പശ്ചിമേഷ്യയിലും വടക്കൻ ആഫ്രിക്കൻ നഗരങ്ങളിലും നടത്തിയ സർവേയിൽ സന്തോഷത്തോടെ ജീവിക്കുന്നവർ മസ്കത്തിലാണെന്ന് റിപ്പോർട്ട്. തൊഴിൽ വെബ്സൈറ്റായ ബെയ്ത്ത് ഡോട്ട്കോമും ആഗോള ഒാൺലൈൻ മാർക്കറ്റ് റിസർച്ച് കമ്പനിയായ യുഗോവും ചേർന്ന് നടത്തിയ 'ടോപ് സിറ്റീസ് ഇൻ ദി മിഡിലീസ്റ്റ് ആൻഡ് നോർത് ആഫ്രിക്ക' സർവേയിലാണ് ഇൗ കണ്ടെത്തൽ.
ജീവിത സാഹചര്യം
മസ്കറ്റിൽ നിന്ന് സർവേയിൽ പങ്കെടുത്ത 84 ശതമാനം പേരും നിലവിലെ ജീവിത സാഹചര്യങ്ങളിൽ തങ്ങൾ ഏറെ സന്തുഷ്ടരാണെന്നാണ് പ്രതികരിച്ചത്. ദുബൈയും അബൂദബിയുമാണ് സന്തുഷ്ടിയുടെ കാര്യത്തിൽ തൊട്ടു പിന്നിലുള്ളത്.
ബെയ്റൂത്ത് പിന്നിൽ
ബെയ്റൂത്ത് ആണ് ഇക്കാര്യത്തിൽ ഏറ്റവും പിന്നിൽ. ഇവിടെ 28 ശതമാനം സന്തുഷ്ടർ മാത്രമാണുള്ളത്. എന്നാൽ സുഖകരമായ കാലാവസ്ഥയുടെ കാര്യത്തിൽ ബെയ്റൂത്ത് മുന്നിലാണ്.
തൊഴിലിന് ബെസ്റ്റ്
ജീവിക്കാനും തൊഴിൽ ചെയ്യാനും പറ്റിയ നഗരങ്ങൾ ദുബായും അബുദാബിയുമാണെന്ന് സർവേ റിപ്പോർട്ട്. 77 ശതമാനം പേരാണ് ഇത് വ്യക്തമാക്കിയത്.
പൊതുഗതാഗതം
പൊതുഗതാഗത സംവിധാനത്തിൽ ദുബായ് ആണ് ഒന്നാമത്. 86 ശതമാനം പേർ ദുബായിലെ പൊതുഗതാഗത സംവിധാനത്തിന്റെ കാര്യക്ഷമത സാക്ഷ്യപ്പെടുത്തി. ശുദ്ധമായ വെള്ളം, വായു, വൃത്തിയുള്ള നഗര വീഥികൾ എന്നിവയുടെ കാര്യത്തിൽ ദുബായ്, അബുദാബി, മസ്കറ്റ് എന്നീ രാജ്യങ്ങൾ ആദ്യ മൂന്നു സ്ഥാനങ്ങളിൽ എത്തി.
സാമ്പത്തികം
സാമ്പത്തികം, തൊഴിലാളികളുടെ അവകാശങ്ങൾ, ജീവിത നിലവാരം, സാമൂഹിക സാംസ്കാരിക നിലവാരം, വിദ്യാഭ്യാസ നിലവാരം, ആരോഗ്യ സംരക്ഷണ സംവിധാനങ്ങളുടെ ലഭ്യത തുടങ്ങി വിവിധ ഘടകങ്ങൾ ആസ്പദമാക്കിയാണ് സർവേ റിപ്പോർട്ട് തയാറാക്കിയിരിക്കുന്നത്. ഇതിൽ പലതിലും മസ്കത്ത് ആദ്യ സ്ഥാനങ്ങളിൽ തന്നെ ഇടംപിടിച്ചു.
malayalam.goodreturns.in