നിങ്ങളുടെ കുട്ടിക്ക് ആധാർ കാർഡുണ്ടോ? അറിയേണ്ട മുഴുവൻ കാര്യങ്ങൾ ഇതാ

ആധാർ എൻറോൾമെന്റ്

കുട്ടികൾക്കുള്ള ആധാർ എൻറോൾമെന്റ് മുതിർന്നവരുടേതിന് സമാനമാണ്. മാതാപിതാക്കൾ അടുത്തുള്ള എൻറോൾമെന്റ് സെന്ററിൽ പോയി എൻറോൾമെന്റ് ഫോം പൂരിപ്പിക്കണം. ഒരു കുട്ടിക്കുള്ള ആധാർ കാർഡ് സൌജന്യമായി നൽകും. 5 വയസ്സിന് താഴെയുള്ള കുട്ടികളുടെ കാര്യത്തിൽ ബയോമെട്രിക് ഡാറ്റ ആവശ്യമില്ല.

ബയോമെട്രിക് അപ്‌ഡേറ്റ്

മാതാപിതാക്കളുടെ യുഐഡി കണക്കിലെടുത്താകും കുട്ടിയുടെ ആധാർ നമ്പർ നൽകുക. എന്നിരുന്നാലും, 5 വയസും 15 വയസും തികയുമ്പോൾ കുട്ടിയുടെ ഡെമോഗ്രാഫിക് ഡാറ്റ അപ്‌ഡേറ്റ് ചെയ്യേണ്ടത് ആവശ്യമാണ്. പത്ത് വിരലുകളുടെ ബയോമെട്രിക്സ്, ഫോട്ടോ, ഐറിസ് സ്കാൻ എന്നിവ ആവശ്യമാണ്. നിർബന്ധിത ബയോമെട്രിക് അപ്‌ഡേറ്റിനായി നിങ്ങളുടെ കുട്ടിയെ 5 വയസ്സിലും 15 വയസ്സിലും അടുത്തുള്ള ആധാർ കേന്ദ്രത്തിൽ കൊണ്ടുപോകണം.

കുട്ടികൾക്കായി ആധാർ കാർഡിന് അപേക്ഷിക്കേണ്ടത് എങ്ങനെ?

• നിങ്ങളുടെ കുട്ടിയ്ക്ക് ആധാർ എടുക്കുന്നതിന് അടുത്തുള്ള ആധാർ കേന്ദ്രത്തിൽ പോകുക.
• കുട്ടിയുടെ ജനന സർട്ടിഫിക്കറ്റിനൊപ്പം രക്ഷകർത്താവിന്റെ ആധാർ ആവശ്യമാണ്.
• അഞ്ച് വയസ്സ് വരെ കുട്ടികളിൽ നിന്ന് ബയോമെട്രിക് ശേഖരിക്കില്ല.
• കുട്ടിയുടെ ആധാർ മാതാപിതാക്കളുടെ ആധാറുമായി ബന്ധിപ്പിക്കും.

ആവശ്യമുള്ള രേഖകൾ

• കുട്ടിയുടെ ജനന സർട്ടിഫിക്കറ്റ് അല്ലെങ്കിൽ കുട്ടികളുടെ സ്കൂൾ നൽകുന്ന ഫോട്ടോ ഐഡി.
• കുട്ടിയുടെ മാതാപിതാക്കളുടെ ആധാർ കാർഡ് വിശദാംശങ്ങൾ.
• കുട്ടിയുടെ മാതാപിതാക്കളുടെ വിലാസവും ഐഡി തെളിവും

ഓൺലൈനിൽ അപ്പോയിന്റ്മെന്റ് എങ്ങനെ ബുക്ക് ചെയ്യാം

• യുഐ‌ഡി‌ഐ‌ഐയുടെ വെബ്‌സൈറ്റ് സന്ദർശിച്ച് ആധാർ കാർഡ് രജിസ്ട്രേഷൻ ലിങ്കിലേക്ക് പോകുക.
• കുട്ടിയുടെ പേര്, രക്ഷകർത്താവിന്റെ മൊബൈൽ നമ്പർ, രക്ഷകർത്താവിന്റെ ഇ-മെയിൽ ഐഡി തുടങ്ങിയ വിശദാംശങ്ങൾ പൂരിപ്പിക്കുക.
• വ്യക്തിഗത വിശദാംശങ്ങൾ പൂരിപ്പിച്ച ശേഷം, മറ്റ് വിശദാംശങ്ങൾ നൽകുക.
• 'ഫിക്സ് അപ്പോയിന്റ്മെന്റ്' ബട്ടൺ ക്ലിക്കുചെയ്യുക.
• അപ്പോയിന്റ്മെന്റ് തീയതിയിൽ ആവശ്യമായ എല്ലാ രേഖകളും റഫറൻസ് നമ്പറും ഫോമിന്റെ പ്രിന്റ് ഔട്ട് സഹിതം കേന്ദ്രത്തിൽ കൊണ്ടുപോകാൻ മറക്കരുത്.
• കേന്ദ്രത്തിൽ, എല്ലാ രേഖകളും പരിശോധിക്കും. പരിശോധന നടത്തിയ ശേഷം, കുട്ടിക്ക് 5 വയസ്സിന് മുകളിലാണെങ്കിൽ, കുട്ടിയുടെ ബയോമെട്രിക് വിശദാംശങ്ങൾ എടുത്ത് അവരുടെ ആധാർ കാർഡുമായി ലിങ്കുചെയ്യും.

സൌജന്യം

5 വയസും 15 വയസും തികയുമ്പോൾ കുട്ടിയുടെ ബയോമെട്രിക്സ് അപ്‌ഡേറ്റ് ചെയ്യണം. ഇത് തികച്ചും സൌജന്യമായിരിക്കും, കൂടാതെ ബയോമെട്രിക്സ് അപ്ഡേറ്റ് ചെയ്യുന്നതിന് ഒരു രേഖയും ആവശ്യമില്ല. കുട്ടിയേയും ആധാർ കാർർും അടുത്തുള്ള ഏതെങ്കിലും ആധാർ കേന്ദ്രത്തിലേക്ക് എത്തിച്ചാൽ മാത്രം മതി.