ആദ്യം വാട്സ്ആപ്പ് ബിസിനസ്സ് പ്രൊഫൈൽ

1. വാട്സാപ്പ് ബിസിനസ്സ് ആപ്പ് ഗൂഗിൾ പ്ളേ സ്റ്റോറിൽ നിന്നും ഡൗൺലോഡ് ചെയ്യുക.

2. നിങ്ങളുടെ മൊബൈൽ നമ്പർ ഉപയോഗിച്ച് സൈൻ അപ്പ് ചെയ്യുക. ബിസിനസ്സ് ആവശ്യത്തിനുള്ള നമ്പർ ആണ് കൊടുക്കുന്നത് എങ്കിൽ വളരെ നല്ലത്.

3. സെറ്റിങ്സ്> ബിസിനസ്സ് സെറ്റിങ്‌സ്> പ്രൊഫൈൽ ൽ പോയി നിങ്ങളുടെ ബിസിനസ്സ് വിവരങ്ങൾ നൽകുക. അക്കൗണ്ട് തയ്യാർ.

ആപ്പ് സജ്ജമാക്കുന്ന വിധം

ആപ്പ് ഇൻസ്റ്റാൾ ചെയ്ത് പ്രൊഫൈൽ ഉണ്ടാക്കിയ ശേഷം എന്താണ് ചെയ്യേണ്ടത് എന്ന് നോക്കാം. ഇവിടെ നിങ്ങൾക്ക് ഓട്ടോമാറ്റിക്ക് ആയി ഒരു മെസ്സേജിന് മറുപടി നൽകാം, ഉപഭോക്താക്കൾക്ക് പെട്ടെന്നുള്ള മറുപടികൽ നൽകാം, അങ്ങനെ ഒരുപാട് സൗകര്യങ്ങളുണ്ട്.

1. സെറ്റിങ്സിൽ ബിസിനസ് സെറ്റിങ്സിൽ പോവുക.

2. അവിടെ Away message, Greeting message, Quick replies എന്നിങ്ങനെ മൂന്ന് ഓപ്ഷനുകൾ കാണാം. നിങ്ങളുടെ ആവശ്യത്തിനനുസരിച്ച് ഇവ സെറ്റ് ചെയ്യാം.

3. ഇവിടെ ഓരോന്നിലും നിങ്ങൾക്ക് ഇഷ്ടമുള്ള രീതിയിൽ മെസ്സേജുകൾ കൊടുക്കാം. എന്തൊക്കെയാണ് അതിൽ വേണ്ടത് എന്ന് നിങ്ങളുടെ ബിസിനസ്സ് പോലെയുണ്ടാകും.

വാട്സാപ്പ് ബിസിനസ്സ് ഉപയോഗിച്ച് ബിസിനസ്സ് മെച്ചപ്പെടുത്താൻ

വാട്സാപ്പ് ബിസിനസ്സ് ഉപയോഗിച്ച് ബിസിനസ്സ് മെച്ചപ്പെടുത്താൻ
നല്ലൊരു കോണ്ടാക്റ്റ് ലിസ്റ്റ് ഉണ്ടാക്കിയെടുക്കുക എന്നതാണ് ഇവിടെ ഏറ്റവും പ്രധാനപ്പെട്ട കാര്യം. നിങ്ങൾക്ക് ഇതിനായി ആവശ്യമായ ആളുകളെയെല്ലാം സമീപിക്കാം. ഇതോടൊപ്പം വാട്സാപ്പിലും ചില കാര്യങ്ങൾ ചെയ്യേണ്ടതുണ്ട്. ഇതിനായി വാട്സാപ്പ് ബിസിനസിലെ ലേബൽ സൗകര്യം ഉപയോഗപ്പെടുത്താം.

ഇതിനായി പുതിയ ലേബൽ ഉണ്ടാക്കാനുള്ള സൗകര്യം ഈ ആപ്പിൽ തന്നെ ഉണ്ട്. ചാറ്റുകളിൽ ഈ ലേബൽ ഉപയോഗിക്കുകയും ചെയ്യാം. നിങ്ങളുടെ ബിസിനസിനെ കുറിച്ചുള്ള പുതിയ വിശേഷങ്ങളും പ്രൊഡക്ടുകളും എല്ലാം വരുമ്പോൾ ബ്രോഡ്കാസ്റ്റിങ് വഴി അവരെ അറിയിക്കുകയും ചെയ്യാം.