പ്രധാൻ മന്ത്രി ജീവൻ ജ്യോതി ഭീമ യോജന പദ്ധതി ഇന്ത്യ പോസ്റ്റ് പേയ്മെന്റ് ബാങ്കിലും തുടങ്ങാം

ലഭ്യത

കുറഞ്ഞ ചെലവിലുള്ള ഇൻഷുറൻസ് പദ്ധതി ജനസംഖ്യയുടെ വലിയൊരു വിഭാഗത്തെ സാമ്പത്തിക മുഖ്യധാരയിലേക്ക് കൊണ്ടുവരാൻ ശ്രമിക്കുന്നു. ഇന്ത്യ പോസ്റ്റ് പേയ്‌മെന്റ് ബാങ്ക് അക്കൌണ്ടുള്ള എല്ലാ വ്യക്തികൾക്കും പദ്ധതിയിൽ അംഗങ്ങളാകാം. പദ്ധതിയുടെ കുറഞ്ഞ പ്രവേശന പ്രായം 18 വയസ്സാണ്. പരമാവധി പ്രായം 50 വയസ്സാണ്.

ആർക്കൊക്കെ അപേക്ഷിക്കാം?

ഇന്ത്യ പോസ്റ്റ് പേയ്മെന്റ് ബാങ്കിലെ എല്ലാ സേവിംഗ്സ് അക്കൌണ്ട് ഉടമകൾക്കും ഈ സ്കീം ഓപ്ഷണലായിരിക്കും. പ്രധാൻ മന്ത്രി ജീവൻ ജ്യോതി ഭീമ യോജനയ്ക്ക് കീഴിൽ ഒരു അക്കൗണ്ട് തുറക്കുന്നതിനുള്ള പ്രാഥമിക നോ യുവർ കസ്റ്റമർ (കെവൈസി) പ്രമാണം ആധാർ കാർഡ് ആണ് സ്കീമിന് കീഴിലുള്ള ആനുകൂല്യങ്ങൾ പ്രകാരം, ഇൻഷ്വർ ചെയ്ത അംഗത്തിന്റെ മരണശേഷം, 2 ലക്ഷം രൂപ നോമിനിയ്ക്ക് നൽകും.

പ്രീമിയം തുക

പ്രതിവർഷം 330 രൂപ പ്രീമിയം ഉപഭോക്താക്കൾ അടയ്‌ക്കണം. ഈ സ്കീം ഒരു വർഷത്തെ കവർ ആയിരിക്കും നൽകുക. വർഷം തോറും പുതുക്കാവുന്നതാണിത്. പുതുക്കേണ്ട നിശ്ചിത സമയ പരിധി എല്ലാ വർഷവും ജൂൺ 1 മുതൽ മെയ് 31 വരെയാണ്. പ്രതിവർഷം ഉപഭോക്താവിന്റെ സേവിംഗ്സ് അക്കൗണ്ടിൽ നിന്ന് പ്രീമിയം കുറയ്ക്കും. 55 വയസ്സ് പൂർത്തിയാകുമ്പോൾ, അംഗത്തിന്റെ ലൈഫ് കവർ അവസാനിപ്പിക്കും.

നികുതി ആനുകൂല്യങ്ങൾ

എൻറോൾ ചെയ്ത 45 ദിവസത്തിനുശേഷം മരണം സംഭവിച്ചാലും പോളിസി ഉടമയുടെ നോമിനിക്ക് മരണ ആനുകൂല്യം നൽകും. ആദായനികുതി നിയമത്തിലെ സെക്ഷൻ 80 സി പ്രകാരം, പോളിസി അടയ്ക്കുന്ന പ്രീമിയത്തിന് നികുതി ആനുകൂല്യങ്ങൾ ലഭിക്കും.