ഏറെ വര്‍ഷത്തെ അദ്ധ്വാനത്തിനു ശേഷം IT വകുപ്പ് ഒടുവില്‍ ഡ്യൂപ്ലിക്കേറ്റ് പാന്‍ കാര്‍ഡുകള്‍ പരിശോധിക്കാന്‍ പുതിയ സാങ്കേതിക ഉപകരണം കണ്ടു പിടിച്ചു. ആദായ നികുതി ബിസിനസ്സ് ആപ്ലിക്കേഷന്‍-പെര്‍മനെന്റ് അക്കൗണ്ട് നമ്പര്‍ (ITBA-PAN) എന്ന് അറിയപ്പെടുന്ന ഒരു ഇലക്ട്രോണിക് പ്ലാറ്റ്‌ഫോം ആണിത്.

ഒരു പുതിയ പാന്‍ കാര്‍ഡിനു വേണ്ടി ഉപഭോക്താക്കള്‍ അപേക്ഷിക്കുമ്പോള്‍ തന്നെ ടാക്‌സ്മാനും പാന്‍ കാര്‍ഡ് ഇഷ്യു ചെയ്യുന്ന ഇടനിലക്കാരനും വ്യാജ പാന്‍ കാര്‍ഡുകള്‍ എളുപ്പത്തില്‍ കണ്ടുപിടിക്കാന്‍ സാധിക്കും. എന്നാല്‍ നിലവില്‍ ഒരു സാങ്കേതിക വിദ്യയുടേയും സഹായം ഇല്ലാതെയാണ് വ്യാജ പാന്‍കാര്‍ഡുകള്‍ കണ്ടു പിടിച്ചിരുന്നത്. ഇത് ഫലപ്രദം അല്ലാത്തതുകൊണ്ടാണ് IT വകുപ്പില്‍ പുതിയ സാങ്കേതിക വിദ്യ വികസിപ്പിച്ചെടുത്തത്.

ഒന്നിലധികം പാന്‍ കാര്‍ഡുകള്‍ കൈവശം വച്ചുകൊണ്ട് പല സാമ്പത്തിക തട്ടിപ്പുകളും വര്‍ദ്ധിച്ചു വരുന്ന കാലമാണിത്. അതുകൂടി കണക്കിലെടുത്താണ് ഈ പുതിയ സാങ്കേതിക വിദ്യ. ഈ വര്‍ഷാരംഭത്തില്‍ തന്നെ രണ്ടു ലക്ഷത്തിനു മുകളില്‍ സ്വര്‍ണ്ണാഭരണങ്ങള്‍ വാങ്ങുമ്പോള്‍ പാന്‍ കാര്‍ഡ് നിര്‍ബന്ധമാണ്.