നിങ്ങളുടെ വോട്ടേഴ്സ് ഐഡി കാർഡിലെ പേരും വിലാസവും ഓൺലൈനായി മാറ്റാം; ചെയ്യേണ്ട കാര്യങ്ങൾ ഇതാ

ലോക്‌സഭാ തെരഞ്ഞെടുപ്പിന് ഇനി വെറും ആഴ്ചകള്‍ മാത്രം അവശേഷിക്കെ, വോട്ടേഴ്സ് ഐഡി കാർഡിലെ നിങ്ങളുടെ തെറ്റായ പേരും വിലാസവും തിരുത്താൻ ഇതാ എളുപ്പ മാർ​ഗം. ആവശ്യമായ രേഖകളുമായി അതത് മണ്ഡലത്തിലെ തെരഞ്ഞെടുപ്പ് ഓഫീസുകളിൽ കയറിയിറങ്ങേണ്ട പകരം ഓൺലൈൻ ആയി പേരും വിലാസവും തിരുത്താനുള്ള വഴിയിതാ..

സ്റ്റെപ് 1

• ആദ്യം നാഷണൽ വോട്ടേഴ്സ് സർവീസ് പോർട്ടലായ www.nvsp.in എന്ന വെബ്‌സൈറ്റ് തുറക്കുക. "Apply online for registration of new voter/due to shifting from AC" എന്ന ഓപ്ഷന്‍ തെരഞ്ഞെടുക്കുക.

• നിങ്ങളുടെ ഇഷ്ട ഭാഷ തിരഞ്ഞെടുക്കുന്നതിനുള്ള ഓപ്ഷനിൽ ക്ലിക്ക് ചെയ്യുക. ഭാഷ തിരഞ്ഞെടുക്കുക.

സ്റ്റെപ് 2

ഫോം 8A തെരഞ്ഞെടുക്കുക. ഈ ഫോമില്‍ താഴെ പറയുന്ന വിവരങ്ങൾ രേഖപ്പെടുത്തുക.
നിങ്ങളുടെ പേര്
പുതിയ വിലാസം
സംസ്ഥാനം
മണ്ഡലം
പഴയ വിലാസം

സ്റ്റെപ് 3

നിങ്ങളുടെ പുതിയ വിലാസം തെളിയുന്നതിന് ആവശ്യമായ രേഖകൾ അപ്‍ലോഡ് ചെയ്യുക. താഴെ പറയുന്നതിൽ ഏതെങ്കിലും രേഖകൾ വിലാസം തെളിയിക്കുന്നതിന് ഉപയോ​ഗിക്കാവുന്നതാണ്.

• ആധാര്‍ കാര്‍ഡ്
• ബാങ്ക് പാസ്ബുക്ക്
• ഇന്ത്യൻ പാസ്പോർട്ട്
• ഡ്രൈവിങ് ലൈസൻസ്
• കിസാൻ/ പോസ്റ്റ് ഓഫീസ് പാസ്ബുക്ക്
• റേഷൻ കാർഡ്‌
• ടെലിഫോൺ ബിൽ
• വൈദ്യുതി ബിൽ
• ഗ്യാസ് കണക്ഷൻ ബിൽ

സ്റ്റെപ് 4

• ഫോം പൂര്‍ണമായും പൂരിപ്പിച്ചതിന് ശേഷം രേഖകൾ അപ്ലോഡ് ചെയ്യുക.

• തുടർന്ന് സബ്മിറ്റ് ബട്ടണ്‍ ക്ലിക്ക് ചെയ്യുക.

സ്റ്റെപ് 5

തുടർന്ന് നിങ്ങള്‍ക്ക് ലഭിക്കുന്ന റഫറന്‍സ് നമ്പര്‍ സൂക്ഷിച്ച് വയ്ക്കുക. ഈ നമ്പര്‍ ഉപയോഗിച്ച് നിങ്ങള്‍ക്ക് അപേക്ഷയുടെ സ്റ്റാറ്റസ് പരിശോധിക്കാവുന്നതാണ്. നിങ്ങള്‍ നല്‍കിയ വിവരങ്ങള്‍ തെരഞ്ഞെടുപ്പ് ഉദ്യോഗസ്ഥര്‍ പരിശോധിച്ച ശേഷം നിങ്ങളെ പുതിയ വോട്ടര്‍ പട്ടികയില്‍ പുതിയ വിലാസത്തില്‍ ഉള്‍പ്പെടുത്തും.

ശ്രദ്ധിക്കേണ്ട കാര്യങ്ങൾ

• രേഖകൾ അപ്‍ലോ‍ഡ് ചെയ്യുമ്പോൾ, ചിത്രത്തിന്റെ സൈസ് 2 എംബിയിൽ കൂടുതൽ ആകാൻ പാടില്ല

• ഫോർമാറ്റുകൾ JPG, PNG, BMP, JPEG എന്നിവയിൽ ആയിരിക്കണം

malayalam.goodreturns.in