മുംബൈ: പച്ചക്കറിവില കുറഞ്ഞതോടെ സെപ്റ്റംബറിലെ ചില്ലറ വിലക്കയറ്റത്തോതു കുറഞ്ഞു. ചില്ലറവില ആധാരമാക്കിയുള്ള സിപിഐ 4.31 ശതമാനമേ കയറിയുള്ളൂ. 13 മാസത്തിനിടയിലെ ഏറ്റവും കുറഞ്ഞ കയറ്റമാണിത്. കഴിഞ്ഞ മാസം 5.05 ശതമാനമായിരുന്നു.

പച്ചക്കറിവില 7.21 ശതമാനം കുറഞ്ഞതാണു സൂചിക കുറയാനിടയാക്കിയത്. പയറുവര്‍ഗങ്ങള്‍, മത്സ്യം, മാംസം എന്നിവയുടെ നിരക്കും താണു. പരിപ്പ് മുട്ട പാല്‍ എന്നിവയ്ക്ക് 5.83% വിലക്കയറ്റം രേഖപ്പെടുത്തിയപ്പോള്‍ പഴവര്‍ഗങ്ങള്‍ക്ക് വില ഉയര്‍ന്നു.

മൊത്തത്തില്‍ ഭക്ഷ്യവില സൂചികയിലെ കയറ്റം 3.88 ശതമാനമായി ചുരുങ്ങി. കഴിഞ്ഞ മാസം ഇത് 5.91 ശതമാനമായിരുന്നു. നഗരപ്രദേശത്ത് 3.64%, ഗ്രാമങ്ങളില്‍ 4.96% എന്നിങ്ങനെയാണ് വിലക്കയറ്റത്തിന്റെ നിരക്ക്.

ഇപ്പോഴത്തെ സാഹചര്യത്തില്‍ ഡിസംബറിലെ ധനയ നിര്‍ണയത്തിലും ഇനിയും പലിശ നിരക്കുകള്‍ കുറയ്ക്കാനാണ് സാധ്യത.