ചെക്ക് കൈമാറുമ്പോള് നമ്മള് പ്രധാനപ്പെട്ട കുറച്ചു കാര്യങ്ങള് അറിഞ്ഞിരിക്കണം. ഇല്ലെങ്കില് ചെക്ക് ബൗണ്സ്സ് ആകുന്നതായിരിക്കും. അതു കൂടാതെ ചെക്ക് മുഖേന എന്തെങ്കിലും പ്രശ്നം ഉണ്ടായാല് നെഗോഷ്യബിള് ഇന്സ്ട്രുമെന്റ് ആക്റ്റ് സെക്ഷന് 138 പ്രകാരം രണ്ട് വര്ഷം ജയില് ശിക്ഷയും പിഴയും അടയ്ക്കേണ്ടി വരുന്നതാണ്.
എന്തൊക്കെ കാര്യങ്ങള് ശ്രദ്ധിക്കണം?
അപര്യാപ്തമായ ഫണ്ടുകള്
ചെക്ക് കൊടുക്കുമ്പോള് ചെക്ക് എമൗണ്ടിനേക്കാള് തുക നിങ്ങളുടെ അക്കൗണ്ടില് ഉണ്ടോ എന്ന് ഉറപ്പു വരുത്തേണ്ടതാണ്.
ക്രമരഹിതമായ ഒപ്പ്
ബാങ്കില് നിങ്ങള് നല്കിയിരിക്കുന്ന ഒപ്പും ചെക്കിലെ ഒപ്പും ഒരു പോലെ ആയിരിക്കണം.
പോസ്റ്റ് ഡേറ്റ് ചെക്കുകള്
പോസ്റ്റ് ഡേറ്റഡ് ചെക്കുകള് കൊടുക്കാവുന്നതാണ്. ഡേറ്റ് എഴുതി മൂന്നു മാസത്തിനുളളില് ചെക്ക് ബാങ്കില് ഹാജരാക്കി പണം എടുക്കണം.അക്കൗണ്ടില് ബാലന്സ്സ് ഉണ്ടോ എന്ന് ഉറപ്പു വരുത്തുകയും വേണം.
ഓള്ട്രേഷന്സ്സ്
ചെക്കില് പേരിലോ തുകയിലോ ഒപ്പിലോ ഒരു ഓള്ട്രേഷന്സ്സും നടത്താന് പാടില്ല.
ഫ്രോസണ് അക്കൗണ്ട്
സര്ക്കാരോ ഗവണ്മെന്റോ നിങ്ങളുടെ അക്കൗണ്ട് ഫ്രീസ്സ് ചെയ്തിട്ടുണ്ടെങ്കില് ഒരു കാരണവശാലും ചെക്ക് കൈമാറാന് പാടില്ല.