Click it and Unblock the Notifications
ഒരു കമ്പനി അവരുടെ തന്നെ ഓഹരികള് നിശ്ചിത വിലയില് വിപണിയില് നിന്നും തിരികെ വാങ്ങുന്ന നടപടിയാണ് ഷെയര് ബൈബാക്ക് (Share Buyback) അഥവാ ഓഹരി തിരികെ വാങ്ങല്. നിക്ഷേപകര്ക്ക് നികുതി ബാധ്യത പരമാവധി കുറച്ചുകൊണ്ട് പണം മടക്കി നല്കാവുന്ന വിവിധ മര്ഗങ്ങളിലൊന്നാണിത്. ഇതിലൂടെ ഓഹരിയുടെ അന്തര്ലീന മൂല്യം ഉയര്ത്താനും സാധിക്കും.
ഷെയര് ബൈബാക്ക്
പൊതുവില് വിപണി വിലയേക്കാള് ഉയര്ന്ന വിലയായിരിക്കും ഓഹരി തിരികെ വാങ്ങല് പ്രഖ്യാപിക്കാറുള്ളത്. നിര്ദിഷ്ട സ്വീകരണ അനുപാതത്തിലാവും (Acceptance Ratio) നിക്ഷേപകരുടെ കൈവശമുള്ള ഓഹരികളുടെ നിശ്ചിത ഭാഗം കമ്പനി തിരികെ വാങ്ങുക. അര്ഹരായ ഓഹരിയുടമകളെ കണ്ടെത്തുന്നതിനുള്ള റെക്കോഡ് തീയതിക്ക് ശേഷം സ്റ്റോക്ക് ബ്രോക്കറുടെ വെബ്സൈറ്റില് ബൈബാക്കിന് അപേക്ഷിക്കാനുള്ള ഓപ്ഷന് തെളിയും. അതില് നിര്ദേശിച്ചിരിക്കുന്ന സമയത്തിനുള്ളില് (Buyback Window) കൈവശമുള്ള ഓഹരികള് ബൈബാക്കിനായി നിക്ഷേപകന് ടെന്ഡര് ചെയ്യാനാകും.
ക്വിക് ഹീല് ടെക്നോളജീസ്
സൈബര് സെക്യൂരിറ്റിയിലും ഡേറ്റ സുരക്ഷിതമാക്കുന്നതിനുമുള്ള ഐടി സേവനങ്ങള് നല്കുന്ന മുന്നിര കമ്പനിയാണ് ക്വിക് ഹീല് ടെക്നോളജീസ്. ബി-2-ബി, ബി-2-ജി, ബി-2-സി വിഭാഗങ്ങളിലായാണ് ഈ സ്മോള് കാപ് കമ്പനിയുടെ മുഖ്യ പ്രവര്ത്തനം.
ജൂലൈ 21-ന് ചേര്ന്ന ഡയറക്ടര് ബോര്ഡ് യോഗത്തിലായിരുന്നു ഓഹരി തിരികെ വാങ്ങുന്നതിനുള്ള തീരുമാനം പ്രഖ്യാപിച്ചത്. ടെന്ഡര് നടപടികളില് പങ്കെടുക്കുന്നതിന് അര്ഹരായ ഓഹരിയുടമകളെ നിശ്ചയിക്കുന്നതിനുള്ള റെക്കോഡ് തീയതി സെപ്റ്റംബര് 14 ആയിരുന്നു.
സ്റ്റോക്ക് എക്സ്ചേഞ്ചില് നല്കിയ ഏറ്റവും പുതിയ അറിയിപ്പ് പ്രകാരം ക്വിക് ഹീല് ടെക്നോളജീസ് നിക്ഷേപകര് ശ്രദ്ധിക്കേണ്ട പ്രധാന 5 ഘടകങ്ങള് താഴെ ചേര്ക്കുന്നു.
- ഷെയര് ബൈബാക്ക് വില- ഓഹരിയൊന്നിന് 300 രൂപ നിരക്കില് തിരികെ വാങ്ങും.
- ബൈബാക്കിന് അപേക്ഷിക്കാനുള്ള തീയതി- ഒക്ടോബര് 4-നും 18-നും ഇടയില് അപേക്ഷ സമര്പ്പിക്കണം.
- ബൈബാക്ക് രീതി- ഓഹരികള് തിരികെ വാങ്ങുന്നത് ടെന്ഡര് (Tender) ഓഫര് മുഖേന.
- സ്വീകരണ അനുപാതം- ചെറിയ വിഭാഗം നിക്ഷേപകര്ക്ക് 81 ഓഹരികളില് നിന്നും 10 ഓഹരികള് വീതം തിരികെ വാങ്ങും. പൊതു വിഭാഗത്തില് 61 ഓഹരികള്ക്ക് 5 എണ്ണം വീതവും തിരികെ വാങ്ങും.
- ബൈബാക്ക് പദ്ധതി- 150 കോടി ചെലവഴിച്ച് 50 ലക്ഷം ഓഹരികള് തിരികെ വാങ്ങും.
ഓഹരി വിശദാംശം
കമ്പനിയുടെ വിപണി മൂല്യം 1,176 കോടി രൂപയാണ്. മുടങ്ങാതെ ലാഭവിഹിതം നല്കുന്ന ക്വിക് ഹീല് ടെക്നോളജീസ് (BSE: 539678, NSE : QUICKHEAL) ഓഹരിയുടെ ഡിവിഡന്റ് യീല്ഡ് 2.27 ശതമാനമാണെന്നതും ശ്രദ്ധേയം. പ്രതിയോഹരി ബുക്ക് വാല്യൂ 108 രൂപയും പിഇ അനുപാതം 15.14 മടങ്ങിലുമാണ്.
അതേസമയം 202 രൂപയിലായിരുന്നു ഓഹരിയുടെ ഇന്നത്തെ ക്ലോസിങ്. ഒരു വര്ഷ കാലയളവില് ക്വിക് ഹീല് ടെക്നോളജീസ് ഓഹരിയുടെ ഉയര്ന്ന വില 257 രൂപയും താഴ്ന്ന വില 141 രൂപയുമാണ്.
അറിയിപ്പ്
മുകളില് കൊടുത്തിരിക്കുന്ന ലേഖനം പഠനാവശ്യത്തിനു നല്കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള് സ്വീകരിക്കും മുന്പ് സാമ്പത്തിക വിദഗ്ധന്റെ നിര്ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്ക്ക് വിധേയമാണ്. സ്വന്തം റിസ്കില് മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില് സംഭവിക്കുന്ന ലാഭനഷ്ടങ്ങള്ക്ക് ഗ്രേനിയം ഇന്ഫര്മേഷന് ടെക്നോളജീസും ലേഖകനും ഉത്തരവാദികളല്ല.
More From GoodReturns
മാരുതി സുസുക്കി ഓഹരി വാങ്ങാം, 29 ശതമാനം ലാഭം ഉറപ്പെന്ന് മോത്തിലാൽ ഓസ്വാൾ, കുതിപ്പിന്റെ കാരണം അറിയാം
ബെംഗളൂരുവില് എല്പിജി പ്രതിസന്ധി രൂക്ഷം; ബ്ലാക്ക് മാര്ക്കറ്റില് വില 5,000 രൂപ, ഹോട്ടലുകള് വില ഉയര്ത്തും
എല്പിജി പ്രതിസന്ധി: ഗാര്ഹിക ഉപഭോക്താക്കള് ഇ-കെവൈസി പൂര്ത്തിയാക്കണം: ഘട്ടങ്ങള് ഇതാ
ബെംഗളൂരുവിലും മുംബൈയിലും ഹോട്ടലുകൾ താൽക്കാലിക അടച്ചുപൂട്ടലിലേക്ക്; മലയാളികളടക്കം ആശങ്കയിൽ
എൽപിജി സിലിണ്ടർ വാട്ട്സ്ആപ്പ് വഴി ബുക്ക് ചെയ്യാം, വളരെ എളുപ്പത്തിൽ കാര്യം കഴിയും, എങ്ങനെ എന്ന് നോക്കാം
ബെംഗളൂരു മലയാളികളുടെ ശ്രദ്ധയ്ക്ക്: പാചക വാതക ബുക്കിംഗില് കുതിച്ചുചാട്ടം, ഇക്കാര്യങ്ങള് അറിയണം
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
കേന്ദ്രസര്ക്കാര് ഗ്യാരണ്ടിയുള്ള ചെറു സമ്പാദ്യ പദ്ധതികള്: ആകര്ഷകമായ പലിശ; നിക്ഷേപം പോസ്റ്റ് ഓഫീസ് വഴിയും
പിപിഎഫ് മുതൽ സുകന്യ സമൃദ്ധി വരെ; ചെറുകിട നിക്ഷേപ പദ്ധതികളെക്കുറിച്ച് അറിയേണ്ടതെല്ലാം
ഐടി ജോലി വീട്ടിലിരുന്ന് ചെയ്യാം, വർക്ക് ഫ്രം ഹോം തിരികെ കൊണ്ടുവരാൻ ആലോചിച്ച് കമ്പനികൾ, കാരണം ഇതാണ്
ബെംഗളൂരു-കണ്ണൂര് എക്സ്പ്രസ് കോഴിക്കോട് വരെ നീട്ടി; മാര്ച്ച് 15 മുതല് സര്വീസ്, സമയക്രമം ഇതാ
Sign in with Google