ഐഐപി ഇടിഞ്ഞു

മാന്യുഫാക്ചറിംഗ്, മൂലധന മേഖലകളിലെല്ലാം തകര്‍ച്ച നേരിട്ടതാണ് ഓഗസ്റ്റിലെ വ്യാവസായിക വളര്‍ച്ചാ നിരക്ക് 0.7 ശതമാനത്തില്‍ ഒതുക്കിയത്.
വ്യാവസായിക ഉത്പാദന സൂചിക (ഐഐപി)യുടെ 75 ശതമാനവും കൈയിലുള്ള മാന്യുഫാക്ചറിംഗ് മേഖലയുടെ വളര്‍ച്ച ആഗസ്റ്റില്‍ വെറും 0.3 ശതമാനം മാത്രമാണ്.

മൂലധനം,ഘനനം എല്ലാം ഇടിഞ്ഞു

ഒരു വര്‍ഷം മുമ്പ് 6.6 ശതമാനം വളര്‍ച്ച കൈവരിച്ച സ്ഥാനത്താണിത്. ഖനന മേഖലയിലും കഴിഞ്ഞ വര്‍ഷത്തെ അപേക്ഷിച്ച് ഒരു ശതമാനത്തിന്റെ ഇടിവുണ്ടായി. മൂലധന മേഖലയിലെ ഇടിവ് 22.3 ശതമാനമാണ്. 21.3 ശതമാനമായിരുന്നു കഴിഞ്ഞ വര്‍ഷം ഇതേ സമയത്തെ നിരക്ക്.

വൈദ്യുതി രക്ഷപ്പെട്ടു

വൈദ്യുതി, കണ്‍സ്യൂമര്‍ ഗുഡ്‌സ് മേഖലകള്‍ നഷ്ടത്തിലാവാതെ പിടിച്ചുനിന്നു. വാഹന വിപണിയും സ്റ്റീല്‍ ഉല്‍പാദനവും വന്‍ വളര്‍ച്ചയാണ് കൈവരിച്ചത്. എന്നിട്ടും വ്യാവസായികോത്പാദനം നഷ്ടം കുറിച്ചു.

റിപ്പോ നിരക്കില്‍ പ്രതീക്ഷ

വായ്പാ പലിശ നിരക്ക് കുറച്ച റിസര്‍വ് ബാങ്ക് പ്രഖ്യാപനത്തിലാണ് വ്യവസായ മേഖലയുടെ ഇനിയുള്ള പ്രതീക്ഷ. ഐഐപിയുടെ തകര്‍ച്ച കൂടി പരിഗണിച്ചാണ് പുതിയ റിപ്പോ നിരക്ക് പ്രഖ്യാപിച്ചത് ഈ ആനുകൂല്യം ബാങ്കുകള്‍ ഉപഭോക്താക്കള്‍ക്ക് കൈമാറിയാല്‍ വ്യവസായ വളര്‍ച്ചാ നിരക്ക് മെച്ചപ്പെടുമെന്നാണ് കണക്കാക്കപ്പെടുന്നത്.