എന്തുകൊണ്ട് ടിഎൻ പവർ ഫിനാന്‍സ് സ്ഥിരനിക്ഷേപങ്ങൾ ആകര്‍ഷകമാകുന്നു?

ടിഎൻ പവർ ഫിനാൻസ് കോർപ്പറേഷന്റെ സ്ഥിരനിക്ഷേപങ്ങളുടെ പലിശ നിരക്ക്

കമ്പനി വാഗ്ദാനം ചെയ്യുന്ന പലിശനിരക്ക് ഉയർന്നതാണ്. 12 മാസത്തെ ക്യൂമുലേറ്റീവ് ഡെപ്പോസ്റ്റിറ്റിന് 7.25 ശതമാനം പലിശനിരക്കും 24 മാസത്തെ ക്യുമലേറ്റീവ് ഡെപ്പോസിറ്റിന് 7.50 ശതമാനം പലിശനിരക്കും ലഭിക്കുന്നു. 36, 40 മാസങ്ങളിലെ നിക്ഷേപം 8 ശതമാനവും 60 മാസത്തെ നിക്ഷേപം 8.25% പലിശ നിരക്കും വാഗ്ദാനം ചെയ്യുന്നു. മുതിർന്ന പൗരന്മാർക്ക് 0.50% അധിക പലിശ നിരക്കും ലഭിക്കുന്നതാണ്.

ടിഎൻ പവർ ഫിനാൻസിൽ നിന്നുള്ള എഫ്‍ഡി പലിശനിരക്ക്

12 മാസം 7.25%

24 മാസം 7.50%

36 മാസം & 40 മാസം 8.0%

60 മാസം 8.25%

ടിഎൻ പവർ ഫിനാൻസ് കോർപ്പറേഷനിലെ നിക്ഷേപം സുരക്ഷിതമാണോ?

തമിഴ്നാട് സർക്കാരിന്റെ ഉടമസ്ഥതയിലുള്ള സ്ഥാപനമാണ് ടിഎൻ പവർ ഫിനാൻസ് കോർപ്പറേഷൻ. നിക്ഷേപത്തിൽ വീഴ്ച വരുത്തിയ ഒരു കേസ് പോലും ഇതുവരെ ഈ സർക്കാർ സ്ഥാപനത്തിന്റെ ഭാഗത്ത് നിന്ന് ഉണ്ടായിട്ടില്ല. വർഷങ്ങളായി നിക്ഷേപങ്ങൾ സ്വീകരിക്കുന്ന കമ്പിനിയായതിനാൽ തന്നെ ഇവിടെയൊരു അപകട സാധ്യത കാണുന്നുമില്ല. ഇവിടുത്തെ പലിശനിരക്കും വളരെ ആകർഷകമാണ്. സുരക്ഷാ സംവിധാനങ്ങൾക്ക് പുറമെ സ്ഥിരനിക്ഷേപങ്ങള്‍ക്കായി ഓൺലൈൻ വഴി അപേക്ഷിക്കാനുള്ള സംവിധാനങ്ങളും ഇവിടെയുണ്ട്.

ഒരു വ്യക്തിക്ക് ഓൺലൈനിലുടെ സ്ഥിര നിക്ഷേപം സൃഷ്ടിക്കാൻ സാധിക്കുമെന്നതും വളരെ വലിയ നേട്ടമാണ്. നിലവിലെ ചട്ടങ്ങൾ അനുസരിച്ച് വിലാസ, തിരിച്ചറിയിൽ രേഖകള്‍ ഉള്‍പ്പടെയുള്ള വിവരങ്ങൾ ഓൺലൈനായി അപ്‌ലോഡ് ചെയ്യണം. നിക്ഷേപങ്ങളെക്കുറിച്ച് കൂടുതൽ അറിയാനായി ഒരു കോൺടാക്ട് നമ്പറും ഉണ്ട്. പേയ്മെന്റ്, പലിശ എന്നീ വിവരങ്ങൾ ഓൺലൈനായി പരിശോധിക്കാനും സാധിക്കും.

ടിഎൻ പവർ ഫിനാൻസ് സ്ഥിരനിക്ഷേപങ്ങളുടെ വിശദാംശങ്ങൾ

നിക്ഷേപകർക്ക് 1 മുതൽ 5 വർഷം വരെ കാലാവധിയുള്ള സ്ഥിരനിക്ഷേപത്തിന് അപേക്ഷിക്കാം. ക്യുമുലേറ്റീവ് അല്ലെങ്കിൽ നോൺ ക്യുമുലേറ്റീവ് ഡെപ്പോസിറ്റായി അപേക്ഷിക്കാനുള്ള ഓപ്ഷനുകളുമുണ്ട്.

നിങ്ങൾ അപേക്ഷിക്കേണ്ട ഏറ്റവും കുറഞ്ഞ തുക 25,000 രൂപയും അതിന്റെ ഇരിട്ടി 1000 രൂപയുമാണ്. വ്യക്തികൾക്ക് മാത്രമല്ല ട്രസ്റ്റുകൾ, എച്ച്‍യുഎഫ്, എൻആർഐകൾ എന്നിവർക്കും ടിഎൻ പവർ കോർപ്പറേഷന്റെ സ്ഥിര നിക്ഷേപത്തിനായി അപേക്ഷിക്കാവുന്നതാണ്. നിക്ഷേപം ഓൺലൈനായി തുടങ്ങുന്നതിനു പുറമെ ഫോമുകൾ സ്വമേധയാ സമർപ്പിക്കാനും സാധിക്കുന്നതാണ്. പ്രക്രിയ സുഗമമാക്കുന്നതിന് നിങ്ങൾക്ക് ഏജന്റുമാരുടെ സഹായവും ഉണ്ടാകുന്നതാണ്.

ടിഎൻ പവർ ഫിനാൻസിലെ നികുതി പ്രത്യാഘാതങ്ങൾ

5000 രൂപയിൽ കുടുതൽ നിക്ഷേപ തുക മറികടന്നാൽ ടിഎൻ പവർ കോർപ്പറേഷന്റെ സ്ഥിര നിക്ഷേപം ടിഡിഎസ്സിനെ ആകർഷിക്കും. സർക്കാര്‍ നിർദ്ദേശിക്കുന്ന പരിധിക്ക് താഴെയാണ് നിങ്ങളുടെ വരുമാനമെങ്കിൽ, നിങ്ങൾക്ക് ഫോം 15g, ഫോം 15പ എന്നിവ സമർപ്പിക്കാനും കഴിയും. നിങ്ങൾക്ക് നിക്ഷേപത്തിനെതിരെ വായ്പയ്ക്ക് അപേക്ഷിക്കാവുന്നതാണ്. പക്ഷേ, അങ്ങനെ ചെയ്യുമ്പേൾ പലിശനിരക്ക് എഫ്ഡി പലിശയേക്കാൾ അൽപ്പം കൂടുതലായിരിക്കും. മാത്രമല്ല, സ്ഥിരനിക്ഷേപങ്ങൾക്കെതിരെ വായ്പയെടുക്കുന്നത് അത്ര ഉചിതവുമല്ല. രാജ്യത്തെ പലിശനിരക്കിന്റെ നിലവിലെ സ്ഥിതി കണക്കിലെടുക്കുമ്പേൾ ഈ സ്ഥിര നിക്ഷേപം ഒരു മോശം തീരുമാനമായിരിക്കുകയില്ല. എന്നിരുന്നാലും ഒരു ഹ്രസ്വകാലത്തേക്ക് നിക്ഷേപിക്കുന്നതാണ് ഉചിതം.