പിച്ച് പഴയ നികുതി വ്യവസ്ഥ തിരഞ്ഞെടുക്കണം.

റിട്ടേണ്‍ സമര്‍പ്പിക്കുന്നതിന് മുന്‍പായി ഫോം 16, 26എസ്, എഐഎസ്, ബാങ്ക് സ്‌റ്റേറ്റ്‌മെന്റ്, നിക്ഷേപ രേഖകള്‍ തുടങ്ങിയ വിവിധ രേഖകള്‍ ആവശ്യമായുണ്ട്. ആദായ നികുതി റിട്ടേണ്‍ സമര്‍പ്പിക്കുന്നതിന് മുന്‍പ് ആവശ്യമായ രേഖകളെല്ലാം ഉണ്ടെന്ന് ഉറപ്പ് വരുത്തണം.