പൂജ ബംബർ BR 112 ഫലം

Pooja Bumper BR 100 Result: പൂജാ ബംമ്പർ ലോട്ടറി (BR-100) നറുക്കെടുപ്പ് നാളെ ഡിസംബർ 4ന്. ഓണം ബമ്പറിനു ശേഷം കേരളക്കരയാകെ കാത്തിരിക്കുന്ന ബമ്പർ ലോട്ടറിയാണ് പൂജാ ബമ്പർ. അതിനാൽ ബമ്പർ എടുക്കാനുള്ള തിരക്കിലാണ് എല്ലാവരും. 12 കോടിയുടെ ഭാഗ്യ സമ്മാനമാണ് ഒന്നാം സമ്മാനക്കാരന് ലഭിക്കുന്നത്. 300 രൂപയാണ് ടിക്കറ്റ് വില.

രണ്ടാം സമ്മാനം ഒരു കോടി രൂപ വീതം അഞ്ച് പേർക്ക് ലഭിക്കും. മൂന്നാം സമ്മാനം പത്ത് പേർക്ക് 10 ലക്ഷം രൂപ വീതം ലഭിക്കും. നാലാം സമ്മാനം മൂന്നു ലക്ഷം രൂപ അഞ്ചു പേർക്കും, അഞ്ചാം സമ്മാനമായി രണ്ടു ലക്ഷം രൂപ വീതം അഞ്ച് പേർക്കും ലഭിക്കും. കൂടാതെ മറ്റു സമ്മാനങ്ങൾ 5000 , 1000, 500, 300 രൂപ എന്നിങ്ങനെയാണ് നൽകുന്നത്. സമാശ്വാസ സമ്മാനമായി നാല് പേർക്ക് 1 ലക്ഷം രൂപ വീതവും ലഭിക്കും.

കഴിഞ്ഞ വർഷം കാസർകോട് ഹൊസങ്കടിയിലെ ഭാരത് എന്ന ലോട്ടറി ഓഫീസിൽ നിന്നായിരുന്നു 12 കോടിയുടെ ഒന്നാം സമ്മാനമുള്ള ടിക്കറ്റ് വിറ്റത്. ഇത്തവണ 40 ലക്ഷം ടിക്കറ്റുകളായിരുന്നു അച്ചടിച്ചത്. ഇതുവരെയുള്ള കണക്ക് പ്രകാരം 37 ലക്ഷം ടിക്കറ്റുകളാണ് വിറ്റഴിഞ്ഞത്. ഏറ്റവും കൂടുതൽ പൂജാ ബമ്പർ വിറ്റഴിഞ്ഞത് പാലക്കാട് ജില്ലയിലാണ്. തൊട്ടുപിന്നിൽ തൃശൂർ, തിരുവനന്തപുരം ജില്ലകളുമുണ്ട്. ഈ വർഷം നറുക്കെടുക്കുന്ന അവസാന ബമ്പറാണ് പൂജാ ബമ്പർ.

ഒന്നാം സമ്മാനമായ 12 കോടി മുഴുവനും നിങ്ങൾക്ക് കിട്ടില്ല. 10% ഏജന്റ് കമ്മീഷനും 30% നികുതിയും ഈടാക്കിയാൽ ഏകദേശം 7.56 കോടി രൂപ കിട്ടും. അതിൽ നിന്ന് നിങ്ങൾ സർചാർജും നൽകിയാൽ നിങ്ങൾക്ക് ലഭിക്കുന്ന തുക ഏകദേശം 6.19 കോടി രൂപയായിരിക്കും.