ഒരു പേഴ്സണൽ ലോണിനായി എവിടെയൊക്കെ അപേക്ഷിക്കാം? എന്തൊക്കെ ചെയ്യണം? വിശദമായി വായിക്കാം...

ബാങ്കുകൾ, നോൺ-ബാങ്കിംഗ് ഫിനാൻഷ്യൽ കമ്പനികൾ, ഡിജിറ്റൽ ലെൻഡിംഗ് പ്ലാറ്റ്‌ഫോമുകൾ തുടങ്ങി എവിടെനിന്നും പേഴ്സണൽ ലോൺ നേടിയെടുക്കാവുന്നതാണ്. സാധാരണഗതിയിൽ, ഒരാൾ പേഴ്സണൽ ലോണിനായി ബാങ്കിനെയാണ് ആദ്യം സമീപിക്കുന്നത്. ബാങ്ക് അപേക്ഷ നിരസിച്ചാൽ, ഒരു എൻബിഎഫ്‌സി അല്ലെങ്കിൽ ഡിജിറ്റൽ ലെൻഡിംഗ് ആപ്പിനെ സമീപിക്കാം. പേഴ്സണൽ ലോൺ തേടുന്നതിനുള്ള അഞ്ച് പ്രധാന ഓപ്ഷനുകൾ ഇവയാണ്.

എസ്.ബി.ഐയുടെ ഈ സ്കീമിലൂടെ നിങ്ങൾക്ക് ലക്ഷങ്ങൾ സമ്പാദിക്കാം: പുതിയ നിക്ഷേപ പദ്ധതികൾ ഏതാണ്?

1. ബാങ്കുകൾ

സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ), പഞ്ചാബ് നാഷണൽ ബാങ്ക്, ബാങ്ക് ഓഫ് ബറോഡ തുടങ്ങിയ പൊതുമേഖലാ ബാങ്കുകളിൽ നിന്നോ ഐസിഐസിഐ ബാങ്ക്, കൊട്ടക് മഹീന്ദ്ര ബാങ്ക്, ആക്സിസ് ബാങ്ക് തുടങ്ങിയ സ്വകാര്യമേഖല ബാങ്കുകളിൽ നിന്നോ വായ്പ തേടാം.

2. നോൺ-ബാങ്കിംഗ് ഫിനാൻഷ്യൽ കമ്പനികൾ (NBFCs)

ബജാജ് ഫിൻസെർവ്, ടാറ്റ ക്യാപിറ്റൽ, മുത്തൂറ്റ് ഫിനാൻസ്, ആദിത്യ ബിർള ഫിനാൻസ് എന്നിവ ഉൾപ്പെടുന്നു. ബാങ്കുകളേക്കാൾ ഫ്ലെക്സിബിലിറ്റിയും വേഗത്തിലുള്ള ലോൺ പാസാക്കൽ പ്രക്രിയയും എൻബിഎഫ്‌സികളുടെ ചില പ്രത്യേകതകളാണ്.

3. ഡിജിറ്റൽ ലെൻഡിംഗ് പ്ലാറ്റ്‌ഫോമുകൾ

പേഴ്സണൽ ലോൺ വാഗ്‌ദാനം ചെയ്യുന്ന നിരവധി ഡിജിറ്റൽ പ്ലാറ്റ്‌ഫോമുകൾ ഉണ്ട്. ഏറ്റവും കുറഞ്ഞ പേപ്പർ വർക്ക്, തൽക്ഷണ അംഗീകാരങ്ങൾ, വിതരണങ്ങൾ എന്നിവ ഇവയുടെ ചില നേട്ടങ്ങളാണ്.

4. സഹകരണ ബാങ്കുകൾ

സഹകരണ ബാങ്കുകളെ പേഴ്സണൽ ലോണുകൾക്കായി ആശ്രയിക്കുന്നവർ കുറവാണ്. ഗ്രാമപ്രദേശങ്ങളിൽ അവ വളരെ ജനപ്രിയമാണ്.

vഇനി ആർക്കും എവിടെ നിന്നും പണം അയക്കാം; 2025ൽ പുതിയ ഫീച്ചറുകളുമായി യു.പി.ഐ

വായ്പയ്ക്ക് അപേക്ഷിക്കേണ്ടത് എങ്ങനെ?

1. യോഗ്യത: വായ്പ നൽകുന്നയാളുടെ വരുമാനം, പ്രായം, ക്രെഡിറ്റ് സ്കോർ തുടങ്ങിയ മാനദണ്ഡങ്ങൾ പരിശോധിക്കാറുണ്ട്.

2. രേഖകൾ: ഐഡി പ്രൂഫ്, അഡ്രസ് പ്രൂഫ്, ഇൻകം പ്രൂഫ്, ബാങ്ക് സ്റ്റേറ്റ്‌മെന്റുകൾ എന്നിവ ഉൾപ്പെടുന്നു.

3. ഓപ്ഷനുകൾ താരതമ്യം ചെയ്യുക: പലിശ നിരക്കുകൾ, പ്രോസസ്സിംഗ് ഫീസ്, തിരിച്ചടവ് നിബന്ധനകൾ എന്നിവ മറ്റു ധനകാര്യ സ്ഥാപനങ്ങളുമായി താരതമ്യം ചെയ്യുക

4. ഓൺലൈൻ അല്ലെങ്കിൽ ഓഫ്‌ലൈൻ ആപ്ലിക്കേഷൻ: വെബ്‌സൈറ്റ്, മൊബൈൽ ആപ്പ് അല്ലെങ്കിൽ അടുത്തുള്ള ബ്രാഞ്ച് സന്ദർശിച്ച് അപേക്ഷിക്കുക.

5. ലോൺ വിതരണം: അപേക്ഷ സ്വീകരിച്ചാൽ വായ്പ തുക നിങ്ങളുടെ ബാങ്ക് അക്കൗണ്ടിലേക്ക് നേരിട്ട് ക്രെഡിറ്റ് ചെയ്യപ്പെടും.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് വായ്പ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. സ്വന്തം റിസ്‌കില്‍ മാത്രം വായ്പ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.