ആധാർ സേവനങ്ങൾക്ക് ഓൺലൈൻ അപ്പോയിന്റ്മെന്റ് എടുക്കാം, എങ്ങനെ ബുക്ക് ചെയ്യാം?

ആധാർ സേവാ കേന്ദ്രം സന്ദർശിക്കുന്നതിന് മുമ്പ് ഇനി ഉപഭോക്താക്കൾക്ക് ആധാറിന്റെ ഓൺലൈൻ അപ്പോയിന്റ്മെന്റ് സേവനം തിരഞ്ഞെടുക്കാം. പാസ്‌പോർട്ട് വകുപ്പ് വാഗ്ദാനം ചെയ്യുന്ന അപ്പോയിന്റ്മെന്റ് സൗകര്യം പോലെ തന്നെയാണ് ആധാറിന്റെ ഓൺലൈൻ അപ്പോയിന്റ്മെന്റ്. ഉപഭോക്താക്കളിലൊരാൾ മൊബൈൽ നമ്പർ ആധാ‍ർ കേന്ദ്രം സന്ദർശിച്ച് മാറ്റിയതിന്റെ അനുഭവം ട്വീറ്റ് ചെയ്യുകയും ആധാർ സേവ കേന്ദ്രത്തിൽ നൽകുന്ന ദ്രുത സേവനങ്ങളെ അഭിനന്ദിക്കുകയും ചെയ്തു.

ഒരു പുതിയ ആധാർ കാർഡിനായി അപേക്ഷിക്കുകയോ നിങ്ങളുടെ നിലവിലുള്ളതിൽ എന്തെങ്കിലും മാറ്റങ്ങൾ വരുത്തുകയോ ചെയ്യാനായി യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐ‌ഡി‌ഐ‌ഐ) ഓൺലൈൻ അപ്പോയിന്റ്മെന്റ് ബുക്കിംഗ് സൗകര്യം ആരംഭിച്ചതിനാൽ നിങ്ങൾ ബാങ്ക് അല്ലെങ്കിൽ പോസ്റ്റ് ഓഫീസ് ക്യൂകളിൽ നിൽക്കേണ്ടതില്ല.

ആധാർ സേവനങ്ങൾക്ക് ഓൺലൈൻ അപ്പോയിന്റ്മെന്റ് എടുക്കാം, എങ്ങനെ ബുക്ക് ചെയ്യാം?

നിങ്ങൾക്ക് ഇഷ്ടമുള്ള ഒരു ആധാർ കേന്ദ്രത്തിൽ, യുഐ‌ഡി‌ഐഎ‌ഐ നടത്തുന്ന ആധാർ സേവാ കേന്ദ്രത്തിൽ അല്ലെങ്കിൽ രജിസ്ട്രാർ നടത്തുന്ന ആധാർ സേവാ കേന്ദ്രത്തിൽ നിന്ന് നിങ്ങൾക്ക് എളുപ്പത്തിൽ അപ്പോയിന്റ്മെന്റ് ബുക്ക് ചെയ്യാം. www.uidai.gov.in എന്നതിലേക്ക് പോകുക, അടുത്തതായി, My Aadhaarലേയ്ക്ക് പോകുക, 'Book an appointment' ഓപ്ഷനിൽ ക്ലിക്കുചെയ്യുക.

ഇനിപ്പറയുന്ന സേവനങ്ങൾ ലഭിക്കുന്നതിന് നിങ്ങൾക്ക് അപ്പോയിന്റ്മെന്റ് ബുക്ക് ചെയ്യാവുന്നതാണ്.

• പുതിയ ആധാർ എൻറോൾമെന്റ്
• പേര് തിരുത്തൽ
• വിലാസം പുതുക്കൽ
• മൊബൈൽ നമ്പർ തിരുത്തൽ
• ഇമെയിൽ ഐഡി തിരുത്തൽ
• ജനനത്തീയതി മാറ്റൽ
• ലിംഗ അപ്‌ഡേറ്റ്
• ബയോമെട്രിക് (ഫോട്ടോ + ഫിംഗർപ്രിൻറുകൾ + ഐറിസ്) അപ്‌ഡേറ്റ്