ടാക്സി സേവന രംഗത്തെ പ്രമുഖരായ ഊബർ ഇന്ത്യയിൽ വീണ്ടും ഓട്ടോറിക്ഷ സേവനം ആരംഭിക്കുന്നു. രണ്ട് വർഷം മുമ്പ് ഓട്ടോറിക്ഷ സേവനം നിർത്തലാക്കിയിരുന്നെങ്കിലും ഇത് വീണ്ടും പുനരാരംഭിക്കാനാണ് കമ്പനിയുടെ തീരുമാനം.
ബംഗളൂരു, പുനൈ എന്നീ നഗരങ്ങളിലായിരിക്കും തുടക്കത്തില് സേവനമെത്തിക്കുക. ഈ രണ്ട് നഗരങ്ങളിലും അടുത്ത മാസം മുതൽ ഊബർ ആപ്ലിക്കേഷനിൽ ഓട്ടോ എന്ന ഓപ്ഷൻ കൂടി ലഭിക്കും. പണമായോ, പേടിഎം, ഡെബിറ്റ്, ക്രെഡിറ്റ് കാർഡുകൾ വഴിയോ ഊബർ ഓട്ടോ ഉപയോഗിക്കുന്നവർക്ക് പേയ്മെന്റ് നടത്താവുന്നതാണ്.
ടാക്സി സേവന രംഗത്തെ ഇന്ത്യന് കമ്പനിയായ ഒലയിൽ ഓട്ടോറിക്ഷ സേവനം ലഭ്യമാണ്. ഊബറിന് മുമ്പ് ഉണ്ടായിരുന്നെങ്കിലും 2016 മാര്ച്ചില് ഇത് അവസാനിപ്പിക്കുകയായിരുന്നു. എന്നാൽ ബംഗളൂരുവിനും പൂനൈയ്ക്കും പിന്നാലെ ഇന്ത്യയിലെ മറ്റു നഗരങ്ങളിലേക്ക് ഉബർ ഈ സേവനം വ്യാപിപ്പിക്കുമെന്ന് അധികൃതർ വ്യക്തമാക്കി.
2015 ഏപ്രിലിൽ ഡൽഹിയിലാണ് ഉബർ ആദ്യമായി ഉബർ ഓട്ടോ സേവനം ആരംഭിച്ചത്. എന്നാൽ എട്ട് മാസത്തിന് ശേഷം സർവ്വീസ് അവസാനിപ്പിക്കുകയായിരുന്നു.
malayalam.goodreturns.in