കറന്‍സിരഹിത ഇടപാടുകള്‍ക്ക് ഇനി ഫോണ്‍പേ ആപ്പും ഉപയോഗിക്കാം

ഫോണ്‍പേ പ്രവര്‍ത്തിക്കുന്നതെങ്ങനെ?

ഫോണ്‍പേ ഒരു യുപിഐ അടിസ്ഥാന ആപ്പായതുകൊണ്ട് തന്നെ ഉപഭോക്താവിന് അവരുടെ ബാങ്ക് അക്കൗണ്ടുകള്‍ ഈ ആപ്പുമായി ബന്ധിപ്പിക്കാവുന്നതാണ്. രജിസ്റ്റര്‍ ചെയ്ത മൊബൈല്‍ നമ്പര്‍ വഴിയോ യുപിഐലൂടെയോ അതിവേഗം പണം ട്രാന്‍സ്ഫര്‍ ചെയ്യാം.

ഫോണ്‍പേ ആപ്പ് നിങ്ങളുടെ മൊബൈലില്‍ എങ്ങനെ ലഭ്യമാകും?

ഗൂഗിള്‍ പ്ലേ സ്റ്റോറില്‍ നിന്നാണ് ഫോണ്‍പേ ആപ്പ് ഡൗണ്‍ലോഡ് ചെയ്യേണ്ടത്. സാധാരണ ഓണ്‍ലൈന്‍ വാലറ്റുകള്‍ പോലെതന്നെ ധനപരമായ ഏതിടപാടുകള്‍ക്കും ഫോണ്‍പേ ഉപയോഗിക്കാം. ഫ്‌ളിപ്പ്ക്കാര്‍ട്ടാണ് കഴിഞ്ഞ ഓഗസ്റ്റില്‍ ആദ്യമായി ഫോണ്‍പേ ആപ്പ് ഉപയോഗിച്ച് തുടങ്ങിയത്. ഇപ്പോള്‍ ഫ്‌ളിപ്പ്ക്കാര്‍ട്ട് മണിക്കു പകരം ഫോണ്‍പേയാണ് ഇടപാടുകള്‍ക്കായുപയോഗിക്കുന്നത്.

ഫോണ്‍പേ ആപ്പില്‍ എന്തൊക്കെ ഇടപാടുകള്‍ നടത്താം?

• നിങ്ങളുടെ കോണ്‍ടാക്‌സ് ലിസ്റ്റിലുള്ള ആരുമായും ഏതു സമയത്തും പണമിടപാടുകള്‍ നടത്താം.
• മൊബൈല്‍, ഇന്റര്‍നെറ്റ്, ഡിറ്റിഎച്ച് തുടങ്ങിയവ റീച്ചാര്‍ജ് ചെയ്യാം.
• രാജ്യത്തെ മുന്‍നിര സേവനധാതാക്കളുടെ ലാന്‍ഡ്‌ലൈന്‍-മൊബൈല്‍-ഡാറ്റാകാര്‍ഡ് ബില്ലുകള്‍ ഫോണ്‍പേയിലൂടെ അടയ്ക്കാം.
• ഗ്യാസ്- ഇലക്ട്രിസിറ്റി ബില്ലുകളും ഇതുവഴി അടയ്ക്കാവുന്നതാണ്.
• ഫ്‌ളിപ്പ്ക്കാര്‍ട്ടില്‍ , ഷോപ്പിംഗിന് ഫോണ്‍പേ ആപ്പ് ഉപയോഗിക്കാം.

 

 



ഫോണ്‍പേ ഉടന്‍ ഈ ആപ്പുകളിലും.

നിലവില്‍ ഫ്‌ളിപ്പകാര്‍ട്ടില്‍ മാത്രമാണ് ഫോണ്‍പേയിലൂടെ ഇടപാടുകള്‍ നടത്താന്‍ സാധിക്കുന്നത്. മിന്‍ത്ര, ജബോഗ് തുടങ്ങിയ ഷോപ്പിംഗ് ആപ്പുകളില്‍ ഉടന്‍ തന്നെ ഫോണ്‍പേ ആരംഭിക്കും. ഒരു ലക്ഷം രൂപവരെയുള്ള ഡിജിറ്റലിടപാടുകളാണ് ഈ ആപ്പിലൂടെ നടത്താന്‍ സാധിക്കന്നത്.
ഹിന്ദി, തമിഴ്, ബംഗാളി, മറാഠി എന്നീ ഭാഷകളിലാണ് ഫോണ്‍പേ ആപ്പ് നിലവില്‍ ലഭിക്കുന്നത്. മറ്റ് ഭാഷകളിലും ഉടന്‍തന്നെ ഫോണ്‍പേ ലഭ്യമാകും.