ജീവനക്കാരെ പിരിച്ചുവിടാനൊരുങ്ങി മൈക്രോസോഫ്റ്റ്

മുംബൈ: ഫ്‌ളിപ്കാര്‍ട്ടിനൊപ്പം മൈക്രോസോഫ്റ്റും ജീവനക്കാരെ പിരിച്ചുവിടാനൊരുങ്ങുന്നു.മൈക്രോസോഫ്റ്റ് പിരിച്ചുവിടുന്നതില്‍ അധികവും ഏറ്റെടുത്ത നോക്കിയയിലെ ജീവനക്കാരാണ്.

കഴിഞ്ഞ വര്‍ഷം 7800 ജീവനക്കാരെയാണ് ആഗോളതലത്തില്‍ മൈക്രോസോഫ്റ്റ് പിരിച്ചുവിട്ടത്. ഈ വര്‍ഷം മെയില്‍ 1850 ജീവനക്കാരെ പിരിച്ചുവിടുമെന്ന് മൈക്രോസോഫ്റ്റ് പ്രഖ്യാപിച്ചിരുന്നു. ഇതിന് പുറമേ ആയിരത്തിലേറെ ജീവനക്കാരെ ഈ വര്‍ഷം തന്നെ അധികമായി പിരിച്ചുവിടാനാണ് കമ്പനി ഒരുങ്ങുന്നത്.

നോക്കിയ മൈാബൈല്‍ ബിസിനസ് പൂര്‍ണമായി അവസാനിപ്പിക്കുന്നതിന്റെ സൂചനയായിട്ടാണ് പിരിച്ചുവിടലിനെ വിദഗ്ധര്‍ വിലയിരുത്തുന്നത്.നോക്കിയയുടെ വിന്‍ഡോസ് ഫോണിന് വേണ്ടത്ര ജനപ്രീതി കൈവരിക്കാന്‍ കഴിയാതിരുന്നതടക്കമുളള കാര്യങ്ങളാണ് പിരിച്ചുവിടലിന് പിന്നിലെന്നാണ് റിപ്പോര്‍ട്ടുകള്‍.