രാജ്യത്ത് ആദ്യമായി, ഡിസ്‌പ്ലേ സ്‌ക്രീനുള്ള ഡെബിറ്റ് കാര്‍ഡ് അവതരിപ്പിച്ചു. ആക്‌സിസ് ബാങ്കാണ് ഡിസ്‌പ്ലേ സ്‌ക്രീനുള്ള ഡെബിറ്റ് കാര്‍ഡ് അവതരിപ്പിച്ചിരിക്കുന്നത്. ഓണ്‍ലൈന്‍ ബാങ്കിങ്ങിന്റെ ഭാഗമായി വേണ്ടിവരുന്ന വണ്‍ടൈം പാസ്‌വേഡ് (ഒടിപി) കാര്‍ഡില്‍ത്തന്നെ തെളിയുന്ന സംവിധാനമാണ് ആവിഷ്‌കരിച്ചിരിക്കുന്നത്.

നെറ്റ്‌വര്‍ക് തകരാര്‍ കാരണം റജിസ്റ്റര്‍ ചെയ്തിട്ടുള്ള മൊബൈല്‍ നമ്പറിലേക്ക് ഒടിപി വരാന്‍ പലപ്പോഴും തടസമുണ്ടാകുന്നു അതിനാലാണ് ഇത്തരമൊരു സംവിധാനം ആക്‌സിസ് ബാങ്ക് അവതരിപ്പിച്ചത്. രാജ്യത്തിനു പുറത്തായിരിക്കുമ്പോള്‍ അതേ സിം ഉപയോഗിക്കണമെന്നുമില്ല.

ഉപഭോക്താവിന്റെ ഇത്തരം ഉപയോഗങ്ങള്‍ കണക്കിലെടുത്താണ് എന്‍ആര്‍ഇ വരിക്കാരെ ലക്ഷ്യമിട്ട് ബാങ്ക് പുതിയ കാര്‍ഡ് അവതരിപ്പിച്ചത്. കാര്‍ഡിലെ ബട്ടണ്‍ അമര്‍ത്തുമ്പോള്‍ 'ഒടിപി' തെളിഞ്ഞുവരും. ഈ സംവിധാനം നിങ്ങള്‍ക്കും ലഭ്യമാവും അതിനായി അടുത്തുള്ള ആക്‌സിസ് ബാങ്കുമായി ബന്ധപ്പെട്ടാല്‍ മതി